1980 ഒക്ടോബർ മാസത്തിലെ വിശാലകേരളം ആനുകാലികത്തിൽ സി. കെ. മൂസ്സത് എഴുതിയ അമ്പലത്തിലെ ശീട്ടുകളി എന്ന ലേഖനത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
പ്രശസ്ത പത്രപ്രവർത്തകനും, ഉപന്യാസകാരനും, ചെറുകഥാകൃത്തുമായ വേങ്ങയിൽ കുഞ്ഞിരാമൻ നായനാർ 1069 ൽ എഴുതിയ ശീട്ടുകളി എന്ന ചെറുകഥയെ പറ്റിയാണ് ലേഖനം. മലയാളത്തിലെ ആദ്യത്തെ ചെറുകഥയായ വാസനാവികൃതിയുടെ കർത്താവു കൂടിയാണ് വേങ്ങയിൽ കുഞ്ഞിരാമൻ നായനാർ. വിജ്ഞാനവും നർമ്മവും കലർത്തി എഴുതിയ ശീട്ടുകളി എന്ന ചെറുകഥക്ക് വേണ്ടത്ര ജനശ്രദ്ധ കിട്ടാതെ പോയി എന്ന് ലേഖകൻ ഖേദം പ്രകടിപ്പിക്കുന്നു.
ശാസ്ത്ര അദ്ധ്യാപകനും കേരളഭാഷാ ഇൻസ്റ്റിറ്റ്യൂട്ടിൻ്റെ പ്രഥമ അസിസ്റ്റൻ്റ് ഡയറക്ടറുമായിരുന്ന പ്രൊഫസർ സി.കെ. മൂസ്സതിൻ്റെ രചനകൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് പങ്കു വെക്കുന്നത്.
1980 – അമ്പലത്തിലെ ശീട്ടുകളി – സി. കെ. മൂസ്സത്
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
താഴെ, പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)
- പേര്: അമ്പലത്തിലെ ശീട്ടുകളി
- രചന: സി.കെ. മൂസ്സത്
- പ്രസിദ്ധീകരണ വർഷം: 1980
- താളുകളുടെ എണ്ണം: 4
- സ്കാൻ ലഭ്യമായ ഇടം: കണ്ണി