1944 – ൽ ജോസഫ് മുണ്ടശ്ശേരി രചിച്ച അന്തരീക്ഷം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.
കർണഭൂഷണം ,ചിന്താവിഷ്ടയായ സീത ,അച്ഛനും മകളും ഈ മൂന്ന് പുസ്തകങ്ങളെ കുറിച്ചാണ് ഇതിൽ പ്രതിപാദിച്ചിട്ടുള്ളത് . കർണഭൂഷണത്തിൽ ഒരൊറ്റസംഭവമേ പറയുന്നുള്ളു , ആലങ്കാരികതയിലും പരമ്പരാഗത കാവ്യരീതികളിലും അധിഷ്ഠിതമായ കൃതി എന്നാണ് വിലയിരുത്തിയിരിക്കുന്നത് . ചിന്താവിഷ്ടയായ സീതയിൽ ആശാൻ ദാർശനികൻേറയും സന്യാസിയുടെയും ശാസ്ത്രജ്ഞൻ്റെയും അനുഭവങ്ങൾ കണ്ടു തൃപ്തിപ്പെടാതെ കവി എന്ന നിലയിൽ തൻ്റെ അനുഭവത്തെ ആധാരമാക്കി ജീവിതരഹസ്യo ആരായുകയാണ്‌ ചെയ്തത് .അച്ഛനും മകളും കവിതയിൽ ഒരു ഋഷിശ്വരൻ ദൈവവശാൽ പിതാവും പിതാമഹനും ആയതറിഞ്ഞപ്പോൾ ഉണ്ടായ വികാരങ്ങൾ വെള്ളിത്തിരയിലേതുപോലെ കാണിക്കുന്നു.ഓരോ സംഭവങ്ങൾ കൂട്ടിവെക്കപ്പെട്ടു സ്വാഭിപ്രായങ്ങൾ ആയി രചിക്കപെടുകയാണ് ചെയ്തിരിക്കുന്നത് .
കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്.)
- പേര്: അന്തരീക്ഷം
- രചയിതാവ്: ജോസഫ് മുണ്ടശ്ശേരി
- പ്രസിദ്ധീകരണ വർഷം: 1944
- താളുകളുടെ എണ്ണം: 116
- അച്ചടി: മംഗളോദയം പ്രസ്സ് തൃശ്ശൂര്‍
- സ്കാൻ ലഭ്യമായ ഇടം: കണ്ണി