ഗ്രന്ഥപ്പുര (Granthappura) blog

1942 – അലോഷ്യസ് മരിയ ബെൻസിഗർ

1942-ൽ പ്രസിദ്ധീകരിച്ച, അലോഷ്യസ് മരിയ ബെൻസിഗർ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

സ്വിറ്റ്സർലൻ്റിലെ ധനാഢ്യനും ഉത്തമകത്തോലിക്കനുമായിരുന്ന ജോൺ അഡൽറിക് ബെൻസിഗറിൻ്റെ മകനായി ജനിച്ച അലോഷ്യസ് മരിയ ബെൻസിഗറിൻ്റെ ജീവചരിത്രം പ്രതിപാദിക്കുന്നചെറുഗ്രന്ഥമാണ് ഇത്.അദ്ദേഹത്തിനു സുലഭമായിരുന്ന എല്ലാ ലൗകീക സുഖങ്ങളും സമൃദ്ധിയും ത്യജിച്ച് ഒരു സന്യാസിയായി മാറിയ അദ്ദേഹത്തിൻ്റെ ജീവിതം വർണ്ണനാതീതമായിരുന്നു.1900-കളിൽ നമ്മുടെ കൊച്ചു കേരളത്തിലും അദ്ദേഹം സേവനം അനുഷ്ടിച്ചതായി ഈ പുസ്തകത്തിൽ പറയപ്പെടുന്നു.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു.

പേര്: അലോഷ്യസ് മരിയ ബെൻസിഗർ
രചയിതാവ്: മയ്യനാട്ട് ഏ ജോൺ
പ്രസിദ്ധീകരണ വർഷം: 1942
അച്ചടി:The Assisi Press, Quilon
താളുകളുടെ എണ്ണം: 81
സ്കാനുകൾ ലഭ്യമായ താൾ: കണ്ണി

1934 – സത്യസഭാപ്രവേശം

1934-ൽ എസ്.എച്ച്. ലീഗ് പ്രസിദ്ധീകരിച്ച, സത്യസഭാപ്രവേശം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

മാക് ഗ്രില്ലിവ്രേ (MacGrillivray) എഴുതിയ കിഴക്കുകൂടെ റോമായിലേക്ക് (Through the East to Rome) എന്ന മൂലകൃതിക്ക് ജോൺ കെ മറ്റം, വർഗ്ഗീസ് മണിയാട്ടു, തോമസ് ആയത്തമറ്റം, മാത്യു കെ മങ്കുഴിക്കരി എന്നിവർ ചേർന്ന് എഴുതിയ മലയാള പരിഭാഷയാണ് ഈ കൃതി. ക്രൈസ്തവ സഭയുടെ സത്യസന്ധമായ അന്വേഷണത്തിലൂടെ റോമിലെ കത്തോലിക്കാ സഭയുമായി ഐക്യത്തിൽ എത്തിച്ചേരുന്ന ഒരു ആത്മീയ യാത്രയുടെ കഥയാണ് ഈ കൃതി. വിശ്വാസവും വിവേചനവും ചരിത്രബോധവും ചേർന്ന ഒരു ഗൗരവമായ അന്വേഷണമാണ് പുസ്തകത്തിന്റെ ഉള്ളടക്കം. അപ്പോസ്തോലിക പാരമ്പര്യം, സഭയുടെ അധികാരം, വ്യക്തിപരമായ വ്യാഖ്യാനം, പാപ്പായുടെ പ്രാഥമികത, സക്രാമെന്റുകളുടെ പ്രാധാന്യം, പ്രത്യേകിച്ച് വിശുദ്ധ കുർബാന, തുടങ്ങിയ കാര്യങ്ങളും ചരിത്രസാക്ഷ്യങ്ങളും പ്രാരംഭ സഭാപിതാക്കന്മാരുടെ പഠനങ്ങളും ഉപയോഗിച്ച് കത്തോലിക്കാ സഭയുടെ അവകാശവാദങ്ങൾ അവതരിപ്പിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും

പേര്: സത്യസഭാപ്രവേശം
പ്രസിദ്ധീകരണ വർഷം: 1934
അച്ചടി: G.S. Press, Ernakulam
താളുകളുടെ എണ്ണം: 515
സ്കാനുകൾ ലഭ്യമായ താൾ: കണ്ണി

1959 – ചിത്രമണ്ഡപം

1959-ൽ പ്രസിദ്ധീകരിച്ച, വക്കം അബ്ദുൽഖാദർ എഴുതിയ ചിത്രമണ്ഡപം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

