Release notes

2,924 release notes

1955 ൽ പ്രസിദ്ധീകരിച്ച, സി. ജെ. തോമസ് രചിച്ച അവൻ വീണ്ടും വരുന്നു എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

നാടകചരിത്രത്തിൽത്തന്നെ ആധുനികതയ്ക്ക് തുടക്കം കുറിച്ച ആദ്യ നാടകങ്ങളിലൊന്നായി കണക്കാക്കപ്പെടുന്നു ഈ നാടകം. രണ്ടാം ലോകമഹായുദ്ധവും അത് സമൂഹത്തിലും കുടുംബജീവിതത്തിലും ഉണ്ടാക്കിയ ആഘാതവും, വിശ്വാസം, മതം, ദാരിദ്ര്യം, യുദ്ധാനന്തരം ജീവിക്കുന്ന മനുഷ്യരുടെ മാനസിക സംഘർഷങ്ങൾ, അവസ്ഥകൾ എന്നിവയെല്ലാം  നാടകത്തിലൂടെ തുറന്നു കാട്ടപ്പെടുന്നു. യേശുവിൻ്റെ രണ്ടാം വരവെന്ന ബൈബിൾ പ്രതീകത്തെ മുഖമുദ്രയായി ഉപയോഗിച്ച് എഴുതപ്പെട്ട ഈ കൃതി, രാഷ്ട്രീയവും മതവുമായ അധികാരകേന്ദ്രങ്ങളെയും അവ നയിക്കുന്ന കപടതയും ചോദ്യം ചെയ്യുന്നു.

ഡൊമനിക്ക് നെടും‌പറമ്പിൽ ആണ് ഈ പുസ്തകം ഡിജിറ്റൈസേഷനായി ലഭ്യമാക്കിയത്.

1982 ൽ പ്രസിദ്ധീകരിച്ച, സി.ജെ. തോമസ് രചിച്ച ധിക്കാരിയുടെ കാതൽ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

കേരളത്തിലെ സ്വതന്ത്ര ചിന്തകന്മാരിൽ പരമപ്രധാനിയായ സി.ജെ. തോമസിൻ്റെ കാതലേറിയ ചിന്തകളാണ് ഈ കൃതിയിൽ സമാഹരിച്ചിട്ടുള്ളത്. ക്ഷീണിക്കാത്ത അന്വേഷണതൃഷ്ണയുടെയും വിസ്ഫോടകമായ വിഗ്രഹ ഭഞ്ജനത്തിൻ്റെയും നാടകീയമായ ചിന്തയുടെയും നിറഞ്ഞ ദൃഷ്ടാന്തങ്ങളാണ് ഈ സമാഹാരത്തിലെ ഓരോ ലേഖനവും.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

1967 ൽ പ്രസിദ്ധീകരിച്ച, സി.പി. സുഭദ്ര രചിച്ച ഒരു നല്ല വീട്ടമ്മയാവാൻ നോക്കൂ  എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

കത്തുകളുടെ ശൈലിയിൽ എഴുതിയിരിക്കുന്ന ഒരു ലേഖന സമാഹാരമാണിത്. കേരളത്തിലെ വീട്ടമ്മമാരെ സംബന്ധിക്കുന്ന വിഷയങ്ങളാണ് ഇതിൽ പ്രതിപാദിച്ചിരിക്കുന്നത്.

ഡൊമനിക്ക് നെടും‌പറമ്പിൽ ആണ് ഈ പുസ്തകം ഡിജിറ്റൈസേഷനായി ലഭ്യമാക്കിയത്.

1963 ൽ പ്രസിദ്ധീകരിച്ച, രാജ്യരക്ഷക്കായുള്ള വികസനം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ഇന്ത്യൻ പ്രധാനമന്ത്രിയായിരുന്ന ജവഹർലാൽ നെഹ്രു 1963 ജനുവരി 18നു ന്യൂ ഡൽഹിയിൽ വെച്ച് ദേശീയ വികസന കൗൺസിലിൻ്റെ സ്ഥിരം സമിതിയുടെ യോഗത്തിൽ ചെയ്ത പ്രസംഗമാണ് ഈ ലഘുലേഖയുടെ ഉള്ളടക്കം.

ഡൊമനിക്ക് നെടും‌പറമ്പിൽ ആണ് ഈ പുസ്തകം ഡിജിറ്റൈസേഷനായി ലഭ്യമാക്കിയത്.

Through this post we are releasing the scan of Basic National Education published in  the year 1939 by Hindustani Talimi Sangh, Wardha

Basically, this book is a Report of the Zakir Hussain Committee and the detailed syllabus with a forward by Mahatma Gandhi. The report is an explanation of the new system of education emphasizing manual work, moral training, and self-reliance. It is associated with Mahatma Gandhi’s concept of “Nai Talim” (Basic Education)  an educational philosophy formally introduced in India around 1937–1939.

The book was made available for digitization by Dominic Nedumparambil.

1998 ൽ കേരള സർക്കാർ വിദ്യാഭ്യാസ വകുപ്പ് പ്രസിദ്ധീകരിച്ച മിന്നാമിന്നി - 4 - അധ്യാപകസഹായി എന്ന പാഠപുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

കുഞ്ഞുങ്ങളെ കുറിച്ചും, വിദ്യാഭ്യാസ പ്രവർത്തനങ്ങൾ നിറഞ്ഞ ക്ലാസ്സ് മുറികളെ കുറിച്ചും ഉള്ള നമ്മുടെ സങ്കൽപ്പങ്ങളും, സമീപനങ്ങളുമാണ് ഈ അധ്യാപക സഹായിയുടെ ഉള്ളടക്കം. പോയ വർഷങ്ങളിൽ വിദ്യാഭ്യാസ വിചക്ഷണർ നേടിയ തിരിച്ചറിവുകളുടെ അടിസ്ഥാനത്തിൽ തയ്യാറാക്കപ്പെട്ട ഈ പുസ്തകം കുട്ടികൾക്ക് പഠനം രസകരമാക്കുന്നു. കുട്ടികളുടെ ചുറ്റുപാടുമായി ബന്ധപ്പെട്ടതും അവരിലെ അന്വേഷകരെ ഉണർത്താനും, നിരീക്ഷണത്തിനും, പരീക്ഷണത്തിനും, നിർമ്മാണത്തിനും പ്രാപ്തരാക്കുവാൻ ഉതകുന്നതാണ് ഈ അധ്യാപക സഹായി.

