Dharmaram College Library Archives - Page 18 of 66 - ഗ്രന്ഥപ്പുര (Granthappura) blog

1950 – വിശുദ്ധഗ്രന്ഥം – പഴയനിയമം – പ്രവാചകന്മാർ

കേരളത്തിലെ ക.നി.മൂ.സ വിവർത്തക സംഘം പ്ശീത്തായിൽ നിന്ന് തർജ്ജമ ചെയ്ത് വ്യാഖ്യാനസഹിതം 1950ൽ പ്രസിദ്ധീകരിച്ച വിശുദ്ധഗ്രന്ഥം – പഴയനിയമം – പ്രവാചകന്മാർ എന്ന കൃതിയുടെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

പ്രവാചകന്മാരായ ഓബദ് യാ (Abdias) , യൗനാൻ (Jonas), നാഹോം (Nahum), ഹവ് കോക്ക് (Habakuk), മാലാകി (Malachy) എന്നിവരുടെ ഗ്രന്ഥങ്ങളാണ് പുസ്തകത്തിൽ ഉൾക്കൊള്ളിച്ചിട്ടുള്ളത്. തർജ്ജമ ചെയ്ത് വ്യാഖ്യാന സഹിതം ഈ പ്രവാചക ഗ്രന്ഥങ്ങൾ ഒരുമിച്ച് പ്രസിദ്ധീകരിച്ചതാണെന്ന് അനുമാനിക്കാം.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

താഴെ, പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: വിശുദ്ധഗ്രന്ഥം – പഴയനിയമം – പ്രവാചകന്മാർ
രചന: ക.നി.മൂ.സ വിവർത്തക സംഘം
പ്രസിദ്ധീകരണ വർഷം: 1950
താളുകളുടെ എണ്ണം: 134
അച്ചടി : St. Josephs Press, Mannanam
സ്കാൻ ലഭ്യമായ ഇടം: കണ്ണി

1965 – പുണ്യസ്വർഗ്ഗം തണ്യഭൂമി – ഏലിയാമ്മ ജോർജ്ജ്

1965 ൽ പ്രസിദ്ധീകരിച്ച ഏലിയാമ്മ ജോർജ്ജ് രചിച്ച പുണ്യസ്വർഗ്ഗം തണ്യഭൂമി എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വയ്ക്കുന്നത്.

1947 ൽ പീയൂസ് പന്ത്രണ്ടാമൻ മാർപാപ്പ വിശുദ്ധയായി പ്രഖ്യാപിച്ച കാതറിൻ ലബോറെയുടെ ജീവിതാനുഭവങ്ങൾ ചിത്രീകരിക്കുന്ന കൃതിയാണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: പുണ്യസ്വർഗ്ഗം തണ്യഭൂമി
രചന: Eliamma George
പ്രസിദ്ധീകരണ വർഷം: 1965
താളുകളുടെ എണ്ണം: 84
അച്ചടി : St. Josephs Press, Trivandrum
സ്കാൻ ലഭ്യമായ ഇടം: കണ്ണി

1997 – നമ്മുടെ റീത്ത് – പ്ലാസിഡ് പൊടിപാറ

1997 ൽ പ്രസിദ്ധീകരിച്ച പ്ലാസിഡ് പൊടിപാറ രചിച്ച നമ്മുടെ റീത്ത് എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വയ്ക്കുന്നത്.

കുർബാന ചൊല്ലുക, കാനോനിക ജപം നടത്തുക, കൂദാശകളും മറ്റും ശുശ്രൂഷിക്കുക, നോമ്പും ഉപവാസവും അനിഷ്ഠിക്കുക തുടങ്ങി ദൈവാരാധനയിലും ക്രൈസ്തവ നടപടികളിലും സ്വീകരിച്ചിരിക്കുന്ന രീതി എന്നതിനെയാണ് റീത്ത് എന്ന പദം കൊണ്ട് വിവക്ഷിക്കുന്നത്. റീത്തു ഭാഷയായി കൽദായ അഥവാ പൗരസ്ത്യസുറിയാനി സ്വീകരിച്ചിട്ടുള്ള പഴയ കൂറ്റുകാരുടെ റീത്തിനെയാണ് ഇവിടെ നമ്മുടെ റീത്ത് എന്നു വിശേഷിപ്പിക്കുന്നത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: നമ്മുടെ റീത്ത്
രചന: Placid Podipara
പ്രസിദ്ധീകരണ വർഷം: 1997
താളുകളുടെ എണ്ണം: 276
അച്ചടി St.Joseph’s Press, Mannanam
സ്കാൻ ലഭ്യമായ ഇടം: കണ്ണി

1973 – Bishop Mathew Pothanamuzhi – Sapthathi Souvenir

19732 ൽ പ്രസിദ്ധീകരിച്ച Bishop Mathew Pothanamuzhi – Sapthathi Souvenirഎന്ന സ്മരണികയുടെ സ്കാൻ ആണ് ഈ പോസ്റ്റിലൂടെ പങ്കു വയ്ക്കുന്നത്.

