1989 ൽ പ്രസിദ്ധീകരിച്ച ജോൺ പള്ളത്ത് രചിച്ച ബർണ്ണഡീൻ മെത്രാപ്പോലീത്ത എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
മഹാമിഷണറി ബർണ്ണഡീൻ്റെ ജീവചരിത്രവും, കേരളത്തിൽ അദ്ദേഹം നിർവ്വഹിച്ച നിസ്തുലമായ പ്രവർത്തനങ്ങളും സംക്ഷിപ്തമായി വിവരിക്കുന്ന പുസ്തകമാണിത്. പത്തൊൻപതാം നൂറ്റാണ്ടിൽ കേരളത്തിലെ ക്രൈസ്തവരെ സ്വാധീനിക്കുകയും, റോക്കോസ് ശീശ്മയുടെ കരാളഹസ്തങ്ങളിൽ നിന്നും കേരള സഭയെ മോചിപ്പിക്കുകയും ചെയ്തുകൊണ്ട് വരാപ്പുഴ വികാരിയത്തിൻ്റെ സർവ്വതോന്മുഖമായ അഭിവൃദ്ധിക്കുവേണ്ടി അക്ഷീണം പ്രവർത്തിച്ച വ്യക്തിത്വമാണ് ഡോ. ബർണ്ണഡിൻ ബച്ചിനെല്ലി. സന്യാാസിനീ സന്യാസ് സഭകൾ സ്ഥാപിച്ചും, പുത്തൻ പള്ളിയിൽ സെൻട്രൽ സെമ്മിനാരിക്ക് രൂപം കൊടുത്തും, വികാരി അപ്പോസ്തലിക്കാമാരുടെ സംയുക്ത ചർച്ചകളിൽ നിന്നും ഉരുത്തിരിഞ്ഞ നിർദ്ദേശങ്ങളും, ഉൾക്കാഴ്ചകളും പ്രാവർത്തികമാക്കിയും കേരള ക്രൈസ്തവ സഭയെ പുനർജീവിപ്പിച്ച പ്രതിഭാശാലിയായിരുന്നു ബർണ്ണഡീൻ മെത്രാപ്പോലീത്ത.
ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
താഴെ പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. സ്കാനിൽ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്.
- പേര്: ബർണ്ണഡീൻ മെത്രാപ്പോലീത്ത
- രചന: John Pallath
- പ്രസിദ്ധീകരണ വർഷം: 1989
- താളുകളുടെ എണ്ണം: 196
- അച്ചടി: I.S. Press, Cochin
- സ്കാനുകൾ ലഭ്യമായ താൾ: കണ്ണി