1989 – ൽ പബ്ലിക് റിലേഷൻസ് വകുപ്പ്, കേരള സർക്കാർ പ്രസിദ്ധീകരിച്ച മലയാള സിനിമയുടെ നവചക്രവാളം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
ദേശീയ-അന്തർദേശീയ തലങ്ങളിൽ മുഖമുദ്ര പതിപ്പിച്ച മലയാള സിനിമയുടെ വളർച്ചയുടെ വിശദമായ വിവരണങ്ങൾ ഉൾപ്പെടുന്നതാണ് ഈ പുസ്തകം. മൂന്നു ഭാഗങ്ങളായി തിരിച്ചിരിക്കുന്നതിൽ ആദ്യ ഭാഗത്ത് സംസ്ഥാന അവാർഡ് നിർണയ സമിതികളുടെ നിരീക്ഷണങ്ങൾ ആണ് ഉള്ളത്. രണ്ടാം ഭാഗം അവാർഡ് നേടിയ മലയാള ചലച്ചിത്രങ്ങളെക്കുറിച്ചുള്ള വിശദാംശങ്ങൾ അടങ്ങിയതാണ്. 1928 -ൽ പുറത്തിറങ്ങിയ ആദ്യ നിശബ്ദ മലയാളചിത്രമായ വിഗതകുമാരൻ മുതൽ 1988 ഡിസംബർ വരെ പുറത്തിറങ്ങിയ മലയാള ചലച്ചിത്രങ്ങളുടെ പട്ടിക ആണ് മൂന്നാം ഭാഗത്തുള്ളത്. ചലച്ചിത്രാസ്വാദകർക്കും ഈ രംഗത്തെ ഗവേഷകർക്കും വിദ്യാർത്ഥികൾക്കും ഏറെ പ്രയോജനപ്പെടുന്ന റഫറൻസ് ഗ്രന്ഥം ആണ് ഇത്
പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.
പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
- പേര്: മലയാള സിനിമയുടെ നവചക്രവാളം
- പ്രസിദ്ധീകരണ വർഷം: 1989
- താളുകളുടെ എണ്ണം: 114
- അച്ചടി: ഗവണ്മെൻ്റ് പ്രസ്സ്, തിരുവനന്തപുരം
- സ്കാൻ ലഭ്യമായ ഇടം: കണ്ണി