കോതമംഗലം രൂപതയുടെ ആദ്യ ബിഷപ്പായിരുന്ന മാത്യു പോത്തനാമുഴിയുടെ എഴുപതാം പിറന്നാളിനോടനുബന്ധിച്ച് പുറത്തിറക്കിയതാണ് ഈ സ്മരണിക. ബിഷപ്പിനെകുറിച്ചും, രൂപതയെ കുറിച്ചുമുള്ള ലേഖനങ്ങൾ, രൂപതയുടെ സാമൂഹിക വിദ്യഭ്യാസ, ആതുരസേവന മേഖലയിലെ പ്രവർത്തനങ്ങൾ, പുരാതന ദേവാലയങ്ങളുടെ ചിത്രങ്ങളും ചരിത്രവും തുടങ്ങിയ വിവരങ്ങളാണ് സ്മരണികയിലെ ഉള്ളടക്കം.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: Bishop Mathew Pothanamuzhi – Sapthathi Souvenir
പ്രസിദ്ധീകരണ വർഷം: 1973
താളുകളുടെ എണ്ണം: 170
സ്കാൻ ലഭ്യമായ ഇടം: കണ്ണി

1923 – വിശുദ്ധ ശവരിയാർ

വിശുദ്ധ ശവരിയാർ പുണ്യാളനെ (വിശുദ്ധ ഫ്രാൻസിസ് സേവ്യർ) പറ്റി ഫാദർ ഷെർഹാമ്മർ രചിച്ച കൃതി സി കെ മറ്റം പരിഭാഷ ചെയ്ത് വിശുദ്ധ ശവരിയാർ എന്ന പേരിൽ 1923 ൽ പ്രസിദ്ധീകരിച്ച പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വയ്ക്കുന്നത്.

ഫ്രാൻസിസ് പുണ്യവാൻ്റെ (വിശുദ്ധ ഫ്രാൻസിസ് സേവ്യർ/ ശവരിയാർ (എന്നു മലയാളീകരിച്ചു വിളിക്കുന്നു)) തിരു ശരീര പ്രദർശനം കൊണ്ട് ഭാരതത്തിലും ലോകമൊട്ടുക്കും പ്രശസ്തനാണു്. പുണ്യവാൻ്റെ പ്രവർത്തികളെയും പ്രസംഗങ്ങളെയും എഴുത്തുകളെയും പരാമർശിച്ചുകൊണ്ട് അനേകം പുസ്തകങ്ങൾ രചിക്കപ്പെട്ടിട്ടുണ്ടെങ്കിലും, വേദപ്രചാരണത്തിൽ ഇദ്ദേഹത്തിനു ലഭിച്ച അനിതരസാധാരണ വിജയരഹസ്യം മുന്നിർത്തി അധികം ആരും എഴുതിയിട്ടില്ല എന്ന വാസ്തവം മനസ്സിലാക്കി ആ ന്യൂനത പരിഹരിക്കുവാനായി എഴുതിയതാണ് ഈ കൃതിയെന്ന് ആമുഖത്തിൽ പറയുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: വിശുദ്ധ ശവരിയാർ
രചന: ഫാദർ ഷെർഹാമ്മർ/C.K. Mattam
പ്രസിദ്ധീകരണ വർഷം: 1923
താളുകളുടെ എണ്ണം: 72
അച്ചടി C M S Press, Kottayam
സ്കാൻ ലഭ്യമായ ഇടം: കണ്ണി

1935 – അസാധ്യകാര്യങ്ങളുടെ രണ്ടു മദ്ധ്യസ്ഥർ – ജോസഫ് വട്ടയ്ക്കാട്ട്

1935 ൽ പ്രസിദ്ധീകരിച്ച ജോസഫ് വട്ടയ്ക്കാട്ട് രചിച്ച അസാധ്യകാര്യങ്ങളുടെ രണ്ടു മദ്ധ്യസ്ഥർ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വയ്ക്കുന്നത്.

