Category: P Govinda Pillai Reference Library

1969 ൽ പ്രസിദ്ധീകരിച്ച വി.ഐ. ലെനിൻ രചിച്ച മാർക്സിസത്തിൻ്റെ ഹാസ്യാനുകരണവും സാമ്രാജ്യത്വസാമ്പത്തിക വാദവും എന്ന കൃതിയുടെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

യുദ്ധത്തോടും പിതൃഭൂമിയുടെ രക്ഷയോടുമുള്ള മാർക്സിസ്റ്റ് മനോഭാവം, പുതിയ കാലഘട്ടത്തെകുരറിച്ചുള്ള നമ്മുടെ ധാരണ, സാമ്പത്തിക വിശകലനമെന്നാലെന്താണ്, നോർവ്വെയുടെ ദൃഷ്ടാന്തം, അദ്വൈതവും ദ്വൈതവും, അലേക്സിൻസ്കിയുടെ പ്രവർത്തനരീതികൾ തുടങ്ങിയ അധ്യായങ്ങളാണ് പുസ്തകത്തിൻ്റെ ഉള്ളടക്കം.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര് : മാർക്സിസത്തിൻ്റെ ഹാസ്യാനുകരണവും സാമ്രാജ്യത്വസാമ്പത്തിക വാദവും
• രചയിതാവ്: V.I. Lenin
• പ്രസിദ്ധീകരണ വർഷം: 1969
• താളുകളുടെ എണ്ണം: 92
  
• സ്കാൻ ലഭ്യമായ ഇടം: കണ്ണി

 

 

1948 – ൽ മാർക്സിസ്റ്റ് പ്രസിദ്ധീകരണശാല തൃശൂർ  പ്രസിദ്ധീകരിച്ച നമ്മുടെ വിപ്ലവത്തിൽ തൊഴിലാളിവർഗ്ഗത്തിൻ്റെ കടമകൾ  എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

ഒന്നാം ലോകയുദ്ധം തുടങ്ങിയപ്പോൾ റഷ്യ അതിൽ പങ്കാളിയായി. ദേശീയതയും രാജ്യരക്ഷാവാദവുമുയർത്തിയതോടെ ജനങ്ങൾക്ക് ഭരണകൂടത്തിനു പിന്തുണ നൽകേണ്ടി വന്നു. എന്നാൽ അത് നീണ്ടു നിന്നില്ല. നിക്കൊളാസ് രണ്ടാമൻ്റെ സർക്കാർ താഴെ വീഴുകയും ജോർജി ലവേവിൻ്റെ നേതൃത്വത്തിലുള്ള താൽക്കാലിക സർക്കാർ അധികാരത്തിലെത്തുകയും ചെയ്തു. എന്നാൽ വൈകാതെ അതും താഴെ വീണു. ഈ പ്രത്യേക സന്ദർഭത്തിൽ ലെനിൻ്റെ ബോൾഷെവിക് പാർട്ടി ശക്തി പ്രാപിച്ചു. രാജ്യത്തു നിന്നു പലായനം ചെയ്യേണ്ടി വന്ന ലെനിൻ തൻ്റെ അനുയായികൾക്ക് എഴുത്തുകളിലൂടെ ഊർജ്ജം പകർന്നു.

രാജഗോപാൽ ആണ് ഈ പുസ്തകം
പരിഭാഷപ്പെടുത്തിയിട്ടുള്ളത്.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര് : നമ്മുടെ വിപ്ലവത്തിൽ തൊഴിലാളിവർഗ്ഗത്തിൻ്റെ കടമകൾ
• പ്രസിദ്ധീകരണ വർഷം: 1948
• താളുകളുടെ എണ്ണം: 82
  
• സ്കാൻ ലഭ്യമായ ഇടം: കണ്ണി

1983 – ൽ പ്രസിദ്ധീകരിച്ച മാർക്സും സൗന്ദര്യ ശാസ്ത്രവും എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

