1903ൽ പ്രസിദ്ധീകരിച്ച ക.ദി.മൂ.സ.ത്രെ. പൗലൊസു ഗുരുസ്വാമിയാർ പരിഭാഷപ്പെടുത്തിയ അഭഗ്നമുദ്ര എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വയ്ക്കുന്നത്.
കുമ്പസാരരഹസ്യമുദ്ര മുഖാന്തിരം വേദസാക്ഷിയായ പരിശുദ്ധ യോഹന്നാൻ നെപ്പുമസ്യാനോസിൻ്റെ ചരിത്രവും, പാപസങ്കീർത്തനം, ധർമ്മവ്യാപാരം മുതലായവ സംബന്ധിച്ച പല സൽബുദ്ധികളും ദൃഷ്ടാന്തങ്ങളും അടങ്ങിയ പുസ്തകമാണിത്.പുസ്തകത്തിൽ പേജ് നമ്പർ 377 നു ശേഷം 388 എന്ന പേജാണ് അച്ചടിച്ചു കാണുന്നത്. അച്ചടി പിശകാണെന്ന് അനുമാനിക്കാം
കനിമൂസ എന്ന ചുരുക്കെഴുത്ത് ഈ സഭാംഗങ്ങൾ പേരിനൊപ്പം ചേർക്കും. ഇപ്പോൾ CMI എന്നു ചേർക്കുന്നു. ക.നി.മൂ.സ. എന്നത് കര്‍മ്മലീത്താ നിഷ്പാദുക മൂന്നാംസഭ എന്നതിന്റെ ചുരുക്കരൂപം ആണ്. അതിൻ്റെ ഇംഗ്ലീഷ് Third Order of Discalced Carmelites അതിലെ Discalced എടുത്ത് ലിപ്യന്തരണം നടത്തി ചിലയിടത്ത് കദിമൂസ എന്നും ഉപയോഗിച്ചു കാണുന്നു. ആ രൂപം ആണ് ഈ പുസ്ത്കത്തിൽ കാണുന്നത്
ഈ പുസ്തകത്തിൽ കദിമൂസയുടെ ഒപ്പം ത്രെ എന്നു കൂടെ കാണുന്നു. മുൻകാലങ്ങളിൽ ഏതെങ്കിലും ഒരു വിശുദ്ധൻ്റെ/വിശുദ്ധയുടെ പേരു കൂടെ അവരുടെ പേരിൻ്റെ ഒപ്പം ചേർക്കുമായിരുന്നു. ഇത് ത്രെസ്യയുടെ എന്നതിൻ്റെ ചുരുക്കമാണ്. അതിനാൽ കദിമൂസ ത്രെസ്യയുടെ പൌലൊസു ഗുരുസ്വാമി എന്നു വായിക്കണം
ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.
പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
- പേര്: അഭഗ്നമുദ്ര
- രചന: Ka Di Mu Sa – Thre Paulose Guruswami
- പ്രസിദ്ധീകരണ വർഷം: 1903
- താളുകളുടെ എണ്ണം: 408
- അച്ചടി: St. Josephs Handicraft Press, Elthuruthu
- സ്കാൻ ലഭ്യമായ ഇടം: കണ്ണി