അസാധ്യകാര്യങ്ങളുടെ മദ്ധ്യസ്ഥർ എന്നറിയപ്പെടുന്ന വി. യൂദാ തദേവൂസിൻ്റെയും വി. റീത്തായുടെയും ജീവചരിത്രമാണ് ഈ പുസ്തകം. ഇവരെ കുറിച്ച് ഇംഗ്ലീഷിൽ എഴുതിയിട്ടുള്ള മൂന്ന് നാലു ഗ്രന്ഥങ്ങളെ ആസ്പദിച്ച് എഴുതിയിട്ടുള്ളതാണ് ഈ കൃതി. അത്യുത്തമങ്ങളായ പല തത്വങ്ങളും പദ്യശകലങ്ങളും സന്ദർഭങ്ങൾക്ക് യോജിക്കും വിധം ഇതിൽ ചേർത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: അസാധ്യകാര്യങ്ങളുടെ രണ്ടു മദ്ധ്യസ്ഥർ
രചന: Joseph Vattakkad
പ്രസിദ്ധീകരണ വർഷം: 1935
താളുകളുടെ എണ്ണം: 104
അച്ചടി: V. G. Press, Kottayam
സ്കാൻ ലഭ്യമായ ഇടം: കണ്ണി

1947 – ഒരു പുതിയ രക്തസാക്ഷി – അനുഗൃഹീതനായ തെയോഫിൻ വേനാർഡ് – ജെ. പി. പെരയിര

1947 ൽ പ്രസിദ്ധീകരിച്ച ജെ. പി. പെരയിര രചിച്ച ഒരു പുതിയ രക്തസാക്ഷി – അനുഗൃഹീതനായ തെയോഫിൻ വേനാർഡ് എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വയ്ക്കുന്നത്.

പുണ്യവതിയായ വിശുദ്ധ കൊച്ചുത്രേസ്യയുടെ ബഹുമാനത്തിനും ഭക്തിക്കും പാത്രീഭൂതനായിട്ടുള്ള രക്തസാക്ഷിയാണ് അനുഗൃഹീതനായ തെയോഫിൻ വേനാർഡ്. അമേരിക്കൻ ഐക്യനാടുകളിലെ പ്രസിദ്ധ വിദേശ മിഷനറി സംഘമായ മേരിനോൾ സഭയുടെ സ്ഥാപകരിൽ ഒരാളായ വാൽഷ് മെത്രാൻ എഴുതിയ തെയോഫിൻ വേനാർഡിൻ്റെ ജീവചരിത്രത്തെ ആസ്പദമാക്കി എഴുതിയ സംക്ഷിപ്ത ജീവചരിത്ര ഗ്രന്ഥമാണ് ഈ പുസ്തകം.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: ഒരു പുതിയ രക്തസാക്ഷി – അനുഗൃഹീതനായ തെയോഫിൻ വേനാർഡ്
രചന: J. P. Perayira
പ്രസിദ്ധീകരണ വർഷം: 1947
താളുകളുടെ എണ്ണം: 86
സ്കാൻ ലഭ്യമായ ഇടം: കണ്ണി

1947 – വിശുദ്ധ ജോൺ ഡീ ബ്രിട്ടോ (അരുളാനന്ദ സ്വമി)

1947 ൽ പ്രസിദ്ധീകരിച്ച വർഗ്ഗീസ് കാഞ്ഞിരത്തിങ്കൽ രചിച്ച വിശുദ്ധ ജോൺ ഡീ ബ്രിട്ടോ (അരുളാനന്ദ സ്വമി) എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വയ്ക്കുന്നത്.

ആഗോള കത്തോലിക്ക സഭയിലെ ഒരു വിശുദ്ധനാണ് ജോൺ ഡി ബ്രിട്ടോ പ്രേഷിതവഴിയിൽ ഭാരതത്തിൽവച്ചു രക്തസാക്ഷിത്വം വരിച്ച ചുരുക്കം വിശുദ്ധരിൽ ഒരാളാണ് ജോൺ ഡി ബ്രിട്ടോ.1853 ഓഗസ്റ്റ് 21-നു പിയൂസ് ഒൻപതാമൻ മാർപാപ്പ വാഴ്ത്തപ്പെട്ടവനായി പ്രഖ്യാപിച്ച ജോൺ ഡി ബ്രിട്ടോയെ 1947 ജൂൺ 22-നു പിയൂസ് പന്ത്രണ്ടാമൻ മാർപാപ്പ വിശുദ്ധ പദവിയിലേക്കുയർത്തി.
കൊച്ചി യിൽ അമ്പഴക്കാട്ട് രണ്ടു പ്രാവശ്യവും, തിരുവിതാംകൂറിൽ പിള്ളത്തോപ്പ് എന്ന സ്ഥലത്ത് നാലുതവണയും അദ്ദേഹം വന്നു താമസിക്കുകയും കൊച്ചിയുടെയും തിരുവിതാംകൂറിൻ്റെയും ഒരതിർത്തിമുതൽ മറ്റെയതിർത്തി വരെ യാത്ര ചെയ്യുകയും ഉണ്ടായി. ഈ വിശുദ്ധൻ്റെ ജീവചരിത്രമാണ് ഈ പുസ്തകം.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: വിശുദ്ധ ജോൺ ഡീ ബ്രിട്ടോ (അരുളാനന്ദ സ്വമി)
രചന: Varghese kanjirathinkal
പ്രസിദ്ധീകരണ വർഷം: 1947
താളുകളുടെ എണ്ണം: 126
അച്ചടി: St. Joseph’s Press, Trivandrum
സ്കാൻ ലഭ്യമായ ഇടം: കണ്ണി