മാർക്സും സൗന്ദര്യ ശാസ്ത്രവും

കലാരചനകളുടെ സൗന്ദര്യത്തിനു പിന്നിൽ പ്രവർത്തിക്കുന്ന വസ്തുനിഷ്ഠമായ യാഥാർത്ഥ്യങ്ങളെ കാലികവും പുരോഗമനപരവുമായ രീതിയിൽ കണ്ടെത്തുകയാണ് കാൾ മാർക്സ് ചെയ്തതെന്ന് സ്ഥാപിക്കുന്ന അഞ്ച് പഠനപ്രബന്ധങ്ങളുടെ സമാഹാരമാണ് ഈ പുസ്തകം. ഈ ലോകത്തെ സൗന്ദര്യാത്മകമായി അറിയാനും ആസ്വദിക്കാനുമുള്ള ഉപാധിയായി മാത്രമല്ല, അതിനെ പരിവർത്തിപ്പിക്കാനുള്ള ഉപാധിയായും സാഹിത്യത്തെയും കലകളെയും പരിഗണിക്കേണ്ടതുണ്ടെന്ന് വാദിക്കുകയാണ് ഇതിലെ പ്രബന്ധങ്ങൾ ചെയ്യുന്നത്. എൻ ഇ ബാലറാം, സി.ഉണ്ണിരാജ എന്നിവർ രചിച്ച പ്രബന്ധങ്ങൾ സൗന്ദര്യശാസ്ത്രമേഖലയിൽ മാർക്സിൻ്റെ ആശയങ്ങൾ ചെലുത്തിയ സ്വാധീനം, സാഹിത്യകൃതികൾക്ക് സാമൂഹിക പ്രതിബദ്ധത ഉണ്ടായിരിക്കേണ്ടതിൻ്റെ പ്രാധാന്യം, അതിൻ്റെ സൈദ്ധാന്തികമായ വശങ്ങൾ, മാർക്സിയൻ സൗന്ദര്യശാസ്ത്രവും മലയാളസാഹിത്യവുമായുള്ള ബന്ധം, മലയാള സാഹിത്യത്തിൽ സോഷ്യലിസ്റ്റ് ആശയങ്ങളുടെ സ്വാധീനം തുടങ്ങിയ വിഷയങ്ങൾ ചർച്ച ചെയ്യുന്നു.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര് : മാർക്സും സൗന്ദര്യശാസ്ത്രവും
• പ്രസിദ്ധീകരണ വർഷം: 1983
• താളുകളുടെ എണ്ണം: 118
  
• സ്കാൻ ലഭ്യമായ ഇടം: കണ്ണി

1957 – ൽ ഇന്ത്യൻ കമ്മ്യൂണിസ്റ്റ് പാർട്ടിയുടെ സംസ്ഥാന കമ്മിറ്റി  പ്രസിദ്ധീകരിച്ച കമ്മ്യൂണിസ്റ്റു മന്ത്രിസഭയുടെ നയപ്രഖ്യാപനം  എന്ന ലഘുലേഖയുടെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

1957-ലെ പൊതു തിരഞ്ഞെടുപ്പിൽ ജയിച്ച, കമ്മ്യൂണിസ്റ്റ് പാർട്ടിയുടെ നേതൃത്വത്തിലുള്ള കേരളത്തിലെ ഒന്നാമത്തെ മന്ത്രിസഭ അധികാരമേറ്റെടുത്ത ഉടനെ ഏപ്രിൽ അഞ്ചാം തിയതി മുഖ്യമന്ത്രി ഇ എം ശങ്കരൻ നമ്പൂതിരിപ്പാട് നടത്തിയ നയപ്രഖ്യാപനമാണ് ഈ ലഘുലേഖയിൽ ഉള്ളത്. കൂടാതെ പാർട്ടിയുടെ തിരഞ്ഞെടുപ്പ് പരിപാടി മന്ത്രിസഭ എങ്ങനെയാണ് നടപ്പിലാക്കാൻ ഉദ്ദേശിക്കുന്നതെന്നും ഇതിൽ പറയുന്നു.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര് : കമ്മ്യൂണിസ്റ്റു മന്ത്രിസഭയുടെ നയപ്രഖ്യാപനം 
• പ്രസിദ്ധീകരണ വർഷം: 1957
• താളുകളുടെ എണ്ണം: 30
  
