1988 ജൂൺ മാസത്തിൽ ഇറങ്ങിയ പ്രഗതി ആനുകാലികത്തിൽ സി. കെ. മൂസ്സത് എഴുതിയ സ്ത്രീത്വത്തിൻ്റെ സിംഹനാദം എന്ന ലേഖനത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
പ്രശസ്ത കവയിത്രി കടത്തനാട്ട് മാധവി അമ്മയെ ആദരിച്ചുകൊണ്ട് 1988 മേയ് 22 ന് തപസ്യ വടകരയിൽ സംഘടിപ്പിച്ച കവി പൂജയിൽ സി. കെ. മൂസ്സത് ചെയ്ത പ്രസംഗമാണ് ലേഖന വിഷയം. സ്ത്രീത്വത്തിനു വേണ്ടി നിലകൊണ്ട കവിയാണ് കടത്തനാട്ട് മാധവി അമ്മ. അവരുടെ കവിതകളിൽ നിന്നുള്ള വരികൾ സഹിതം സ്ത്രീപക്ഷത്തോടുള്ള കവിയുടെ ആഭിമുഖ്യം ലേഖനത്തിൽ വെളിപ്പെടുത്തുകയാണ് രചയിതാവ്.
ശാസ്ത്ര അദ്ധ്യാപകനും കേരളഭാഷാ ഇൻസ്റ്റിറ്റ്യൂട്ടിൻ്റെ പ്രഥമ അസിസ്റ്റൻ്റ് ഡയറക്ടറുമായിരുന്ന പ്രൊഫസർ സി.കെ. മൂസ്സതിൻ്റെ രചനകൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് പങ്കു വെക്കുന്നത്.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)
- പേര്: സ്ത്രീത്വത്തിൻ്റെ സിംഹനാദം
- രചന: സി.കെ. മൂസ്സത്
- താളുകളുടെ എണ്ണം: 9
- സ്കാൻ ലഭ്യമായ ഇടം: കണ്ണി