1925 – ഒരു തീർത്ഥയാത്ര – തരവത്ത് അമ്മാളു അമ്മ

1925ൽ പ്രസിദ്ധീകരിച്ച, തരവത്ത് അമ്മാളു അമ്മ രചിച്ച ഒരു തീർത്ഥയാത്ര എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

മലയാളത്തിലെ ആദ്യകാല വനിതാ സാഹിത്യകാരികളിൽ ഒരാളായ തരവത്ത് അമ്മാളു അമ്മ 1925-ൽ പ്രസിദ്ധീകരിച്ച യാത്രാവിവരണമാണ് ഒരു തീർത്ഥയാത്ര. ഭാരതത്തിലെ തീർത്ഥാടനകേന്ദ്രങ്ങളിലേക്കുള്ള അവരുടെ യാത്രയെ അടിസ്ഥാനമാക്കിയുള്ള ആത്മകഥാത്മക അനുഭവവിവരണകൃതിയാണിത്. എഴുത്തുകാരിയുടെ നേരിട്ടുള്ള അനുഭവങ്ങളും തീർത്ഥാടനത്തിനിടെയുള്ള സ്ഥലവിവരണങ്ങളും, യാത്രയ്ക്കിടയിൽ കണ്ട മതാചാരങ്ങൾ, ആചാരാനുഷ്ഠാനങ്ങൾ, സമൂഹത്തിലെ വിശ്വാസങ്ങൾ എന്നിവയെപ്പറ്റിയുള്ള വിമർശനാത്മകമായ നിരീക്ഷണങ്ങളുമാണ് ഉള്ളടക്കം. സ്ത്രീയുടെ കാഴ്ചപ്പാടിൽ നിന്നുള്ള ആദ്യകാല മലയാള യാത്രാവിവരണങ്ങളിൽ ഒന്നാണിത്. സാധാരണ തീർത്ഥാടനത്തിന്റെ കുറിപ്പ് എന്നതിലുപരി സാമൂഹിക-സാംസ്കാരിക ജീവിതത്തെ നിരീക്ഷിക്കുകയും വിലയിരുത്തുകയും ചെയ്യുന്ന സ്ത്രീയാത്രാവിവരണത്തിന്റെ പ്രാരംഭ മാതൃക കൂടിയാണ് ഈ പുസ്തകം.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• • പേര്: ഒരു തീർത്ഥയാത്ര 
  • രചന:  Tharavathu Ammaluamma
  • പ്രസിദ്ധീകരണ വർഷം: 1925
  • അച്ചടി: Norman Printing Bureau, Calicut
  • താളുകളുടെ എണ്ണം: 180
  • സ്കാൻ ലഭ്യമായ ഇടം: കണ്ണി