• സ്കാൻ ലഭ്യമായ ഇടം: കണ്ണി

1957 ൽ പ്രസിദ്ധീകരിച്ച സി ഉണ്ണിരാജ  രചിച്ച നമ്മുടെ പൊതുമേഖലയെപ്പറ്റിഎന്ന ലഘുലേഖയുടെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

1957 – നമ്മുടെ പൊതുമേഖലയെപ്പറ്റി- സി ഉണ്ണിരാജ 

1947-നു മുൻപ് ഇന്ത്യയിൽ ഇന്ന് കാണപ്പെടുന്ന പൊതുമേഖല സ്ഥാപനങ്ങൾ ഒന്നുംതന്നെയുണ്ടായിരുന്നില്ല. കേരളത്തിലെ പൊതുമേഖലാസ്ഥാപനങ്ങളുടെ ചരിത്രവും പ്രവർത്തനരീതികളും സാമ്പത്തിക ആസൂത്രണത്തിൽ അവയ്ക്കുള്ള പ്രാധാന്യവും വിശദീകരിക്കുന്നു ഈ പുസ്തകത്തിലൂടെ . മനുഷ്യൻ മനുഷ്യനെ ചൂഷണം ചെയ്യുന്ന സമ്പ്രദായം അവസാനിപ്പിയ്ക്കാൻ ഉല്പാദനോപകരണങ്ങൾ സമുദായത്തിൻ്റെ പൊതുഉടമയിൽ കൊണ്ടുവരേണ്ടതുണ്ട് . സമ്പത്തും ,സമ്പത്തുല്പാദിപ്പിക്കുന്നതിനുള്ള ഉപകരണങ്ങളും ഒരുപിടിആളുകളുടെ കയ്യിൽ കേന്ദ്രീകരിക്കാതിരിക്കണമെങ്കിൽ പൊതുമേഖല വളരുകയും സാമ്പത്തികം ജീവിതത്തിൻ്റെ പ്രദാനഘടകമായി മാറുകയും വേണം .സാമ്പത്തീക വ്യവസ്ഥയിൽ പൊതുമേഖലക്കുള്ള സ്ഥാനം ,പൊതുമേഖലയ്ക്ക് കടിഞ്ഞാൺ ഇടുന്നതാരാണ് ,കപ്പലിലെ കള്ളന്മാർ ,ദേശസാൽക്കരണം എന്തിന് ? ദേശസാൽക്കരണം പാഴ്ച്ചിലവാണോഎന്നിവിഷയങ്ങൾ പുസ്തകത്തിൽചർച്ച ചെയ്യുന്നു. സ്വകാര്യമേഖലയ്ക്ക് അനുകൂലമായും പൊതുമേഖലയ്ക്കു പ്രതികൂലമായും കരടുരേഖകളിൽ മാറ്റംവരുത്തിയ കോൺഗ്രസ്സ് ഭരണാധികാരികളെ വളരെ ശക്തമായ ഭാഷയിൽ വിമർശിക്കുകയും ചെയ്യുന്നുണ്ട് ഈ പുസ്തകം.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര് : നമ്മുടെ പൊതുമേഖലയെപ്പറ്റി
• രചയിതാവ്: സി .ഉണ്ണിരാജ 
• പ്രസിദ്ധീകരണ വർഷം: 1957
• താളുകളുടെ എണ്ണം: 34
  
• അച്ചടി: പരിഷണ്മുദ്രാലയം, എറണാകുളം
• സ്കാൻ ലഭ്യമായ ഇടം: കണ്ണി

 

 

