Author: Meena Kootala

1956 ൽ പ്രസിദ്ധീകരിച്ച കെ.ദാമോദരൻ രചിച്ച കമ്മ്യുണിസം എന്ത്, എന്തിന്, എങ്ങനെ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

മനുഷ്യൻ മനുഷ്യനെ ചൂഷണം ചെയ്യുകയും അടിച്ചമർത്തുകയും ചെയ്യുന്ന പ്രവണത ഇല്ലാതാക്കി എല്ലാവർക്കും മികച്ച ജീവിതസാഹചര്യം ഒരുക്കുന്ന സാമൂഹിക അവസ്ഥയെ ആണ് കമ്മ്യുണിസം എന്ന് പറയുന്നത്. കമ്മ്യൂണിസത്തിൻ്റെ അനുബന്ധമായി വരുന്ന സോഷ്യലിസം,മാർക്സിസം എന്നിവയെക്കുറിച്ചും ജനാധിപത്യസമൂഹത്തിൽ അവ നടപ്പിലാക്കേണ്ടുന്ന ആവശ്യകതയെക്കുറിച്ചും ഇതിൽ വിവരിക്കുന്നു.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: കമ്മ്യുണിസം എന്ത്, എന്തിന്, എങ്ങനെ
• രചയിതാവ്: കെ.ദാമോദരൻ
• പ്രസിദ്ധീകരണ വർഷം:1956
• അച്ചടി:പ്രഭാത് ബുക്ക് ഹൗസ്, കൊല്ലം
• താളുകളുടെ എണ്ണം:22
  
• സ്കാൻ ലഭ്യമായ ഇടം: കണ്ണി

1956- ൽ കെ ദാമോദരൻ എഴുതി പ്രസിദ്ധീകരിച്ച പ്രധാനമന്ത്രി നെഹ്രുവിന്ന് പണ്ഡിറ്റ് നെഹ്രുവിൻ്റെ മറുപടി  എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

രാജ്യസഭയിൽ നെഹ്രു മാർക്സിസത്തെയും കമ്മ്യുണിസത്തെയും കുറിച്ച് നടത്തിയ പരാമർശങ്ങൾക്കു മറുപടി ആണ് കെ ദാമോദരൻ ഇതിൽ നൽകുന്നത്. 1945-ൽ ഇന്ത്യയെ കണ്ടെത്തൽ എന്ന തൻ്റെ ഗ്രന്ഥത്തിൽ മാർക്സിസത്തിൻ്റെ സിദ്ധാന്തങ്ങളും ദർശനങ്ങളും നൽകിയ പുതിയ വെളിച്ചത്തെക്കുറിച്ച് നെഹ്രു ആവേശപൂർവ്വം എഴുതിയിട്ടുള്ളതാണ്. എന്നാൽ പ്രധാനമന്ത്രി ആയ നെഹ്രുവിൻ്റെ മാർക്സിസത്തോടുള്ള വീക്ഷണങ്ങൾ കോൺഗ്രസ് പാർട്ടിയുടെ താല്പര്യങ്ങൾക്കനുസരിച്ച്` മാറിയിരിക്കുന്നു എന്നദ്ദേഹം എഴുതുന്നു.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: പ്രധാനമന്ത്രി നെഹ്രുവിന്ന് പണ്ഡിറ്റ് നെഹ്രുവിൻ്റെ മറുപടി
• രചയിതാവ്: കെ. ദാമോദരൻ
• പ്രസിദ്ധീകരണ വർഷം:1956
• അച്ചടി: സിൽവർ ജൂബിലി പ്രസ്സ്, കണ്ണൂർ
• താളുകളുടെ എണ്ണം: 16
  
• സ്കാൻ ലഭ്യമായ ഇടം: കണ്ണി

1952- ൽ ബി വി ബുക്ക് ഡിപ്പോ പ്രസിദ്ധീകരിച്ച കാറ്റലോഗിൻ്റെ സ്കാനാണ് ഈ പോസ്റ്റിലൂടെ പങ്കു വയ്ക്കുന്നത്.