ചിത്രകാരൻ ബ്രഷ് ഉപയോഗിച്ച് ചിത്രം വരയ്ക്കുന്നതുപോലെ, എഴുത്തുകാരൻ വാക്കുകൾ ഉപയോഗിച്ച് ഒരാളുടെ വ്യക്തിത്വത്തിന്റെ “ചിത്രം” വരയ്ക്കുന്നതാണ് പെൻ പോർട്രെയ്റ്റ്സ്. ഈ പുസ്തകത്തിൽ, മലയാളത്തിലെ സാഹിത്യകാരന്മാരിൽ ചിലരെ വക്കം അബ്ദുൽഖാദർ തൻ്റെ തൂലികാചിത്രരചനയിലൂടെ അടയാളപ്പെടുത്തുന്നു. വൈക്കം മുഹമ്മദ് ബഷീർ, കേശവദേവ്, കുറ്റിപ്പുഴ കൃഷ്ണപിള്ള, എൻ. ഗോപാലപിള്ള, എൻ. കൃഷ്ണപിള്ള, എം.പി. പോൾ, ഇ.എം കോവൂർ എന്നിവരെക്കുറിച്ചാണ് ഇതിലെഴുതിയിട്ടുള്ളത്

കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്.)

പേര്: ചിത്രമണ്ഡപം
രചയിതാവ്: വക്കം അബ്ദുൽഖാദർ
താളുകളുടെ എണ്ണം:111
അച്ചടി: V.V. Press, Kollam
സ്കാൻ ലഭ്യമായ ഇടം: കണ്ണി

1943 – 1944 – യുദ്ധസഞ്ചിക

1943,1944 വർഷങ്ങളിൽ പ്രസിദ്ധീകരിച്ച യുദ്ധസഞ്ചികയുടെ ലഭ്യമായ 52 ലക്കങ്ങളുടെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

യുദ്ധസഞ്ചിക പുസ്തകത്തെക്കുറിച്ചുള്ള കൂടുതൽ വിവരത്തിനായി ഈ പോസ്റ്റ് കാണുക.

മദ്രാസ് യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

അതിനു പുറമെ നമ്മുടെ പഴയകാല ആനുകാലികങ്ങൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായി കൂടിയാണ് ഈ മാസികകൾ ഡിജിറ്റൈസ് ചെയ്ത് റിലീസ് ചെയ്യുന്നത്. ആ പദ്ധതിയെ പറ്റിയുള്ള പ്രാഥമികവിവരത്തിന് ഈ പോസ്റ്റ് കാണുക.

മെറ്റാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ, മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു.

പേര് : യുദ്ധസഞ്ചിക
പ്രസിദ്ധീകരണ വർഷം: 1943 – 1944
ലക്കങ്ങളുടെ എണ്ണം: 52
അച്ചടി: The Superintendent, Government Press, Madras
സ്കാൻ ലഭ്യമായ ഇടം: കണ്ണി

1931 – എഫേസൂസ് സൂനഹദോസും റോമ്മാ മാർപാപ്പയും – പ്ലാസിഡ് പൊടിപാറ

1931-ൽ പ്രസിദ്ധീകരിച്ച, പ്ലാസിഡ് പൊടിപാറ രചിച്ച, എഫേസൂസ് സൂനഹദോസും റോമ്മാ മാർപാപ്പയും എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ക്രൈസ്തവ സഭാചരിത്രത്തിലെ നിർണായക ഘട്ടങ്ങളിലൊന്നായ എഫേസൂസ് സൂനഹദോസിന്റെ പശ്ചാത്തലവും, റോം മാർപാപ്പയുമായുള്ള ബന്ധവും വിശകലനം ചെയ്യുന്ന ഒരു പഠനഗ്രന്ഥമാണ് ഇത്. ചരിത്രവും തത്ത്വചിന്തയും സഭാരാഷ്ട്രീയവും ഒരുമിച്ച് അവതരിപ്പിക്കുന്ന ഈ കൃതിയിൽ കൃതിയിൽ പരാമർശിക്കുന്ന Council of Ephesus ക്രൈസ്തവസഭയുടെ മൂന്നാമത്തെ സർവ്വസഭാ കൗൺസിലായി കണക്കാക്കപ്പെടുന്നു. ഈ സൂനഹദോസ് ക്രിസ്തുവിന്റെ സ്വഭാവത്തെക്കുറിച്ചുള്ള തർക്കങ്ങളിൽ നിർണായക വിധി പ്രസ്താവിച്ചു.
അന്നത്തെ റോമൻ സഭയുടെ നേതൃത്വത്തിൽ പ്രവർത്തിച്ചിരുന്ന Pope Celestine I സൂനഹദോസിന്റെ തീരുമാനങ്ങളിൽ പ്രധാന പങ്കുവഹിച്ചു. പ്രത്യേകിച്ച് നെസ്റ്റോറിയൻ വാദങ്ങളെതിരായ നിലപാട് ശക്തമായി പിന്തുണച്ചു. ഈ ഗ്രന്ഥത്തിൽ ചർച്ച ചെയ്യുന്ന പ്രധാന വിഷയങ്ങൾ എഫേസൂസ് സൂനഹദോസിന്റെ ചരിത്രപരമായ പശ്ചാത്തലം, നെസ്റ്റോറിയൻ വിവാദവും അതിന്റെ തത്ത്വശാസ്ത്രപരമായ പ്രാധാന്യവും, റോം മാർപാപ്പയുടെ ഇടപെടൽ, സഭാധികാരവും പ്രാദേശിക സഭകളുമായുള്ള ബന്ധവും തുടങ്ങിയവയാണ്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും

