1951-ൽ മദിരാശി ഗവണ്മെൻ്റിൻ്റെ ഇൻഫർമേഷൻ ആൻഡ് പബ്ലിസിറ്റി ഡിപ്പാർട്ട്മെൻ്റ് പ്രസിദ്ധീകരിച്ച അഞ്ചു കൊല്ലത്തെ നേട്ടങ്ങൾ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്
സ്വാതന്ത്ര്യാനന്തരം മദ്രാസിൽ അധികാരത്തിൽ വന്ന ജനകീയ ഗവണ്മെൻ്റിൻ്റെ അഞ്ചു കൊല്ലത്തെ ഭരണനേട്ടങ്ങളെ വിലയിരുത്തുകയാണ് ഈ പുസ്തകം. ഐക്യകേരളരൂപീകരണത്തിനു മുൻപ് മലബാർ പ്രദേശം മദ്രാസ് പ്രസിഡൻസിയുടെ ഭാഗമായിരുന്നു. കാർഷിക വികസനത്തിനായി വിവിധ പദ്ധതികൾ നടപ്പിലാക്കുകയും ജലസേചനപദ്ധതികൾ വിപുലപ്പെടുത്തുന്നതിനായി പദ്ധതികൾ ആവിഷ്കരിക്കുകയും ചെയ്തു. കാർഷികജില്ലയായ പാലക്കാട്ടെ ജലസേചനാവശ്യങ്ങൾക്കായി 380 ലക്ഷം ചിലവഴിച്ച് മലമ്പുഴ അണക്കെട്ട് ഉൾപ്പെടുന്ന മലമ്പുഴ പദ്ധതിക്ക് 1949-ൽ തുടക്കം കുറിച്ചു. ഇത് കൂടാതെ ധാരാളം ചെറുകിട പദ്ധതികളും നടപ്പിലാക്കി
മലബാറിൽ പുതിയ വിദ്യാഭ്യാസ സ്ഥാപനങ്ങൾ തുറക്കുകയും തലശ്ശേരി ബ്രണ്ണൻ കോളേജ് ഒന്നാം ഗ്രേഡ് കോളേജായി ഉയർത്തുകയും ചെയ്തു. മിനിക്കോയ് ദ്വീപിൽ ഒരു പ്രാഥമിക വിദ്യാലയം 1947-ൽ ആരംഭിച്ചു. ഇങ്ങനെ വിവിധ വിഭാഗങ്ങളിലായി ഗവണ്മെൻ്റ് നടത്തിയ പരിഷ്കരണങ്ങളുടെ വിശദമായ വിവരങ്ങൾ ഈ പുസ്തകത്തിൽ കാണാം
മദ്രാസ് യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
താഴെ, മാസികയുടെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)
- പേര്: അഞ്ചു കൊല്ലത്തെ നേട്ടങ്ങൾ
- പ്രസിദ്ധീകരണ വർഷം: 1951
- അച്ചടി: Thompson & Co. Ltd, Printers, Madras
- താളുകളുടെ എണ്ണം:132
- സ്കാൻ ലഭ്യമായ ഇടം: കണ്ണി