മലയാള പുസ്തക പ്രസാധന ചരിത്രത്തിൽ പ്രധാന നാഴികക്കല്ലായിരുന്നു 1903-ൽ കളക്കുന്നത്ത് രാമൻ മേനോൻ സ്ഥാപിച്ച ബി വി ബുക്ക് ഡിപ്പൊ എന്ന പേരിൽ അറിയപ്പെട്ട ഭാഷാഭിവർദ്ധിനി ബുക്ക് ഡിപ്പോ എന്ന സംരംഭം. തിരുവനന്തപുരത്ത് വെച്ച് സുഹൃത്തായ നന്ത്യാർ വീട്ടിൽ പരമേശ്വരൻ പിള്ള എഴുതിയ ഒരു ചെറിയ പുസ്തകം ആണ് മേനോൻ ആദ്യമായി പ്രസിദ്ധപ്പെടുത്തിയത്. അത് ആ വർഷം തന്നെ പാഠപുസ്തകമായി തിരഞ്ഞെടുക്കപ്പെട്ടു. തൊട്ടടുത്ത വർഷങ്ങളിൽ എ ആർ രാജരാജവർമ്മ, കേരളവർമ്മ വലിയ കോയിത്തമ്പുരാൻ എന്നിവരുമായി ചേർന്ന് ഭാഷയും സാഹിത്യവും അഭിവൃദ്ധിപ്പെടുത്തുന്നതിനായി ധാരാളം ഗ്രന്ഥങ്ങൾ പ്രസിദ്ധീകരിച്ചു.

1891-ൽ സി വി രാമൻ പിള്ള തൻ്റെ കൃതിയായ മാർത്താണ്ഡവർമ്മ പ്രസിദ്ധീകരിച്ചെങ്കിലും കാര്യമായ വായനയും വില്പനയും ഉണ്ടായില്ല. 1911-ൽ മാർത്താണ്ഡവർമ്മയുടെ പരിഷ്കരിച്ച പതിപ്പ് ബി വി ബുക്ക് ഇറക്കുകയും വില്പനയുടെ ചരിത്രത്തിൽ റെക്കൊർഡ് സൃഷ്ടിക്കുകയും ചെയ്തു. നൂറ്റാണ്ടിനെ മറികടന്ന കൃതി അങ്ങനെ അന്നു തന്നെ വ്യാപകമായി ചർച്ച ചെയ്യപ്പെട്ടു. കേരള പാണിനീയം, ശബ്ദശോധിനി, മധ്യമവ്യാകരണം,  ഭാഷാഭൂഷണം, വൃത്തമഞ്ജരി,സാഹിത്യസാഹ്യം, ഭാഷാ നൈഷധം ചമ്പു, നാരായണീയം, ഉണ്ണുനീലി സന്ദേശം എന്നിങ്ങനെ ഒട്ടനവധി സാഹിത്യ വ്യാകരണ ഗ്രന്ഥങ്ങൾ പ്രസിദ്ധപ്പെടുത്തിയത് ബി വി ബുക്ക് ഡിപ്പൊ ആണ്.

എത്ര നല്ല ഗ്രന്ഥങ്ങൾ എഴുതിയാലും അന്നത്തെ കാലത്ത് പ്രതിഫലം ലഭിച്ചിരുന്നില്ല. എഴുത്തുകാർക്ക് ആദ്യമായി പ്രതിഫലം നൽകിയത് ബി വി ബുക്ക് ഡിപ്പൊ ആണ്. പ്രസാധന രംഗം വിപുലമായതോടെ കമലാലയം എന്ന പേരിൽ സ്വന്തമായി ഒരു അച്ചുകൂടവും രാമൻ മേനോൻ പ്രവർത്തനമാരംഭിച്ചു. സാഹിത്യ- സാമൂഹ്യ- രാഷ്ട്രീയ രംഗത്തെ വൈവിധ്യമായ വിഷയങ്ങളിൽ വിമർശനാത്മകമായി ഇടപെടുന്നതിനായി 1918-ൽ സമദർശി എന്ന പേരിൽ ഒരു വാരികയും അദ്ദേഹം തുടങ്ങി.