1957 – ൽ ഇന്ത്യൻ കമ്മ്യൂണിസ്റ്റ് പാർട്ടിയുടെ സംസ്ഥാന കമ്മിറ്റി  പ്രസിദ്ധീകരിച്ച ഇന്ത്യൻ കമ്മ്യൂണിസ്റ്റ് പാർട്ടിയുടെ തിരഞ്ഞെടുപ്പ് വിജ്ഞാപനം എന്ന ലഘുലേഖയുടെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

ജനങ്ങളുടെ താല്പര്യങ്ങൾക്കും ഇച്ഛാശക്തിക്കും എതിരായി നിലകൊള്ളുന്ന കോൺഗ്രസ് ഭരണത്തിനു അവസാനം വരുത്തണം എന്നാണ് ഈ ലഘുലേഖയിൽ ഊന്നി പറയുന്നത്. പൗര സ്വാതന്ത്ര്യങ്ങളുടെ മേൽ അക്രമണങ്ങളായും ജനാധിപത്യത്തെ കടിഞ്ഞാണിട്ടും അധികാരപ്രമത്തതയെ ശക്തിപ്പെടുത്തിയും  കോൺഗ്രസ് ഭരണം ദുസ്സഹമായി. രാജ്യത്തിൻ്റെ പുരോഗതിക്കായി കമ്മ്യൂണിസ്റ്റ് പാർട്ടി മുന്നോട്ടു വെക്കുന്ന നയപരിപാടികൾ എന്തൊക്കെയെന്ന് തുടർന്നു പറയുന്നു

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര് : ഇന്ത്യൻ കമ്മ്യൂണിസ്റ്റ് പാർട്ടിയുടെ തിരഞ്ഞെടുപ്പ് വിജ്ഞാപനം
• പ്രസിദ്ധീകരണ വർഷം: 1957
• താളുകളുടെ എണ്ണം: 64
  
• സ്കാൻ ലഭ്യമായ ഇടം: കണ്ണി

1956 ൽ പ്രസിദ്ധീകരിച്ച എൻ ഇ ബാലറാം രചിച്ച കേരളവും പഞ്ചവത്സരപദ്ധതികളും എന്ന ലഘുലേഖയുടെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

1956 – കേരളവും പഞ്ചവത്സരപദ്ധതികളും-എൻ ഇ ബാലറാം 

ദേശീയ സാമ്പത്തിക പദ്ധതികളുടെ കേന്ദ്രീകൃത ഏകോപനവും, നടപ്പിലാക്കലും ആയിരുന്നു പഞ്ചവത്സര പദ്ധതികൾ കൊണ്ടുദ്ദേശിച്ചിരുന്നത്. ഒന്നാം പഞ്ചവത്സര പദ്ധതി കാർഷിക വികസനത്തിനും അടിസ്ഥാന വികസനത്തിനുമാണ് ഊന്നൽ നൽകിയത്. കാർഷിക മേഖലയിലെ ഉത്പാദനം വർദ്ധിച്ചു എങ്കിലും ജനസംഖ്യ വർദ്ധനവ്‌ കാർഷിക വളർച്ചയെ ബാധിച്ചു. ദാരിദ്ര്യവും തൊഴിലില്ലായ്മയും നേരിയ തോതിൽ മാത്രമേ കുറയ്ക്കാൻ കഴിഞ്ഞിട്ടുള്ളു. കേരളത്തിൻ്റെ വികസനം കൂടുതൽ ത്വരിതപ്പെടുത്താൻ എന്താണ് ചെയ്യേണ്ടതെന്നും പ്രാദേശിക വികസനത്തിൻ്റെ പ്രാധാന്യവും എല്ലാം തന്നെ വിശദമായി ചർച്ച ചെയ്യുന്നുണ്ട് ഈ പുസ്തകത്തിൽ. ഒന്നാം പഞ്ചവത്സരപദ്ധതി കേരളത്തെ എങ്ങനെ സ്വാധീനിച്ചു എന്നും, കേരളത്തിൻ്റെ പ്രത്യേകതകൾ എന്തൊക്കയാണ് എന്നും പുസ്തകം വിലയിരുത്തുന്നു. കേരളത്തിൻ്റെ ആസൂത്രിത സമ്പദ് വ്യവസ്ഥയെയും അതിൻ്റെ പ്രായോഗികതയെയും മനസിലാക്കുവാനും രണ്ടാം പഞ്ചവത്സര പദ്ധതി ഒന്നാം പദ്ധതി പോലെ കേരളത്തെ സ്പർശിക്കാതെ കടന്നു പോകരുതെന്നും പുസ്തകത്തിൽ പറയുന്നു. ദേശീയ പുനരുദ്ധാരണത്തിനു വേണ്ടി സംഘടിത പാർട്ടികളുടെയും ബഹുജന സംഘടനകളുടെയും തിരഞ്ഞെടുക്കപ്പെട്ട തദ്ദേശ സ്വയംഭരണ സ്ഥാപനങ്ങളുടെയും സഹകരണങ്ങളും നിർദ്ദേശങ്ങളും തേടണമെന്നും ലേഖകൻ നിർദേശിക്കുന്നു.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര് : കേരളവും പഞ്ചവത്സരപദ്ധതികളും 
• പ്രസിദ്ധീകരണ വർഷം: 1956
• രചയിതാവ് : N E Balaram
• താളുകളുടെ എണ്ണം: 32
  
