1954 ൽ പ്രസിദ്ധീകരിച്ച, പി. വെനിഷ് രചിച്ച, ക്രിസ്തീയ വിശ്വസം സ്വീകരിച്ച ഒരു മനുഷ്യനിൽ മാമ്മോദീസ നൽകപെട്ട നിർമ്മലത, മരണം വരെ എങ്ങനെ കാത്തു സൂക്ഷിക്കണം എന്നു ഓർമ്മപ്പെടുത്തുന്ന ശുദ്ധത എൻ്റെ നിധി എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.
ശുദ്ധത എന്നും പാലിക്കുവാൻ കഴിയുന്നെങ്കിൽ, അതൊരു ദൈവാനുഗ്രഹം ആണെന്ന് ഓർമ്മിപ്പിക്കുകയാണു എഴുത്തുകാരൻ ഈ പുസ്തകത്തിലൂടെ. പാപികൾ ആയിരുന്ന ചില മനുഷ്യർ തങ്ങളുടെ മാനസാന്തരത്തിനു ശേഷം ശുദ്ധതയുടെ യഥാർത്ഥ ദൃഷ്ട്ടാന്തങ്ങൾ ആയി തീർന്നതിനു ചില വിശുദ്ധരേയും ഉദാഹരണമായി എടുത്തു പറയുന്നു .ഒന്നാം അദ്ധ്യായത്തിൽ ശുദ്ധതയുടെ പുണ്ണ്യത്തെക്കുറിച്ചു പറയുമ്പോൾ രണ്ടാം അദ്ധ്യായത്തിൽ അതു പ്രാപിക്കുന്നതിനുള്ള മാർഗ്ഗങ്ങളേക്കുറിച്ചും വിവരിക്കുന്നു.പൂർണ്ണമായും ഈ പുസ്തകം വായിച്ചു തീരുമ്പോൾ , പുസ്ത്കത്തിൻ്റെ തലക്കെട്ട് ഈ പുസ്തകത്തിനു ഒരുപാട് ചേരുന്ന അലങ്കാരമായി വായനക്കാർക്ക് അനുഭവപ്പെടും എന്ന കാര്യത്തിൽ സംശയമില്ല.
ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.
പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.