1986 ൽ സീറോ മലബാർ സെൻട്രൽ ലിറ്റർജിക്കൽ കമ്മിറ്റി അംഗങ്ങളായ ഫാ. സിലാസ് സി. എം. ഐ, ഫാ. ജോസ് കണ്ടത്തിക്കുടി എന്നിവർ ചേർന്ന് പ്രസിദ്ധീകരിച്ച പുനരുദ്ധരിച്ച സീറോമലബാർ റാസക്രമം – ഒരു വിശദീകരണം എന്ന ലഘു ലേഖയുടെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
സീറോ മലബാർ സഭ പരമ്പരാഗതമായി ഉപയോഗിക്കുന്ന പ്രാർത്ഥനകളും അതിലെ ആശയങ്ങളും, പ്രതീകങ്ങളും, ആചാരാനുഷ്‌ഠാനങ്ങളൂം വസ്തുനിഷ്‌ഠമായി വിലയിരുത്തി തള്ളേണ്ടവയെ തള്ളാനും, കൊള്ളേണ്ടവയെ കൊള്ളാനും കഴിയണമെന്നാവശ്യപ്പെടുന്ന പ്രമേയമാണ് ഈ ലഘുലേഖയുടെ ഉള്ളടക്കം. പുനരുദ്ധരിച്ച സീറോ മലബാർ റാസക്രമത്തെയും സീറോ മലബാർ സെൻട്രൽ ലിറ്റർജിയെയും കുറിച്ചുള്ള ചില വിചിന്തനങ്ങളാണ് ഈ ലഘു ലേഖയിൽ പരാമർശിക്കപ്പെടുന്നത്.
ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)
- പേര്: പുനരുദ്ധരിച്ച സീറോമലബാർ റാസക്രമം – ഒരു വിശദീകരണം
- രചന: ഫാ. സിലാസ്. സി. എം. ഐ, ഫാ. ജോസ് കണ്ടത്തിക്കുടി
- പ്രസിദ്ധീകരണ വർഷം: 1986
- താളുകളുടെ എണ്ണം: 20
- സ്കാൻ ലഭ്യമായ ഇടം: കണ്ണി