കാറ്റലോഗിലെ ചില പുസ്തകങ്ങളിൽ ഒന്നാം തരം രണ്ടാം തരം എന്ന് കാണാം. ഇങ്ങനെ തരം തിരിച്ചിരിക്കുന്നത് പേജിൻ്റെ ക്വാളിറ്റി അനുസരിച്ചാണോ എന്ന് നിശ്ചയമില്ല

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: ബി വി ബുക്ക് ഡിപ്പോ വിലവിവരപ്പട്ടിക
• പ്രസിദ്ധീകരണ വർഷം: 1952
• അച്ചടി: ബി വി ബുക്ക് ഡിപ്പോ ആൻ്റ് പ്രിൻ്റിങ് വർക്സ്
• താളുകളുടെ എണ്ണം: 98
  
• സ്കാൻ ലഭ്യമായ ഇടം: കണ്ണി

1960-ൽ പ്രസിദ്ധീകരിച്ച എഴുത്തച്ഛൻ്റെ രത്നങ്ങൾ എന്ന പുസ്തകത്തിൻ്റെ സ്കാനാണ് ഈ പോസ്റ്റിലൂടെ പങ്കു വയ്ക്കുന്നത്.

 

 

 

 

 

 

 

 

 

 

 

 

 

 

 

എഴുത്തച്ഛൻ്റെ കൃതികളുമായി ആളുകൾക്ക് കൂടുതൽ പരിചയമുണ്ടാകുന്നതിനായി കൊച്ചി ഭാഷാപരിഷ്കരണക്കമ്മിറ്റിക്കാർ, അദ്ദേഹത്തിൻ്റെ കൃതികളിലെ സവിശേഷ സന്ദർഭങ്ങളെ തിരഞ്ഞെടുത്തു സമാഹരിച്ചതാണ് ഈ പുസ്തകം. രാമായണം, മഹാഭാരതം, മഹാഭാഗവതം എന്നീ കിളിപ്പാട്ടുകളിലെ സ്തുതികളും കീർത്തനങ്ങളുമാണ് ആദ്യഭാഗത്തുള്ളത്. എഴുത്തച്ഛൻ്റെ കൃതികളിലെ പ്രധാന ഭാഗങ്ങളെ സാരോക്തികൾ, ലോകോക്തികൾ, ഹാസ്യോക്തികൾ, നീത്യുക്തികൾ എന്നീ വിഭാഗങ്ങളായി തിരിച്ച് കൊടുത്തിരിക്കുന്നു. വിദുരരുടെ ഉപദേശങ്ങളെ മാത്രമായി ‘വിദുരവാക്യ’ത്തിൽ പ്രസ്താവിച്ചിട്ടുണ്ട്. വർണ്ണനയെന്ന ഖണ്ഡത്തെ, സാമാന്യം , വസ്തു, ഭാവം, പ്രകൃതി എന്നീ ഉപവിഭാഗങ്ങളായി തിരിച്ച് പറഞ്ഞിരിക്കുന്നു. വിവരണം, ചിത്രണം, സന്ദേശം, ആഖ്യാനം, വിപ്രകീർണ്ണം എന്നീ ശീർഷകങ്ങളിലാണ് തുടർന്നുള്ള ഭാഗങ്ങൾ.

എഴുത്തച്ഛൻ്റെ കാവ്യലോകത്തിലേക്ക് സാധാരണക്കാരെ ആകർഷിക്കുന്നതിനൊപ്പം കാവ്യപഠിതാക്കൾക്ക് കൂടി ഉപകരിക്കുന്ന തരത്തിൽ എഴുത്തച്ഛൻ കൃതികളുടെ ഭാഷാപരമായ പ്രത്യേകതകൾക്ക് ഊന്നൽ നൽകിക്കൊണ്ടാണ് ഗ്രന്ഥത്തിൻ്റെ രൂപകല്പന.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: എഴുത്തച്ഛൻ്റെ രത്നങ്ങൾ
• പ്രസിദ്ധീകരണ വർഷം: 1960
• അച്ചടി: The Geetha Press, Trichur
• താളുകളുടെ എണ്ണം: 420
• സ്കാൻ ലഭ്യമായ ഇടം: കണ്ണി

