ഗ്രന്ഥപ്പുര (Granthappura) blog

1953 – A Rhino Comes to Town and Other Stories – Orient Longmans’ New Supplementary Readers – Grade 2

കുട്ടി കഥകൾ ഉൾപ്പെടുത്തിക്കൊണ്ട് M.J. Sargunam രചിച്ച് ഡോക്ടർ ജീൻ ഫോറെസ്റ്റർ എഡിറ്റ് ചെയ്ത് പ്രസിദ്ധീകരിച്ച Orient Longmans’ New Supplementary Readers എന്ന സീരീസിലുള്ള A Rhino Comes to Town and Other Stories എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്. വിവിധ ദേശങ്ങളിലെ നാടോടി കഥകൾ ലളിതമായ ഇംഗ്ലീഷിൽ ഈ പുസ്തകത്തിൽ അവതരിപ്പിച്ചിരിക്കുന്നു.

നമ്മുടെ പഴയപാഠപുസ്തകങ്ങൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് റിലീസ് ചെയ്യുന്നത്. ആ പദ്ധതിയെ പറ്റിയുള്ള പ്രാഥമികവിവരത്തിന് ഈ പോസ്റ്റ് കാണുക.

ടോണി ആൻ്റണി മാഷ് ആണ് ഈ പുസ്തകം ഡിജിറ്റൈസേഷനായി ലഭ്യമാക്കിയത്.

1953-a-rhino-comes-to-town-new-supplementary-readers-grade-two

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)

പേര്: A Rhino Comes to Town and Other Stories
പ്രസിദ്ധീകരണ വർഷം: 1953
താളുകളുടെ എണ്ണം: 50
അച്ചടി: The Diocesan Press, Madras
സ്കാനുകൾ ലഭ്യമായ താൾ: കണ്ണി

1964 – പഴശ്ശിരാജാ (സിനിമാ പാട്ടുപുസ്തകം)

1964 ൽ പ്രേം നസീർ, സത്യൻ, കൊട്ടാരക്കര, ശങ്കരാടി, എസ്.പി.പിള്ള, ശ്രീദേവി, ഗ്രേസി, പങ്കജവല്ലി തുടങ്ങിയവർ അഭിനയിച്ച, കുഞ്ചാക്കോ സംവിധാനം ചെയ്ത പഴശ്ശിരാജാ എന്ന സിനിമയുടെ കഥാ സാരവും പാട്ടുകളും ഉൾപ്പെടുത്തി പ്രസിദ്ധീകരിച്ച സിനിമാ പാട്ടു പുസ്തകത്തിൻ്റെ സ്കാനാണ് ഈ പോസ്റ്റിലൂടെ പങ്കു വെക്കുന്നത്.

പ്രശസ്ത പുസ്തകചരിത്രകാരനും സാഹിത്യനിരൂപകനുമായ പി.കെ. രാജശേഖരൻ ആണ് ഈ പാട്ടുപുസ്തകം ഡിജിറ്റൈസേഷനായി ലഭ്യമാക്കിയത്.

നമ്മുടെ പഴയസിനിമാ പാട്ടുപുസ്തകങ്ങൾ ഡിജിറ്റൈസ് ചെയ്ത് സംരക്ഷിക്കുന്നതിൻ്റെ ഭാഗമായാണ് ഈ പാട്ടുപുസ്തകം ഡിജിറ്റൈസ് ചെയ്യുന്നത്. ആ പദ്ധതിയെ പറ്റിയുള്ള പ്രാഥമീകവിവരത്തിന് ഈ പോസ്റ്റ് കാണുക.