1972 – ഞാൻ കണ്ട ഫാദർ വടക്കൻ – റാഫേൽ ചിറ്റിലപ്പിള്ളി

1972 ൽ പ്രസിദ്ധീകരിച്ച റാഫേൽ ചിറ്റിലപ്പിള്ളി രചിച്ച ഞാൻ കണ്ട ഫാദർ വടക്കൻ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വയ്ക്കുന്നത്.

കേരളത്തിലെ രാഷ്ട്രീയത്തിലും (കർഷക തൊഴിലാളി പാർട്ടി) കർഷക സമരങ്ങളിലും ഇറങ്ങി പ്രവർത്തിച്ച തൃശൂരിൽ നിന്നുള്ള കത്തോലിക്കാ വൈദികനായ ഫാദർ വടക്കനെ അനുസ്മരിക്കുന്ന ഒരു പുസ്തകമാണിത്. കത്തോലിക്കാ സഭയുടെ കാഴ്ചപ്പാടിൽ നിന്നുള്ള വിമർശനങ്ങളും വിയോജിപ്പുകളും ഈ പുസ്തകത്തിൽ കാണാൻ കഴിയും. ഇതിൽ പരാമർശിക്കുന്ന (ഉദാ: പേജ് 15, 16), അദ്ദേഹം സ്ഥാപിച്ച്, കെ റ്റി പി നടത്തി വന്ന തൊഴിലാളി എന്ന പത്രത്തെ പറ്റിയുള്ള കൂടുതൽ വിവരങ്ങൾക്ക് ഈ പോസ്റ്റ് കാണുക.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: ഞാൻ കണ്ട ഫാദർ വടക്കൻ
രചന: Raphael Chittilapilly
പ്രസിദ്ധീകരണ വർഷം: 1972
താളുകളുടെ എണ്ണം: 106
അച്ചടി: Viswanath Press, Trichur
സ്കാൻ ലഭ്യമായ ഇടം: കണ്ണി

1954 – വീരകന്യക അഥവാ വിശുദ്ധ ജോവാൻ – ജോസഫ് വേഴമ്പത്തോട്ടം

1954 ൽ പ്രസിദ്ധീകരിച്ച ജോസഫ് വേഴമ്പത്തോട്ടം രചിച്ച വീരകന്യക അഥവാ വിശുദ്ധ ജോവാൻ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വയ്ക്കുന്നത്.

ഒരു ഗ്രാമീണയുവതിയായിരുന്ന കേന്ദ്ര കഥാപാത്രം ഒരു രാജ്യത്തെ സർവ്വ സൈന്യാധിപയായി സൈന്യത്തെ നയിച്ച് രാജാവിനെ കിരീടധാരിയാക്കിയ വീര വനിതയായ ജോവാനെ യുദ്ധത്തടവുകാരിയായി കണക്കാക്കി ജീവനോടെ ദഹിപ്പിക്കുകയുണ്ടായി. കത്തോലിക്കാ സഭയിലെ ചിലർക്കും അതിൽ പങ്കുണ്ടായിരുന്നു. എന്നാൽ പിൽക്കാലത്ത് ഈ ധീരവനിത വിശുദ്ധയായി പ്രഖ്യാപിക്കപ്പെട്ടു. ചരിത്ര വസ്തുതകളിൽ നിന്നും വ്യതിചലിക്കാതെ ഗ്രന്ഥകർത്താവ് രചിച്ച വിശുദ്ധ ജോവാനെ കുറിച്ചുള്ള ഗദ്യനാടകമാണ് ഈ പുസ്തകം.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: വീരകന്യക അഥവാ വിശുദ്ധ ജോവാൻ
രചന: Joseph Vezhampathottam
പ്രസിദ്ധീകരണ വർഷം: 1954
താളുകളുടെ എണ്ണം: 98
അച്ചടി: St. Joseph’s Press, Mannanam
സ്കാൻ ലഭ്യമായ ഇടം: കണ്ണി