പേര്: എഫേസൂസ് സൂനഹദോസും റോമ്മാ മാർപാപ്പയും
രചന: Placid Podipara
പ്രസിദ്ധീകരണ വർഷം: 1931
അച്ചടി: St. Joseph’s Press, Mannanam
താളുകളുടെ എണ്ണം: 119
സ്കാനുകൾ ലഭ്യമായ താൾ: കണ്ണി

1949 -ശിവയോഗപ്രദീപികാ

1949-ൽ പ്രസിദ്ധീകരിച്ച, ശിവയോഗപ്രദീപികാ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

യോഗയെക്കുറിച്ചുള്ള ഒരു പ്രധാന ക്ലാസിക്കൽ സംസ്കൃത ഗ്രന്ഥമാണ് ശിവയോഗപ്രദീപിക. ആത്മീയ ലക്ഷ്യങ്ങൾ കൈവരിക്കുന്നതിന് ഭൌതികശരീരത്തിൽ വളരെയധികം ശ്രദ്ധ കേന്ദ്രീകരിക്കുന്ന, കൂടുതൽ പ്രശസ്തമായ ചെന്നമഞ്ജുനാഥ (അല്ലെങ്കിൽ ചെന്നമയ്യ) യുടെ ഹഠയോഗ പ്രദീപികയിൽ നിന്ന് വ്യത്യസ്തമായി, ശൈവ തത്ത്വചിന്ത ആഴത്തിൽ വേരൂന്നിയതാണ് ഈ ഗ്രന്ഥം. ഹഠയോഗയെ രാജയോഗയുമായും ഭക്തിയുമായും സംയോജിപ്പിച്ച് അവതരിപ്പിക്കുന്നതിനു ഗ്രന്ഥകാരൻ ഊന്നൽ നൽകിയിരിക്കുന്നു. ശിവയോഗപ്രദീപികയുടെ പ്രത്യേകത പഞ്ചധാര (അർത്ഥം: അഞ്ചു ആശ്രിതങ്ങൾ) എന്ന വിഷയത്തെക്കുറിച്ചുള്ള വിശകലനമാണ്, ഇത് ഒരു അഭ്യാസിയുടെ വിജയത്തിന് ഏറ്റവും നിർണ്ണായകമാണ്. ഇതിൽ കർമ്മം (ആകർഷണം കൂടാതെ പ്രവർത്തനങ്ങൾ നടത്തുക), ഭക്തി (ശിവനോടുള്ള ഭക്തി), ജ്ഞാനം (സ്വയംതന്നെയും ദൈവത്തെയും പറ്റിയുള്ള അറിവ്), യോഗ (സാങ്കേതിക വിദ്യകളുടെ യഥാർത്ഥ അഭ്യാസം), വൈരാഗ്യം (ലൗകീക ആനന്ദങ്ങളിൽ നിന്നുള്ള വ്യത്യാസം) എന്നിവ ഉൾപ്പെടുന്നു.

ഭാരതീയ യുക്തിവാദിസംഘം നേതാവും എഴുത്തുകാരനുമായ ശ്രീനി പട്ടത്താനം ആണ് ഈ പുസ്തകം ഡിജിറ്റൈസേഷനായി ലഭ്യമാക്കിയത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: ശിവയോഗപ്രദീപികാ
പ്രസിദ്ധീകരണ വർഷം: 1949
താളുകളുടെ എണ്ണം:85
അച്ചടി: Vijnhanaposhini Press, Kollam
സ്കാൻ ലഭ്യമായ ഇടം: കണ്ണി

1963 – രാജയോഗം

1963-ൽ പ്രസിദ്ധീകരിച്ച, സ്വാമി വിവേകാനന്ദൻ രചിച്ച, രാജയോഗം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

1896-ലാണ് രാജയോഗം പ്രസിദ്ധീകരിക്കുന്നത്. പാശ്ചാത്യ ലോകത്ത് ഹിന്ദു ദർശനവും യോഗശാസ്ത്രവും പരിചയപ്പെടുത്തുന്നതിനായി വിവേകാനന്ദൻ ഇംഗ്ലീഷിൽ രചിച്ച ഈ കൃതി, ഭാരതീയ ആത്മീയചിന്തയുടെ പ്രധാന സാരാംശം ഉൾക്കൊള്ളുന്നു.

