1960 ൽ പ്രസിദ്ധീകരിച്ച സി. കെ. അബ്ദുൾ ഖാദർ രചിച്ച മഹാകവി ചേറ്റുവായി പരീക്കുട്ടി എന്ന കൃതിയുടെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.
പ്രസിദ്ധമായ പല മാപ്പിളപ്പാട്ടുകളുടെയും കർത്താവ്, കവി, ഗായകൻ, ചിന്തകൻ, പ്രഭാഷകൻ, പണ്ഡിതൻ എന്നീ നിലകളിൽ പ്രശസ്തനായ മഹാകവി ചേറ്റുവായി പരീക്കുട്ടിയുടെ ജീവിതത്തെ കുറിച്ചും, അദ്ദേഹത്തിൻ്റെ സാഹിത്യ സപര്യയെ കുറിച്ചുമാണ് ഈ പുസ്തകം. മാപ്പിളപ്പാട്ടുകളുടെ ചരിത്രപരവും ശില്പപരവുമായ വശങ്ങളെ കുറിച്ചും, പ്രശസ്തരായ മാപ്പിളപ്പാട്ട് രചയിതാക്കളെ കുറിച്ചും അവരുടെ കൃതികളെ കുറിച്ചുമെല്ലാം ഈ പുസ്തകത്തിൽ പ്രതിപാദിക്കുന്നു. മാപ്പിള സാഹിത്യത്തെ പറ്റി മലയാളത്തിലെ ആദ്യത്തെ വിമർശനഗ്രന്ഥമെന്ന നിലയിലും ഈ ഗ്രന്ഥത്തിന് വളരെ പ്രാധാന്യമുണ്ട്.
ഡൊമനിക്ക് നെടും‌പറമ്പിൽ ആണ് ഈ പുസ്തകം ഡിജിറ്റൈസേഷനായി ലഭ്യമാക്കിയത്.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
താഴെ പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാനിൽ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം
- പേര്: മഹാകവി ചേറ്റുവായി പരീക്കുട്ടി
- രചന: C. K. Abdul Khader
- പ്രസിദ്ധീകരണ വർഷം: 1960
- താളുകളുടെ എണ്ണം: 204
- അച്ചടി: The Md. A. Memorial Press, Kozhikode
- സ്കാനുകൾ ലഭ്യമായ താൾ: കണ്ണി