1982-ൽ പ്രസിദ്ധീകരിച്ച, തായാട്ട് ശങ്കരൻ എഴുതിയ ഇന്ത്യൻ വിദ്യാഭ്യാസം നൂറ്റാണ്ടുകളിലൂടെ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
ഇന്ത്യൻ വിദ്യാഭ്യാസരംഗത്തെ പുരാതന കാലം മുതൽ ആധുനിക കാലം വരെയുള്ള മാറ്റങ്ങളെ സാമൂഹികവും രാഷ്ട്രീയവുമായ പശ്ചാത്തലത്തിൽ വിശകലനം ചെയ്യുകയാണ് ഈ ഗ്രന്ഥത്തിൽ. പ്രാചീന ഇന്ത്യയിലെ ഗുരുകുല വിദ്യാഭ്യാസം, ബുദ്ധമത കേന്ദ്രങ്ങളിലെ പഠനരീതികൾ, മധ്യകാലഘട്ടത്തിലെ മദ്രസകൾ എന്നിവയെക്കുറിച്ച് അദ്ദേഹം വിശദമാക്കുന്നു. ബ്രിട്ടീഷ് ഭരണകാലത്ത് മെക്കാളെ പ്രഭുവിൻ്റെ മിനിറ്റ്സിലൂടെ ഇന്ത്യയിൽ നടപ്പിലാക്കിയ ഇംഗ്ലീഷ് വിദ്യാഭ്യാസ രീതിയെ തായാട്ട് ശങ്കരൻ വിമർശനാത്മകമായി വിലയിരുത്തുന്നു. ക്ലർക്കുമാരെ സൃഷ്ടിക്കാൻ വേണ്ടിയുള്ള ഒരു സംവിധാനമായി ഇത് മാറിയെന്ന് അദ്ദേഹം ചൂണ്ടിക്കാട്ടുന്നു. വിദ്യാഭ്യാസം എന്നത് കേവലം അറിവ് പകരലല്ല, മറിച്ച് അതൊരു രാഷ്ട്രീയ പ്രവർത്തനമാണെന്ന് അദ്ദേഹം വിശ്വസിച്ചിരുന്നു. ഭരണവർഗ്ഗം തങ്ങളുടെ താല്പര്യങ്ങൾ സംരക്ഷിക്കാൻ വിദ്യാഭ്യാസത്തെ എങ്ങനെയെല്ലാം ഉപയോഗിക്കുന്നു എന്ന് ഈ പുസ്തകം ചർച്ച ചെയ്യുന്നു.സ്വാതന്ത്ര്യ സമരകാലത്ത് ഗാന്ധിജി മുന്നോട്ടുവെച്ച വിദ്യാഭ്യാസ പദ്ധതി പോലുള്ള ബദൽ ചിന്തകൾ ഇന്ത്യൻ വിദ്യാഭ്യാസത്തിന് നൽകിയ സംഭാവനകളെക്കുറിച്ച് അദ്ദേഹം സംസാരിക്കുന്നു. വിദ്യാഭ്യാസം എന്നത് സമൂഹത്തിൻ്റെ പരിവർത്തനത്തിന് വേണ്ടിയുള്ള ആയുധമാകണം” എന്ന ഉറച്ച ബോധ്യം അദ്ദേഹത്തിൻ്റെ ഈ കൃതിയിൽ കാണുവാൻ സാധിക്കുന്നു.
പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.
പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
- പേര്: ഇന്ത്യൻ വിദ്യാഭ്യാസം നൂറ്റാണ്ടുകളിലൂടെ
- രചന: തായാട്ട് ശങ്കരൻ
- പ്രസിദ്ധീകരണ വർഷം:1982
- താളുകളുടെ എണ്ണം: 591
- അച്ചടി: St. Joseph’s Press, Trivandrum
- സ്കാൻ ലഭ്യമായ ഇടം: കണ്ണി