• അച്ചടി: പരിഷണ്മുദ്രാലയം, എറണാകുളം
• സ്കാൻ ലഭ്യമായ ഇടം: കണ്ണി

 

പി ഗോവിന്ദപ്പിള്ള രചിച്ച 2006-ൽ ചിന്ത പബ്ലിഷേഴ്സ് പുറത്തിറക്കിയ ഫ്രെഡറിക് എംഗൽസ് – സ്നിഗ്ദ്ധനായ സഹകാരി വരിഷ്ഠനായ വിപ്ലവകാരി എന്ന പുസ്തകത്തിൻ്റെ സ്കാനാണ് ഈ പോസ്റ്റിലൂടെ പങ്കു വയ്ക്കുന്നത്.

ശാസ്ത്രീയ സോഷ്യലിസ സിദ്ധാന്തം രൂപീകരിക്കുന്നതിലും കർമ്മപദ്ധതി ആവിഷ്കരിക്കുന്നതിലും കാൾ മാർക്സിനൊടൊപ്പം സഹകരിച്ച ഫ്രെഡറിക് എംഗൽസിൻ്റെ പ്രാധാന്യവും താത്വിക-പ്രായോഗിക മണ്ഡലങ്ങളിൽ അദ്ദേഹത്തിൻ്റെ പങ്കും വിശദമാക്കുന്ന ഗ്രന്ഥമാണിത്. മലയാളത്തിൽ ആദ്യം രചിക്കപ്പെട്ട, എംഗൽസിൻ്റെ ജീവചരിത്രമാണെന്ന പ്രാധാന്യവും ഈ കൃതിക്കുണ്ട്. 1820 മുതൽ 1895 വരെയുള്ള എംഗൽസിൻ്റെ ജീവചരിത്രത്തെ കാലാനുക്രമമായി വിവരിക്കുന്ന രീതിയല്ല രചയിതാവായ പി ഗോവിന്ദപ്പിള്ള പിന്തുടരുന്നത്. ആ കാലഘട്ടത്തിൻ്റെ സാമൂഹികവും രാഷ്ട്രീയവും പ്രത്യയശാസ്ത്രപരവുമായ വിവരണങ്ങൾക്കൊപ്പം മാർക്സും എംഗൽസും അവരുടെ നിലപാടുകളിൽ എത്തിച്ചേരാനിടയായ ദാർശനികവും രാഷ്ട്രീയവുമായ വികാസഗതിയെ അപഗ്രഥിക്കുകയും ചെയ്യുന്നു.