1964 - പഴശ്ശിരാജാ (സിനിമാ പാട്ടുപുസ്തകം) — 1964 – പഴശ്ശിരാജാ (സിനിമാ പാട്ടുപുസ്തകം)

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: പഴശ്ശിരാജാ
പ്രസിദ്ധീകരണ വർഷം: 1964
താളുകളുടെ എണ്ണം: 12
അച്ചടി: The Santa Cruz Press, Alleppy
സ്കാൻ ലഭ്യമായ ഇടം: കണ്ണി

2005 – Unheard, not unsung – Scaria Zacharia

2005 മാർച്ച് മാസത്തിലെ ദി വീക്ക് വാരിക (പുസ്തകം 23 ലക്കം14) ജൂതപ്പാട്ടുകളെ കുറിച്ച് ഡോക്ടർ. സ്കറിയ സക്കറിയ നടത്തിയ വിശകലനങ്ങളെ Unheard, not unsung എന്ന തലക്കെട്ടോടെ എഴുതിയ ലേഖനത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

ഡോ. സ്കറിയാ സക്കറിയയുടെ രചനകൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് പങ്കു വെക്കുന്നത്.

2005 - Unheard, not unsung - Scaria Zacharia — 2005 – Unheard, not unsung – Scaria Zacharia

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: Unheard, not unsung
പ്രസിദ്ധീകരണ വർഷം: 2005
താളുകളുടെ എണ്ണം: 1
അച്ചടി : MM Press, Kottayam
സ്കാൻ ലഭ്യമായ ഇടം: കണ്ണി

1958 – ദിവ്യകാരുണ്യ ആരാധകൻ – ആൻ്റണി പവ്വത്തിൽ

വിശുദ്ധകുർബ്ബാന സംബന്ധിച്ച ധ്യാനപുസ്തകമായ ദിവ്യകാരുണ്യ ആരാധകൻ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്. വിൻസെൻഷൻ സഭാംഗമായ ഫാദർ ആൻ്റണി പവ്വത്തിൽ ഈ പുസ്തകം രചിച്ചിരിക്കുന്നത്. ഈ പുസ്തകത്തിൻ്റെ 1958ൽ ഇറങ്ങിയ ആറാം പതിപ്പാണ് ഇപ്പോൾ ഡിജിറ്റൈസ് ചെയ്ത് പങ്കുവെക്കുന്നത്.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1958 - ദിവ്യകാരുണ്യ ആരാധകൻ - ആൻ്റണി പവ്വത്തിൽ — 1958 – ദിവ്യകാരുണ്യ ആരാധകൻ – ആൻ്റണി പവ്വത്തിൽ

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: ദിവ്യകാരുണ്യ ആരാധകൻ
രചന: ആൻ്റണി പവ്വത്തിൽ
പ്രസിദ്ധീകരണ വർഷം: 1958
താളുകളുടെ എണ്ണം: 76
അച്ചടി: S.M. Press, Angamaly
സ്കാൻ ലഭ്യമായ ഇടം: കണ്ണി

1982 – അൽഭുതകവി വി.സി. ബാലകൃഷ്ണപ്പണിക്കർ – സി.കെ. മൂസ്സത്

മലയാള കവിതയിലെ പരിവർത്തനയുഗത്തിന്റെ ശിൽപികളിൽ ഒരാളായി കരുതപ്പെടുന്ന വി.സി. ബാലകൃഷ്ണപ്പണിക്കരെ പറ്റി 1982 ജൂൺ മാസത്തിൽ പുറത്തിറങ്ങിയ പ്രഗതി എന്ന ആനുകാലികത്തിൽ സി.കെ. മൂസത് എഴുതിയ അൽഭുതകവി വി.സി. ബാലകൃഷ്ണപ്പണിക്കർ എന്ന ലേഖനത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

ശാസ്ത്ര അദ്ധ്യാപകനും കേരളഭാഷാ ഇൻസ്റ്റിറ്റ്യൂട്ടിൻ്റെ പ്രഥമ അസിസ്റ്റൻ്റ് ഡയറക്ടറുമായിരുന്ന പ്രൊഫസർ സി.കെ. മൂസ്സതിൻ്റെ രചനകൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് പങ്കു വെക്കുന്നത്.

