1954 – ൽ പ്രസിദ്ധീകരിച്ച, എ.ഡി. ഹരിശർമ്മ പ്രസിദ്ധീകരിച്ച അദ്ധ്യാത്മരാമായണം – അയോദ്ധ്യാകാണ്ഡം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
കേരളീയ ഭക്തിസാഹിത്യത്തിൽ അതുല്യ സ്ഥാനമുള്ള കൃതിയാണ് അദ്ധ്യാത്മരാമായണം കിളിപ്പാട്ട്. തുഞ്ചത്ത് എഴുത്തച്ഛൻ മലയാളിക്ക് സമ്മാനിച്ച ഈ അമൂല്യ ഗ്രന്ഥത്തിലെ ഏറ്റവും ഭക്തിപൂർണ്ണവും ആത്മീയഗാംഭീര്യമുള്ള ഭാഗവുമാണ് അയോദ്ധ്യാകാണ്ഡം. സാധാരണ വായനക്കാരനും എളുപ്പത്തിൽ മനസ്സിലാക്കാൻ സഹായിച്ച പ്രധാന വ്യാഖ്യാനങ്ങളിൽ ഒന്നാണ് ഏ.ഡി. ഹരിശർമ്മയുടെ വ്യാഖ്യാനസഹിതമുള്ള ഈ പുസ്തകം.ശ്രീരാമൻ്റെ വനവാസത്തിലേക്കുള്ള യാത്രയും, ധർമ്മനിഷ്ഠയും, ത്യാഗവും, ഭക്തിയും പ്രതിപാദിക്കുന്ന ഭാഗമാണ് ഇത്. കേരളത്തിൽ കർക്കിടകമാസത്തിൽ പാരായണം ചെയ്യപ്പെടുന്ന പ്രധാന ഭാഗങ്ങളിലൊന്നാണിത്.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.
- പേര്: അദ്ധ്യാത്മരാമായണം – അയോദ്ധ്യാകാണ്ഡം
- പ്രസിദ്ധീകരണ വർഷം: 1954
- അച്ചടി: Parishanmudralayam, Ernakulam
- താളുകളുടെ എണ്ണം: 276
- സ്കാൻ ലഭ്യമായ ഇടം: കണ്ണി