1977 – ൽ പ്രസിദ്ധീകരിച്ച, കരിപ്പാപ്പറമ്പിൽ കുടുംബചരിത്രം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1975 ഫെബ്രുവരിയിൽ കരിപ്പാപ്പറമ്പിൽ കുടുംബാംഗങ്ങൾ ആദ്യമായി ഒരു കുടുംബയോഗം കൂടിയപ്പോൾ ഒരു കുടുംബചരിത്രം എഴുതി പ്രസിദ്ധീകരിക്കാൻ തീരുമാനിക്കുകയുണ്ടായി. കാഞ്ഞിരപ്പള്ളിയുടെ വളർച്ചയിലും പുരോഗതിയിലും നിർണായക പങ്കു വഹിച്ച കുടുംബമാണ് കരിപ്പാപ്പറമ്പിൽ. രാഷ്ട്രീയ-സാമൂഹിക പ്രവർത്തന രംഗങ്ങളിൽ വ്യക്തിമുദ്ര പതിപ്പിച്ച അക്കാമ്മ ചെറിയാൻ, കെ ജെ തോമസ്, റോസമ്മ പുന്നൂസ്, കെ ടി തോമസ് തുടങ്ങി ധാരാളം പേർ ഈ കുടുംബത്തിൽ നിന്നുള്ളവരാണ്. കാഞ്ഞിരപ്പള്ളിയുടെ ചരിത്ര പശ്ചാത്തലം, കരിപ്പാപ്പറമ്പിൽ കുടുംബ വംശാവലി, കുടുംബത്തിൽ നിന്നുള്ള വൈദികരും കന്യാസ്ത്രീകളും, ഇങ്ങനെ കുടുംബത്തിൻ്റെ വളരെ വിശദമായ ചരിത്രമാണ് ഈ പുസ്തകത്തിലുള്ളത്. ചില പത്രവാർത്തകൾ, അനുസ്മരണങ്ങൾ, നൂറിൽ പരം കുടുംബ ഫോട്ടോകൾ എന്നിവയും അനുബന്ധമായി കൊടുത്തിട്ടൂണ്ട്
പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.
പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.
- പേര് : കരിപ്പാപ്പറമ്പിൽ കുടുംബ ചരിത്രം
- താളുകളുടെ എണ്ണം: 256
- അച്ചടി: Oriental Printing Works, Kanjirapally, D.C.Press, Kottayam
- സ്കാൻ ലഭ്യമായ ഇടം: കണ്ണി