1927– ൽ പ്രസിദ്ധീകരിച്ച, കോങ്ങോട്ട് കൃഷ്ണൻ നായർ രചിച്ച ശ്രീദേവീഹരണം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
കേരളത്തിലെ പ്രബല രാജവംശങ്ങളായ കോലസ്വരൂപവും (കോലത്തിരി) നെടിയിരുപ്പ് സ്വരൂപവും (സാമൂതിരി) തമ്മിലുള്ള ബന്ധത്തെയും, അതിലൂടെ നീലേശ്വരം രാജവംശം രൂപംകൊണ്ടതിനേയും അടിസ്ഥാനമാക്കിയാണ് ഈ നാടകം രചിച്ചിരിക്കുന്നത്. കോലത്തിരി രാജവംശത്തിലെ ഒരു തമ്പുരാട്ടിയും സാമൂതിരി രാജവംശത്തിലെ ഒരു തമ്പുരാനും തമ്മിലുണ്ടായ പ്രണയവും തുടർന്നുണ്ടായ സംഭവവികാസങ്ങളുമാണ് ഇതിലെ കേന്ദ്രബിന്ദു. വെറുമൊരു പ്രണയകഥ എന്നതിലുപരി, മലബാറിലെ രണ്ട് വലിയ സ്വരൂപങ്ങൾ തമ്മിലുള്ള രാഷ്ട്രീയവും കുടുംബപരവുമായ ഇഴയടുപ്പങ്ങളെയും പിണക്കങ്ങളെയും തന്മയത്വത്തോടെ ചിത്രീകരിക്കുന്ന ഒരു ചരിത്ര കൃതിയാണിത്. നാടകത്തിൽ കോലത്തിരി, സാമൂതിരി, ചെറുശ്ശേരി നമ്പൂതിരി തുടങ്ങിയ ചരിത്രപ്രസിദ്ധമായ വ്യക്തിത്വങ്ങളെ കഥാപാത്രങ്ങളായി അവതരിപ്പിച്ചിരിക്കുന്നു.
മദ്രാസ് യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും
താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു.
- പേര്: ശ്രീദേവീഹരണം
- രചയിതാവ്: കോങ്ങോട്ട് കൃഷ്ണൻ നായർ
- പ്രസിദ്ധീകരണ വർഷം: 1927
- അച്ചടി: The Mangalodayam Press, Thrissur
- താളുകളുടെ എണ്ണം: 124
- സ്കാനുകൾ ലഭ്യമായ താൾ: കണ്ണി