1978 ൽ പ്രസിദ്ധീകരിച്ച ജോസ് പാലാട്ടി രചിച്ച സ്ത്രീ പൗരോഹിത്യം ക്രിസ്തു നിഷേധിച്ചുവോ എന്ന പുസ്തകത്തിന്റെ ഡിജിറ്റൽ സ്കാനാണ് ഈ പോസ്റ്റിലൂടെ റിലീസ് ചെയ്യുന്നത്.
ജോസ് പാലാട്ടി ഈ കൃതിയിൽ സ്ത്രീകൾക്ക് പൗരോഹിത്യം നൽകുന്നത് ക്രിസ്തുവിന്റെ മനോഭാവത്തിന് എതിരെ പോകുന്നുവോ എന്ന വിഷയത്തെ ആഴത്തിൽ വിശകലനം ചെയ്യുന്നു. 1970കളിൽ പൊതു സഭയിൽ ഏറെ ചർച്ചിക്കപ്പെട്ട വിഷയം ആയിരുന്നു സ്ത്രീ പൗരോഹിത്യം. ഈ പശ്ചാത്തലത്തിലാണ് ഈ ലേഖനം എഴുതപ്പെട്ടത്. ഈ രചന രണ്ടാം വത്തിക്കാൻ സഭാനന്തര കാലഘട്ടത്തിലെ സ്ത്രീപൗരോഹിത്യ ചർച്ചകളെ അഭിമുഖീകരിക്കുന്നു. നവീനതയ്ക്കും പാരമ്പര്യത്തിനും ഇടയിലെ സംഘർഷം അതിൽ പ്രതിഫലിക്കുന്നു. കത്തോലിക്കാ സഭയുടെ പൗരോഹിത്യ തത്വങ്ങളിൽ സ്ത്രീകളെ ഉൾപ്പെടുത്താത്തതിന്റെ ന്യായീകരണങ്ങളും പൗരോഹിത്യത്തിലൂടെയല്ലെങ്കിലും സ്ത്രീകൾക്ക് സഭയിൽ മറ്റ് പലതരത്തിലുള്ള പ്രവർത്തനങ്ങളിൽ പങ്കാളികളാകാനാകുമെന്നുള്ള സമീപനവും വിശദീകരിക്കുന്നു.
ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
താഴെ പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. സ്കാനിൽ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്.
- പേര്: സ്ത്രീ പൗരോഹിത്യം ക്രിസ്തു നിഷേധിച്ചുവോ
- രചന: Jose Palatti
- പ്രസിദ്ധീകരണ വർഷം: 1978
- താളുകളുടെ എണ്ണം: 150
- അച്ചടി: L.F.I. Press, Thevara
- സ്കാനുകൾ ലഭ്യമായ താൾ: കണ്ണി