2016-ൽ പി ഗോവിന്ദപ്പിള്ള രചിച്ച പൂന്താനം മുതൽ സൈമൺ വരെ എന്ന പുസ്തകത്തിൻ്റെ സ്കാനാണ് ഈ പോസ്റ്റിലൂടെ പങ്കു വയ്ക്കുന്നത്

മുപ്പതിലധികം വൈജ്ഞാനിക ഗ്രന്ഥങ്ങളുടെ രചയിതാവായ പി.ജി യുടെ സാഹിത്യസംബന്ധിയായ രചനകൾ ഉൾപ്പെടുന്നതാണ് ഈ പുസ്തകം. ലക്ഷണമൊത്ത ഭക്തകവി എന്നതിലുപരി വരേണ്യവ്യവസ്ഥയോട് അമർഷം പുലർത്തിയിരുന്ന സാമൂഹ്യവിമർശകൻ കൂടി ആയിരുന്നു പൂന്താനം എന്നും കബീർ, തുളസിദാസ്, അക്ക മഹാദേവി തുടങ്ങി പലരെയും പോലെ വേദാന്തത്തിനു തൻ്റേതായ അർത്ഥമാനങ്ങൾ കൽപ്പിച്ച കവിയാണ് പൂന്താനം എന്നും സാമൂഹ്യവിമർശകനായ ഭക്തകവി എന്ന ആദ്യ ലേഖനത്തിൽ അദ്ദേഹം എഴുതുന്നു. തിരുവിതാംകൂറിൻ്റെ ആധുനികവൽക്കരണപ്രക്രിയയിൽ സ്വാതിതിരുനാളിൻ്റെ പങ്ക് വ്യക്തമാക്കുന്ന ലേഖനം, ഒട്ടേറെ മലയാള ക്രൈസ്തവഗാനങ്ങൾ രചിച്ച കെ വി സൈമണെക്കുറിച്ച് ഭക്തനും കലാപകാരിയുമായിരുന്ന മഹാകവി കെ വി സൈമൺ എന്നിവ ഈ പുസ്തകത്തിലെ ചില രചനകളാണ്

പി ഗോവിന്ദപ്പിള്ളയുടെ രചനകൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് ലഭ്യമാക്കുന്നത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: പൂന്താനം മുതൽ സൈമൺ വരെ
• ഗ്രന്ഥകർത്താവ്: പി ഗോവിന്ദപ്പിള്ള
• പ്രസിദ്ധീകരണ വർഷം: 2016
• അച്ചടി: Nirmala Press, Chalakkudy
• താളുകളുടെ എണ്ണം:124
  
• സ്കാൻ ലഭ്യമായ ഇടം: കണ്ണി

2011- ൽ പ്രസിദ്ധീകരിച്ച സംസ്കാരവും നവോത്ഥാനവും എന്ന പുസ്തകത്തിൻ്റെ സ്കാനാണ് ഈ പോസ്റ്റിലൂടെ പങ്കു വയ്ക്കുന്നത്. പി ഗോവിന്ദപ്പിള്ള ഇംഗ്ലീഷിൽ എഴുതിയ ലേഖനങ്ങളും പ്രസംഗങ്ങളും പരിഭാഷപ്പെടുത്തിയിരിക്കുന്നത് പി പി സത്യൻ ആണ്

ഇന്ത്യൻ നവോത്ഥാനത്തിൻ്റെ ചരിത്രത്തിലൂന്നി സംസ്കാരം, വിദ്യാഭ്യാസം, ഭാഷ, കല, സാഹിത്യം അങ്ങനെ വിവിധങ്ങളായ വിഷയങ്ങളെക്കുറിച്ചുള്ള പഠനങ്ങളാണ് ഇതിലുള്ളത്.

പി ഗോവിന്ദപ്പിള്ളയുടെ രചനകൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് ലഭ്യമാക്കുന്നത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: സംസ്കാരവും നവോത്ഥാനവും
• ഗ്രന്ഥകർത്താവ്: പി ഗോവിന്ദപ്പിള്ള
• പ്രസിദ്ധീകരണ വർഷം: 2011
• അച്ചടി: Akshara Offset, Thiruvananthapuram
• താളുകളുടെ എണ്ണം: 140
  
• സ്കാൻ ലഭ്യമായ ഇടം: കണ്ണി