Release notes

2,924 release notes

1959 – ൽ പ്രസിദ്ധീകരിച്ച, കാവുങ്ങൽ നീലകണ്ഠപ്പിള്ള രചിച്ച ശ്രീമഹാ വിഷ്ണുപുരാണം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

പതിനെട്ടു മഹാപുരാണങ്ങളിൽ വച്ച് മൂന്നാമത്തെ പുരാണമായ വിഷ്ണുപുരാണത്തിൻ്റെ വിവർത്തനമാണ് ഈ കൃതി. പ്രബോധദർപ്പണം എന്ന മാസികയിൽ ഈ വിവർത്തനകൃതി പ്രസിദ്ധീകരിച്ചു കൊണ്ടിരിക്കുമ്പോൾ ആ മാസിക നിലച്ചുപോയി. പിന്നീട് പത്തു വർഷത്തിന് ശേഷമാണ് ഈ കൃതി പുസ്തക രൂപത്തിൽ പ്രസിദ്ധീകരിച്ചത്.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1958 – ൽ പ്രസിദ്ധീകരിച്ച, സ്വാമി ജ്ഞാനാനന്ദസരസ്വതി രചിച്ച ഭാഗവതരഹസ്യം - രണ്ടാം ഭാഗം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

സ്വാമി ജ്ഞാനാനന്ദസരസ്വതി തയ്യാറാക്കിയ ഭാഗവത വ്യാഖ്യാനത്തിൻ്റെ രണ്ടാം ഭാഗമാണ് ഈ കൃതി. രണ്ടാം ഭാഗത്തിൽ ദശമസ്കന്ധമാണ് വിവരിച്ചിരിക്കുന്നത്. നിരോധമാണ് ദശമസ്കന്ധത്തിലെ വിഷയം. നിരോധമെന്നു പറഞ്ഞാൽ തടസം എന്നാണ് അർത്ഥം. ജീവന് ഈശ്വരനെക്കാണാൻ തടസമായി നിൽക്കുന്ന ഘടകം എന്താണെന്നും  അതിനെ എങ്ങനെ അകറ്റാമെന്നതുമാണ് ദശമസ്കന്ധത്തിലെ പ്രതിപാദ്യവിഷയം.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1953 – ൽ പ്രസിദ്ധീകരിച്ച, എൻ. കുമാരൻ ആശാൻ രചിച്ച സൗന്ദര്യലഹരി എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ശങ്കരാചാര്യർ രചിച്ച സൗന്ദര്യലഹരി എന്ന കൃതിയ്ക്ക് എൻ. കുമാരനാശാൻ തയ്യാറാക്കിയ വിവർത്തനമാണ് ഇത്. മാന്ത്രിക താന്ത്രിക വിഷയങ്ങളെ കുറിച്ചുള്ള സ്തോത്രങ്ങളാണ് ഈ ഗ്രന്ഥത്തിൽ അടങ്ങിയിരിക്കുന്നത്. മൂലകൃതിയിലെ സങ്കീർണ്ണമായ പദ്യങ്ങൾ വിവർത്തനത്തിലൂടെ ലളിതമാക്കിയിട്ടുണ്ട്.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1971 ൽ  പുറത്തിറക്കിയ Kalabhavan Souvenir സ്മരണികയുടെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

കേരളത്തിലെ പ്രമുഖ കലാസംഘടനയായ കലാഭവൻ 1969-ൽ കൊച്ചിയിൽ സ്ഥാപിതമായി. കലാപ്രതിഭകൾക്ക് പരിശീലനവും വേദിയും നൽകുക എന്ന ലക്ഷ്യത്തോടെ Abel Edathuruthy (ഫാ. ആബേൽ) ആണ് കലാഭവൻ സ്ഥാപിച്ചത്. കലാഭവൻ്റെ സ്റ്റേജ് പ്രോഗ്രാമുകൾക്കും സംഗീതപരിപാടികൾക്കും 1960–70 കാലഘട്ടത്തിൽ കേരളത്തിൽ വലിയ സ്വീകാര്യത ലഭിച്ചു. സംഗീതം, നാടകം, നൃത്തം എന്നിവയിൽ നിരവധി കലാകാരന്മാരെ വളർത്തി. പിന്നീട് “കലാഭവൻ” എന്ന പേര് തന്നെ നിരവധി കലാകാരന്മാരുടെ പേരിനൊപ്പം ചേർന്ന് പ്രശസ്തമായി.

