1953 – ൽ എറണാകുളം പ്രതിമാസ ഗ്രന്ഥക്ലബ്ബ് പ്രസിദ്ധീകരിച്ച, സി.പി. ദാസ് പരിഭാഷപ്പെടുത്തിയ ബാലനഗരം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
ഈ കൃതിയിൽ കുട്ടികളിലൂടെ ഒരു മികച്ച സമൂഹത്തിന്റെ മാതൃക അവതരിപ്പിക്കുന്നു — വൃദ്ധരുടേയും സമൂഹത്തിലെ അനീതിയുടെയും സ്വാർത്ഥതയുടെയും വിഘാതങ്ങളിൽ നിന്ന് വേറിട്ടൊരു ലോകം. അതുകൊണ്ട് തന്നെ ഇത് ഒരു യൂട്ടോപ്യൻ (utopian) ഗ്രന്ഥമായി കണക്കാക്കപ്പെടുന്നു. ഇത് കുട്ടികളോട് മാത്രം ബന്ധപ്പെട്ട കൃതി അല്ല, മറിച്ച് ഒരു സാമൂഹിക സന്ദേശം കൈമാറുന്ന സാഹിത്യകൃതിയാണ് — വിദ്യാഭ്യാസദർശനം, ജനാധിപത്യബോധം, മനുഷ്യസ്നേഹം എന്നിവയിലൂടെ പുതിയ തലമുറയെ സ്വാധീനിക്കുകയെന്നതാണ് ഇതിന്റെ ലക്ഷ്യം.
കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.
- പേര്: ബാലനഗരം
- പ്രസിദ്ധീകരണ വർഷം: 1953
- അച്ചടി: Little Flower Press, Thevara
- താളുകളുടെ എണ്ണം: 222
- സ്കാൻ ലഭ്യമായ ഇടം: കണ്ണി