ഈ ഗ്രന്ഥത്തിൽ പതഞ്ജലി മഹർഷിയുടെ യോഗസൂത്രങ്ങൾ അടിസ്ഥാനമാക്കി രാജയോഗത്തിന്റെ സിദ്ധാന്തങ്ങളും പ്രായോഗിക മാർഗങ്ങളും വിശദീകരിച്ചിരിക്കുന്നു. മനസ്സിനെ നിയന്ത്രിച്ച് ആത്മസാക്ഷാത്കാരം നേടുക എന്നതാണ് രാജയോഗത്തിൻ്റെ പ്രധാന ലക്ഷ്യം എന്ന് വിവേകാനന്ദൻ വ്യക്തമാക്കുന്നു. യോഗത്തിൻ്റെ നാലു ഘട്ടങ്ങളായ ധാരണ, ധ്യാനം, സമാധി തുടങ്ങിയ വിഷയങ്ങൾ ലളിതമായ ഭാഷയിൽ അവതരിപ്പിക്കുന്നു. ശാസ്ത്രീയ സമീപനവും ആത്മീയ വിവരണവും ചേർന്ന അവതരണശൈലിയാണ് ഈ കൃതിയുടെ പ്രത്യേകത. പാശ്ചാത്യ രാജ്യങ്ങളിൽ വേദാന്തവും യോഗവും പ്രചരിപ്പിക്കുന്നതിൽ രാജയോഗം നിർണായക പങ്ക് വഹിച്ചു. ഇന്നും ആത്മീയാന്വേഷണത്തിൽ താൽപര്യമുള്ളവർക്ക് ഈ ഗ്രന്ഥം ഒരു പ്രമാണഗ്രന്ഥമായി പരിഗണിക്കപ്പെടുന്നു.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: രാജയോഗം
രചന: Swami Vivekanandan
പ്രസിദ്ധീകരണ വർഷം: 1963
താളുകളുടെ എണ്ണം:323
അച്ചടി: Mathrubhumi Press, Kozhikode-1
സ്കാൻ ലഭ്യമായ ഇടം: കണ്ണി

1883 – സംസ്കൃത ഭാഷാ സംഭാഷണം ഒന്നാം ഭാഗം

1983-ൽ പ്രസിദ്ധീകരിച്ച, സംസ്കൃത ഭാഷാ സംഭാഷണം ഒന്നാം ഭാഗം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

1883-ൽ പ്രസിദ്ധീകരിച്ച മലയാളത്തിലുള്ള ഒരു പുരാതന സംസ്കൃതഭാഷാശാസ്ത്ര ഗ്രന്ഥമാണിത്. ഇതിൽ സംസ്കൃതഭാഷയുടെ അടിസ്ഥാന സംഭാഷണരീതികളും അർത്ഥങ്ങളും വിശദീകരിക്കുന്നു. 19-ാം നൂറ്റാണ്ടിലെ മലയാളം-സംസ്കൃത പഠനപ്രവർത്തനങ്ങളുടെ ഭാഗമായി കണക്കാക്കപ്പെടുന്ന ഈ വാല്യം, ഭാഷാഭ്യാസകർക്കും പണ്ഡിതന്മാർക്കും പ്രധാനപ്പെട്ട റഫറൻസായിരുന്നു. സംസ്കൃത-മലയാള ദ്വന്ദ്വഭാഷാ സംഭാഷണങ്ങൾ, വാക്ക്‌രൂപങ്ങൾ, വ്യാകരണനിയമങ്ങൾ എന്നിവയിലൂടെ ഭാഷാപഠനത്തിനു ഏറെ സഹായകമായിരുന്നു ഈ പുസ്തകം.