എഡിറ്റോറിയൽ, സെക്രട്ടറിയുടെ റിപ്പോർട്ട്, ബോർഡ് അംഗങ്ങളുടേ വിവരങ്ങൾ, കല, സാഹിത്യം, സംഗീതം എന്നിവ സംബന്ധിച്ച പ്രമുഖരുടേ ലേഖനങ്ങൾ, കലാഭവൻ നടത്തിയ പരിപാടികളുടെ ചിത്രങ്ങൾ, പരസ്യങ്ങൾ എന്നിവയാണ് സ്മരണികയുടെ ഉള്ളടക്കം.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1935 – ൽ പ്രസിദ്ധീകരിച്ച, മയ്യനാട്ട് ഏ ജോൺരചിച്ച ക്രിസ്തുവിൻ്റെ ചരമകാലം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ഇത് ക്രിസ്തുവിന്റെ പീഡാനുഭവവും, ക്രൂശിതത്വവും, മരണവും സംബന്ധിച്ച ആത്മീയ-ചരിത്രപരമായ വിവരണങ്ങൾ ഉൾക്കൊള്ളുന്ന ഒരു ക്രൈസ്തവ ഭക്തിഗ്രന്ഥമായി പരിഗണിക്കപ്പെടുന്നു. കേരളത്തിലെ ക്രൈസ്തവ സാഹിത്യപരമ്പരയിൽ ഈ കൃതി ശ്രദ്ധേയ സ്ഥാനമാണ് നേടിയിട്ടുള്ളത്. ബൈബിളിലെ സുവിശേഷങ്ങളെ ആസ്പദമാക്കി ക്രിസ്തുവിന്റെ അവസാന ദിവസങ്ങളിലെ സംഭവങ്ങളെ മലയാളത്തിൽ വിശദീകരിക്കുന്നതാണ് ഈ ഗ്രന്ഥം.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1930 – ൽ പ്രസിദ്ധീകരിച്ച, ഏ.പി. പരമേശ്വരൻ പിള്ള രചിച്ച ശ്യാമള എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

കേരളീയ സാമൂഹിക സാഹചര്യങ്ങളെ 'ശ്യാമള' എന്ന പെൺകുട്ടിയുടെ ജീവിതാനുഭവങ്ങളിലൂടെ ഈ നാടകം ആവിഷ്കരിക്കുന്നു. സങ്കീർണ്ണമായ കുടുംബബന്ധങ്ങൾ, അക്കാലത്ത് സ്ത്രീകൾ നേരിട്ടിരുന്ന സാമൂഹിക വെല്ലുവിളികൾ, ഉയർത്തിപ്പിടിക്കേണ്ട ധാർമ്മിക മൂല്യങ്ങൾ എന്നിവയെ മുൻനിർത്തിയാണ് ഈ നാടകത്തിൻ്റെ ഇതിവൃത്തം തയ്യാറാക്കിയിരിക്കുന്നത്.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1930 – ൽ പ്രസിദ്ധീകരിച്ച, കുഞ്ചൻ നമ്പ്യാർ രചിച്ച  പാത്രചരിതം - ഓട്ടൻ തുള്ളൽ  എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