1982 - അൽഭുതകവി വി.സി. ബാലകൃഷ്ണപ്പണിക്കർ - സി.കെ. മൂസ്സത് — 1982 – അൽഭുതകവി വി.സി. ബാലകൃഷ്ണപ്പണിക്കർ – സി.കെ. മൂസ്സത്

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: അൽഭുതകവി വി.സി. ബാലകൃഷ്ണപ്പണിക്കർ
രചന: സി.കെ. മൂസ്സത്
പ്രസിദ്ധീകരണ വർഷം: 1982
താളുകളുടെ എണ്ണം: 13
സ്കാൻ ലഭ്യമായ ഇടം: കണ്ണി

1958 – വിജയത്തിൻ്റെ വഴികൾ – ഭാഗം 2

1958 ൽ പ്രസിദ്ധീകരിച്ച റോബർട്ട് നാഷ് എസ്.ജെ. രചിച്ച Is Life Worthwhile എന്ന പുസ്തകപരമ്പരയുടെ മലയാള പരിഭാഷയായ വിജയത്തിൻ്റെ വഴികൾ രണ്ടാം ഭാഗത്തിൻ്റെ സ്കാനാണ് ഈ പോസ്റ്റിലൂടെ പങ്കുവെക്കുന്നത്. മറ്റു ഭാഗങ്ങൾ ലഭ്യമായിട്ടില്ല. മലയാള പരിഭാഷ നിർവ്വഹിച്ചിട്ടുള്ളത് ജോസഫ് പാമ്പക്കൽ, ആൻ്റണി പെരുമ്പ്രായിൽ, ഐസക്ക് ആലഞ്ചേരിൽ എന്നിവർ ചേർന്നാണ്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: വിജയത്തിൻ്റെ വഴികൾ – ഭാഗം 2
രചന:
റോബർട്ട് നാഷ് എസ്.ജെ.

ജോസഫ് പാമ്പക്കൽ

ആൻ്റണി പെരുമ്പ്രായിൽ

ഐസക്ക് ആലഞ്ചേരിൽ
പ്രസിദ്ധീകരണ വർഷം: 1958
താളുകളുടെ എണ്ണം: 250
അച്ചടി: J.M. Press, Aluva
സ്കാൻ ലഭ്യമായ ഇടം: കണ്ണി

1958 – മായാമനിതൻ (സിനിമാ പാട്ടുപുസ്തകം)

1958 ൽ ശ്രീറാം, അശോകൻ, ജി.എം.ബഷീർ, കാക്കാ രാധാകൃഷ്ണൻ,കെ. കണ്ണൻ, ജെമിനി വനജ, ടി. പി. മുത്തുലക്ഷ്മി, മൈഥിലി തുടങ്ങിയവർ അഭിനയിച്ച, ടി. പി സുന്ദരം സംവിധാനം ചെയ്ത മായാമനിതൻ എന്ന സിനിമയുടെ കഥാ സാരവും പാട്ടുകളും ഉൾപ്പെടുത്തി പ്രസിദ്ധീകരിച്ച സിനിമാ പാട്ടു പുസ്തകത്തിൻ്റെ സ്കാനാണ് ഈ പോസ്റ്റിലൂടെ പങ്കു വെക്കുന്നത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: മായാമനിതൻ
പ്രസിദ്ധീകരണ വർഷം: 1958
താളുകളുടെ എണ്ണം: 16
അച്ചടി: Narmada Press, Ernakulam
സ്കാൻ ലഭ്യമായ ഇടം: കണ്ണി

1993 – Dr Hermann Gundert and Malayalam Language – Albrecht Frenz and Scaria Zacharia (Editors)