നീലംപേരൂർ മധുസൂദനൻ നായരാണ് പുസ്തകത്തിനു വേണ്ടി എംഗൽസിൻ്റെ കവിതകൾ വിവർത്തനം ചെയ്തിരിക്കുന്നത്. കേരളത്തിലെ മുൻ മുഖ്യമന്ത്രിയായിരുന്ന പി കെ വാസുദേവൻ നായരുടെ ഓർമ്മയ്ക്ക് ഈ പുസ്തകം സമർപ്പിച്ചിരിക്കുന്നു.

പി ഗോവിന്ദപ്പിള്ളയുടെ രചനകൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് ലഭ്യമാക്കുന്നത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: ഫ്രെഡറിക് എംഗൽസ് – സ്നിഗ്ദ്ധനായ സഹകാരി വരിഷ്ഠനായ വിപ്ലവകാരി
• ഗ്രന്ഥകർത്താവ്: പി ഗോവിന്ദപ്പിള്ള
• പ്രസിദ്ധീകരണ വർഷം: 2006
• അച്ചടി: Akshara Offset, Thiruvananthapuram
• താളുകളുടെ എണ്ണം: 488
  
• സ്കാൻ ലഭ്യമായ ഇടം: കണ്ണി

1953 -ൽ പ്രസിദ്ധീകരിച്ച, സി ഉണ്ണിരാജ എഴുതിയ സ്റ്റാലിൻ ജീവചരിത്രം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

1953-സ്റ്റാലിൻ ജീവചരിത്രം- സി ഉണ്ണിരാജ

1878 – ൽ ജോർജിയയിൽ ജനിച്ച സ്റ്റാലിൻ ചെറുപ്പത്തിൽ വിശുദ്ധ മത പഠനം ആരംഭിച്ചെങ്കിലും പിന്നീട് മാർക്സിസത്തിലേക്കു തിരിഞ്ഞു. രാഷ്ട്രീയ ജീവിതത്തിൻ്റെ തുടക്കത്തിൽ തന്നെ സോഷ്യൽ ഡെമോക്രാറ്റിക്‌ പാർട്ടിയെ കെട്ടിപ്പടുക്കുന്നതിൽ വിപ്ലവകരമായ പ്രചാര വേലയും സംഘടനാ പ്രവർത്തനവും നടത്തിയ ഒരു നേതാവായി തിരഞ്ഞെടുക്കപ്പെട്ടു. സ്റ്റാലിൻ്റെ നേതൃത്വത്തിൽ വിവിധ പ്രദേശങ്ങളിൽ നടത്തിയ ചരിത്ര പ്രധാനങ്ങളായ വിപ്ലവങ്ങളെക്കുറിച്ചും പാർട്ടി സമ്മേളനങ്ങളെക്കുറിച്ചുമാണ് ഈ പുസ്തകത്തിൽ പ്രതിപാദിക്കുന്നത് . നല്ല നാളേയ്ക്കുവേണ്ടി മനുഷ്യ സമുദായം നടത്തുന്ന സമരത്തിൽ നേടുന്ന ഓരോ വിജയവും സ്റ്റാലിൻ എന്ന മഹാനായ മനുഷ്യൻ്റെ മഹത്വത്തെ ഇരട്ടിപ്പിക്കുമെന്നും കമ്മ്യൂണിസ്റ്റ് ആദർശം നിലനിൽക്കുന്ന കാലത്തോളം സ്റ്റാലിൻ സ്മരിക്കപ്പെടും എന്നും ഈ പുസ്തകത്തിൽ ലേഖകൻ പറയുന്നു .

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര് : സ്റ്റാലിൻ ജീവചരിത്രം 
• രചയിതാവ്: സി .ഉണ്ണിരാജ 
• പ്രസിദ്ധീകരണ വർഷം: 1953
• താളുകളുടെ എണ്ണം: 38
  
• സ്കാൻ ലഭ്യമായ ഇടം: കണ്ണി