പാത്രചരിതം മഹാഭാരതത്തിലെ പാണ്ഡവരുടെ വനവാസകാലത്തെ ഒരു പ്രധാന സംഭവത്തെ ആസ്പദമാക്കി രചിക്കപ്പെട്ട തുള്ളൽ കൃതിയാണ്.   ദുർവാസാവ് മഹർഷിയും അദ്ദേഹത്തിൻ്റെ ശിഷ്യന്മാരും പാണ്ഡവരുടെ ആതിഥ്യം സ്വീകരിക്കാൻ എത്തുന്നതും, ആ സമയത്ത് പാണ്ഡവരുടെ കൈവശം ഭക്ഷണത്തിന് മാർഗ്ഗമില്ലാതിരുന്നതും ഇതിവൃത്തത്തിൻ്റെ കേന്ദ്രബിന്ദുവാകുന്നു.  കെ. ചിദംബരവാധ്യാർ ഈ പുസ്തകം തയ്യാറാക്കാൻ ഒരു താളിയോല ഗ്രന്ഥവും വടക്കൻ മലബാറിൽ നിന്നുള്ള ഒരു പഴയ അച്ചടി പുസ്തകവുമാണ് ഉപയോഗിച്ചത്.  മറ്റ് തുള്ളൽ കൃതികളെപ്പോലെ തന്നെ സാമൂഹിക വിമർശനവും നർമ്മവും ഇതിലും മനോഹരമായി ഉൾപ്പെടുത്തിയിട്ടുണ്ട്.  വായനക്കാർക്ക് പ്രയാസമുള്ള പദങ്ങൾക്കു (വിഷമപദങ്ങൾ) അർത്ഥവും, വ്യാകരണപരമായ പ്രത്യേകതകളും അദ്ദേഹം ഇതിൽ ഉപയോഗിച്ചിരിക്കുന്നത്.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1929 -ൽ  പ്രസിദ്ധീകരിച്ച, റ്റി.പി. ചെറിയാൻ രചിച്ച പിതൃപാലകൻ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

വായനക്കാർക്ക് പിതൃഭക്തി ഉണ്ടാകണമെന്നുള്ള ഉദ്ദേശത്തോടുകൂടി രചിച്ചിട്ടുള്ള ഒരു സ്വതന്ത്രകൃതിയാണ് പിതൃപാലകൻ എന്ന ഈ ചെറുപുസ്തകം. പിതാക്കളുടെ സ്ഥാനത്തെക്കുറിച്ചുള്ള ദാർശനിക ചിന്തകളും സാമൂഹിക വിമർശനവുമാണ് ഇതിൻ്റെ ഉള്ളടക്കത്തിലുള്ളത്. ഈ രചനയിൽ പിതാക്കളെ മക്കൾ അവഗണിക്കുന്നതിനെതിരെ ശക്തമായ മുന്നറിയിപ്പ് നൽകുന്നു. ഒരു കഥയിലൂടെ, മക്കൾ പിതാവിനെ ഷെഡ്ഡിലേക്ക് മാറ്റി തങ്ങളുടെ സൗകര്യത്തിന് ഉപയോഗിക്കുന്നത് ഇതിൽ ചിത്രീകരിക്കുന്നു. കേരളത്തിലെ നവോത്ഥാന പ്രസ്ഥാനങ്ങളിൽ സജീവമായിരുന്ന, സാമൂഹിക പരിഷ്കർത്താവും എഴുത്തുകാരനുമായിരുന്ന  റ്റി.പി. ചെറിയാൻ്റെ പ്രസിദ്ധമായ മലയാള ലേഖനമാണിത്.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1950 – ൽ പ്രസിദ്ധീകരിച്ച, ടി.കെ. ജോസഫ്  രചിച്ച പ്രാചീന ഇൻഡ്യയിലെ ക്രിസ്തുമതപ്രചാരം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ഭാരതത്തിലെ ക്രൈസ്തവ വേരുകളെക്കുറിച്ച് വസ്തുനിഷ്ഠവും വിമർശനാത്മകവുമായ പഠനം നടത്തുന്ന ഒരു പ്രധാന ചരിത്രരേഖയാണ്. പരമ്പരാഗതമായ വിശ്വാസങ്ങളോ, റമ്പാൻ പാട്ടു പോലെയുള്ള വാമൊഴി ചരിത്രങ്ങളോ മാത്രം ആശ്രയിക്കുന്നതിന് പകരം, പുരാവസ്തു തെളിവുകളുടെയും സമകാലിക രേഖകളുടെയും അടിസ്ഥാനത്തിൽ ചരിത്രത്തെ സമീപിക്കണമെന്ന് ശ്രീ.ടി.കെ. ജോസഫ് പറയുന്നു. ഒന്നാം നൂറ്റാണ്ടിൽ സെൻ്റ് തോമസ് അപ്പൊസ്തലൻ നേരിട്ട് കേരളത്തിൽ എത്തിയെന്ന വിശ്വാസത്തെ ചോദ്യം ചെയ്യുന്നു. ക്രൈസ്തവ വ്യാപനം പിൽക്കാലത്തെ കുടിയേറ്റങ്ങളുമായോ ഉത്തരേന്ത്യൻ ദൗത്യങ്ങളുമായോ ബന്ധപ്പെട്ടതാവാം എന്ന നിരീക്ഷണമാണ് മുന്നോട്ടുവെക്കുന്നത്. പുരാതന ഇന്ത്യയിലെ സാംസ്കാരിക രാഷ്ട്രീയ പശ്ചാത്തലത്തിൽ ക്രൈസ്തവ വിശ്വാസം എങ്ങനെ രൂപപ്പെട്ടുവെന്ന് പഠിക്കാൻ ഏവർക്കും ആശ്രയിക്കാവുന്ന ഒരു പ്രാമാണിക ഗ്രന്ഥമാണിത്.കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1948 – ൽ പ്രസിദ്ധീകരിച്ച, കെ.പി. രാമചന്ദ്രൻപിള്ള രചിച്ച ഗ്രാമീണഗായകൻ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