1980കളിൽ ട്യൂബിങ്ങനിലെ ഗുണ്ടർട്ട് ശേഖരം കണ്ടെത്തിയതിനു ശേഷം ആ ശേഖരത്തിലെ നിരവധി പ്രമുഖകൃതികൾ 1990കളിൽ ഡോ. സ്കറിയ സക്കറിയയുടെ നേതൃത്വത്തിൽ പ്രസിദ്ധീകരിച്ചു. ഈ പ്രസിദ്ധീകരണത്തിലൂടെയാണ് പലപ്രമുഖ പ്രാചീനകൃതികളും ആദ്യമായി അച്ചടിക്കപ്പെട്ടത്. 1993 ൽ പുറത്ത് വന്ന ഡോക്ടർ. ആൽബ്രെക്റ്റ് ഫ്രെൻസും ഡോക്ടർ. സ്കറിയ സക്കറിയയും ചേർന്ന് എഡിറ്റു ചെയ്ത Dr Hermann Gundert and Malayalam Language എന്ന പുസ്തകത്തിൻ്റെ ഡിജിറ്റൽ കോപ്പിയാണ് ഈ പോസ്റ്റിലൂടെ റിലീസ് ചെയ്യുന്നത്. ഗുണ്ടർട്ട് കൃതികളെ കുറിച്ച് മലയാള ഭാഷാ പണ്ഡിതന്മാർ എഴുതിയ ലേഖനങ്ങളും ഗുണ്ടർട്ട് എഴുതിയ കത്തുകളിൽ നിന്നും മറ്റു സ്രോതസ്സുകളിൽ നിന്നുമുള്ള രേഖകളെ ആസ്പദമാക്കി ഡോക്ടർ. ആൽബ്രെക്റ്റ് ഫ്രെൻസ് എഴുതിയ ഗുണ്ടർട്ടിൻ്റെ ജീവചരിത്രവുമാണ് പുസ്തകത്തിൻ്റെ ഉള്ളടക്കം.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: Dr Hermann Gundert and Malayalam Language
രചന: Albrecht Frenz and Scaria Zacharia (Editors)
പ്രസിദ്ധീകരണ വർഷം: 1993
താളുകളുടെ എണ്ണം: 334
അച്ചടി : D.C. Printers, Kottayam
സ്കാൻ ലഭ്യമായ ഇടം: കണ്ണി

1929 – ഈശോയുടെ സ്നേഹം അഥവാ ദിവ്യകാരുണ്യസന്ദർശനം – രണ്ടാംഭാഗം

കാനൻ ഗിൽബർട്ട് (Canon Gilbert) രചിച്ച The Love of Jesus or Visits to the Blessed Sacrament എന്ന കൃതിയുടെ മലയാളപരിഭാഷയായ ഈശോയുടെ സ്നേഹം അഥവാ ദിവ്യകാരുണ്യസന്ദർശനം – രണ്ടാംഭാഗം എന്ന കൃതിയുടെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്. വിദ്യാർത്ഥിമിത്രം ഉടമയായ ഫിലിപ്പ് പാൽമർ ആണ് ഈ പരിഭാഷ നിർവഹിച്ചിരിക്കുന്നത്. (ഈ പുസ്തകത്തിൻ്റെ ഒന്നാം ഭാഗം ഡിജിറ്റൈസേഷനായി ലഭ്യമായിട്ടില്ല).

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: ഈശോയുടെ സ്നേഹം അഥവാ ദിവ്യകാരുണ്യസന്ദർശനം – രണ്ടാംഭാഗം
രചന: കാനൻ ഗിൽബർട്ട്/ഫിലിപ്പ് പാൽമർ
പ്രസിദ്ധീകരണ വർഷം: 1929
താളുകളുടെ എണ്ണം: 130
അച്ചടി: S.D.P. Works Ltd., Alleppy
സ്കാൻ ലഭ്യമായ ഇടം: കണ്ണി

1988 – ജനാധിപത്യത്തിൻ്റെ ഈറ്റുനോവു് – സ്കറിയാ സക്കറിയ

കോട്ടയം ജില്ലയിൽ, ജനതാ പാർട്ടിയോട് ആഭിമുഖ്യമുള്ള വിവിധ ട്രേഡ് യൂണിയനുകളുടെ സംയുക്താഭിമുഖ്യത്തിൽ 1988 ൽ പുറത്തിറക്കിയ മേയ് ദിന സുവനീറിൽ സ്കറിയ സക്കറിയ എഴുതിയ ജനാധിപത്യത്തിൻ്റെ ഈറ്റുനോവ് എന്ന ലേഖനത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: ജനാധിപത്യത്തിൻ്റെ ഈറ്റുനോവു്
രചന: സ്കറിയാ സക്കറിയ
പ്രസിദ്ധീകരണ വർഷം: 1988
താളുകളുടെ എണ്ണം: 03
അച്ചടി: Universal Printers, Changanassery.
സ്കാൻ ലഭ്യമായ ഇടം: കണ്ണി