ഡൊമനിക്ക് നെടും‌പറമ്പിൽ ആണ് ഈ പുസ്തകം ഡിജിറ്റൈസേഷനായി ലഭ്യമാക്കിയത്.

Through this post we are releasing the scan of Dharmaram Vidyakshethram - Hand Book published in  the year 1997.

This Hand Book contains the details regarding the  Institute Policies and Procedures of Studies, Facilities, Faculty of Philosophy and Theology, Calendar, and Directory. This also contains the details of staff in Dharmaram Vidyakshethram, Vinaya Sadhana, Jananodaya, Darsana, Samanvaya, and Dharmaram College Management.

This document is digitized as part of the Dharmaram College Library digitization.

1957 – ൽ പ്രസിദ്ധീകരിച്ച, കിഷൻ ചന്ദർ എഴുതിയ ബദാംപഴങ്ങൾ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ഹിന്ദിയിലും ഉർദുവിലും രചനകൾ നടത്തിയിരുന്ന എഴുത്തുകാരനാണ് കിഷൻ ചന്ദർ. രാഷ്ട്രീയ സാഹചര്യങ്ങളെ മുൻനിർത്തി അദ്ദേഹം രചിച്ച ചെറുകഥകൾ ഇന്ത്യയിലെ പല ഭാഷകളിലും വിവർത്തനം ചെയ്യപ്പെട്ടിട്ടുണ്ട്. നാലു ചെറുകഥകൾ ഉൾക്കൊള്ളുന്ന ഈ പുസ്തകം വിവർത്തനം ചെയ്തിരിക്കുന്നത് കെ.എസ്.പി. കർത്താ ആണ്.

കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.

1954 – ൽ പ്രസിദ്ധീകരിച്ച, വെള്ളാട്ടു കരുണാകരൻനായർ എഴുതിയ വീരചരിതകഥകൾ - രണ്ടാം ഭാഗം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ബാലസാഹിത്യ വിഭാഗത്തിൽ ഉൾപ്പെടുന്ന ഈ ഗ്രന്ഥം കേന്ദ്ര ഗവണ്മെൻ്റിൻ്റെ സഹായത്തോടെ പ്രസിദ്ധീകരിക്കപ്പെട്ടതാണ്. നാലു ധീര ദേശാഭിമാനികളുടെ ചരിത്രം കഥാരൂപത്തിൽ ലളിതമായ ഭാഷയിൽ ഈ പുസ്തകത്തിൽ അവതരിപ്പിച്ചിരിക്കുന്നു.

കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.

1938 – ൽ പ്രസിദ്ധീകരിച്ച, എൻ. ജോൺ ശാമുവേൽ വൈദ്യർ എഴുതിയ ഒരു ഉൽബോധനം അഥവാ ചേരമർ മഹാജനസ‌ഭ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ചേരമർ സമുദായത്തിൻ്റെ ഉന്നമനം ലക്ഷ്യമാക്കി രചിച്ച ഗ്രന്ഥമാണ് ഇത്. ചേരമർസമുദായത്തിൽപ്പെട്ട എല്ലാവരെയും സമുദായഭേദം കൂടാതെ ഒന്നിച്ചുചേർത്ത് അവരുടെ പുരോഗതിക്കായി ഒരു ഘടന സൃഷ്ടിക്കണം എന്നതാണ് ഗ്രന്ഥകത്താവിൻ്റെ സങ്കൽപ്പം. അതിലേക്ക് നയിക്കാൻ ഉതകുന്ന പന്ത്രണ്ട് ലേഖനങ്ങളാണ് ഈ കൃതിയിൽ അടങ്ങിയിരിക്കുന്നത്.

കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.

1930 – ൽ പ്രസിദ്ധീകരിച്ച, കോന്നിയൂർ ഗോവിന്ദപ്പിള്ള എഴുതിയ മൌക്തികമാല - ഒന്നാം ഭാഗം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ആനുകാലികങ്ങളിൽ പ്രസിദ്ധീകരിക്കപ്പെട്ട കവിതകളുടെ സമാഹാരമാണ് ഈ കൃതി. വ്യത്യസ്തമായ വിഷയങ്ങൾ ഉൾക്കൊള്ളുന്ന ലളിതമായ കവിതകളാണ് ഈ പുസ്തകത്തിൽ ഉള്ളത്.

കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.

1955 ൽ പ്രസിദ്ധീകരിച്ച, മണ്ണാലത്ത് ശ്രീധരൻ രചിച്ച ആപ്പിൾ പഴങ്ങൾ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ലോക പ്രശസ്തരായ പാശ്ഛാത്യകവികൾ രചിച്ച കവിതകളുടെ മലയാള പരിപാഷയാണ് ഈ കൃതി. വിപ്ലവകരമായ ആശയങ്ങൾ ഉൾക്കൊള്ളുന്ന കവിതകളാണിവ.

ഡൊമനിക്ക് നെടും‌പറമ്പിൽ ആണ് ഈ പുസ്തകം ഡിജിറ്റൈസേഷനായി ലഭ്യമാക്കിയത്.