അച്ചുത്ശങ്കർ നായരുടെ ശേഖരത്തിൽ നിന്നാണ് ഈ പുസ്തകം ഡിജിറ്റൈസേഷനു ലഭ്യമായത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: സംസ്കൃത ഭാഷാ സംഭാഷണം ഒന്നാം ഭാഗം
പ്രസിദ്ധീകരണ വർഷം: 1883
താളുകളുടെ എണ്ണം: 39
അച്ചടി:കേരളോദയം അച്ചുകൂടം
സ്കാൻ ലഭ്യമായ ഇടം: കണ്ണി

1958 – സത്യവേദപുസ്തകം

1958-ൽ പ്രസിദ്ധീകരിച്ച, സത്യവേദപുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

ക്രിസ്തുമത വിശ്വാസികളുടെ വിശുദ്ധഗ്രന്ഥമായ ബൈബിളിനെയാണ് സത്യവേദപുസ്തകം സൂചിപ്പിക്കുന്നത്. സത്യവേദപുസ്തകം പ്രധാനമായും രണ്ട് ഭാഗങ്ങളായി വിഭജിക്കപ്പെട്ടിരിക്കുന്നു, പഴയ നിയമവും പുതിയ നിയമവും. പഴയതും പുതിയതുമായ നിയമങ്ങൾ അടങ്ങിയ പുസ്തകമാണ് ഇപ്പോൾ ഡിജിറ്റൈസ് ചെയ്തു പ്രസിദ്ധീകരിക്കുന്നത്

സത്യവേദപുസ്തകം മനുഷ്യരെ സത്യത്തിലേക്കും നീതിയിലേക്കും സ്നേഹത്തിലേക്കും നയിക്കുന്ന ആത്മീയ മാർഗ്ഗദർശകമായി കണക്കാക്കപ്പെടുന്നു. ലോകത്തിലെ ഏറ്റവും കൂടുതൽ ഭാഷകളിലേക്ക് വിവർത്തനം ചെയ്യപ്പെട്ട ഗ്രന്ഥങ്ങളിൽ ഒന്നാണ് ഇത്. പഴയ നിയമം ലോകസൃഷ്ടിയും ഇസ്രായേൽജനതയുടെ ചരിത്രവും പ്രവാചകന്മാരുടെ സന്ദേശങ്ങളും വിവരിക്കുന്നു. പുതിയ നിയമം യേശുക്രിസ്തുവിന്റെ ജനനം, ഉപദേശങ്ങൾ, അത്ഭുതങ്ങൾ, കുരിശു മരണം, ഉയിർത്തെഴുന്നേൽപ്പ് എന്നിവയും ആദ്യകാല സഭയുടെ ചരിത്രവും ഉൾക്കൊള്ളുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര് : സത്യവേദപുസ്തകം
പ്രസിദ്ധീകരണ വർഷം: 1958
താളുകളുടെ എണ്ണം: 1185
സ്കാൻ ലഭ്യമായ ഇടം: കണ്ണി

1983 – കോൺഗ്രസ്സും കേരളവും

1983-ൽ പ്രസിദ്ധീകരിച്ച, എ.കെ. പിള്ള എഴുതിയ കോൺഗ്രസും കേരളവും എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

1935-ലാണ് കോൺഗ്രസും കേരളവും എന്ന പുസ്തകം കേരള പ്രദേശ് കോൺഗ്രസ്സ് കമ്മിറ്റി ആദ്യമായി പ്രസിദ്ധീകരിക്കുന്നത്. ആദ്യ പതിപ്പ് ഇറക്കിയത് തിരുവനന്തപുരത്തെ ചരിത്രം പബ്ലിക്കേഷൻസ് ആണ്. ഇതിൽ കോൺഗ്രസ്സിൻ്റെ കേരളത്തിലെ ആദ്യകാല രാഷ്ട്രീയ പ്രവർത്തന ശൈലിയെക്കുറിച്ച് ആധികാരികമായി വിശകലനം ചെയ്യുന്നു. ഇന്ത്യൻ നാഷണൽ കോൺഗ്രസിൻ്റെ കേരള ഘടകം രൂപപ്പെടുന്നതും സ്വാതന്ത്ര്യസമര പോരാട്ടങ്ങളും മറ്റു രാഷ്ട്രീയ പ്രസ്ഥാനങ്ങളുമായുള്ള ബന്ധവും നേതാക്കളുടെയും പ്രവർത്തകരുടെയും പങ്കും വിശദമായി പ്രതിപാദിക്കുന്നു, പുസ്തകത്തിൽ.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: കോൺഗ്രസും കേരളവും
പ്രസിദ്ധീകരണ വർഷം: 1983
രചന: എ.കെ. പിള്ള
താളുകളുടെ എണ്ണം:193
അച്ചടി: Luqman Printers, Thiruvananthapuram
സ്കാൻ ലഭ്യമായ ഇടം: കണ്ണി