1937 ൽ നാലാം ക്ലാസ്സിലെ ഉപയോഗിക്കാൻ വേണ്ടി ടി. ലക്ഷ്മിക്കുട്ടിവാരസ്യാർ രചിച്ച പ്രായോഗിക കണക്കുപുസ്തകം എന്ന പുസ്തകത്തിൻ്റെ സ്കാനാണ് ഈ പോസ്റ്റിലൂടെ പങ്കുവെക്കുന്നത്. ഇത് കൊച്ചി നാട്ടുരാജ്യത്തിനു കീഴിലുള്ള പ്രദേശങ്ങളിലെ സ്കൂളുകളിൽ ഉപയോഗിക്കാൻ തയ്യാറാക്കിയ പുസ്തകം ആണെന്ന് ഇതിലെ വിവിധ പാഠങ്ങൾ സൂചിപ്പിക്കുന്നു.
നമ്മുടെ പഴയപാഠപുസ്തകങ്ങൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് റിലീസ് ചെയ്യുന്നത്. ആ പദ്ധതിയെ പറ്റിയുള്ള പ്രാഥമികവിവരത്തിന് ഈ പോസ്റ്റ് കാണുക.
ഡൊമനിക്ക് നെടും‌പറമ്പിൽ ആണ് ഈ പുസ്തകം ലഭ്യമാക്കിയത്. ഇത് എനിക്കു ഡിജിറ്റൈസേഷനായി ബാംഗ്ലൂരിൽ എത്തിച്ചു തരാൻ എൻ്റെ സുഹൃത്തുക്കളായ കണ്ണൻ ഷണ്മുഖവും അജയ് ബാലചന്ദ്രനും സഹായിച്ചു. ഇവർക്ക് എല്ലാവർക്കും നന്ദി.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു.
- പേര്: പ്രായോഗിക കണക്കുപുസ്തകം
- പ്രസിദ്ധീകരണ വർഷം: 1937
- താളുകളുടെ എണ്ണം: 208
- അച്ചടി: The Deccan Printing House, Huzur Road, Kozhikode
- സ്കാനുകൾ ലഭ്യമായ താൾ: കണ്ണി