കെ.പി. രാമചന്ദ്രൻപിള്ള രചിച്ച കവിതാ സമാഹാരമാണ് ഗ്രാമീണഗായകൻ. ഗ്രാമീണ ജീവിതചിത്രങ്ങൾ അവതരിപ്പിക്കുന്ന പത്തൊൻപത് കവിതകളാണ് ഇതിൽ ഉള്ളത്.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1932 – ൽ പ്രസിദ്ധീകരിച്ച, ഏ.എം. കൃഷ്ണശർമ്മ രചിച്ച ക്രിയാസംഗ്രഹം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ആചാര അനുഷ്ഠാനങ്ങൾക്ക് അനുസരിച്ചുള്ള കർമ്മങ്ങളെക്കുറിച്ചുള്ള ധാരണ നല്കുന്ന ഗ്രന്ഥമാണിത്. ഓരോ കർമ്മങ്ങളുടെ പ്രാധാന്യവും അതിൻ്റെ വിശദാംശങ്ങളും ഈ പുസ്തകത്തിൽ വിവരിച്ചിരിക്കുന്നു.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1942-ൽ  പ്രസിദ്ധീകരിച്ച, അലോഷ്യസ് മരിയ ബെൻസിഗർ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

സ്വിറ്റ്സർലൻ്റിലെ ധനാഢ്യനും ഉത്തമകത്തോലിക്കനുമായിരുന്ന ജോൺ അഡൽറിക് ബെൻസിഗറിൻ്റെ മകനായി ജനിച്ച അലോഷ്യസ് മരിയ ബെൻസിഗറിൻ്റെ ജീവചരിത്രം പ്രതിപാദിക്കുന്നചെറുഗ്രന്ഥമാണ് ഇത്.അദ്ദേഹത്തിനു സുലഭമായിരുന്ന എല്ലാ ലൗകീക സുഖങ്ങളും സമൃദ്ധിയും ത്യജിച്ച് ഒരു സന്യാസിയായി മാറിയ അദ്ദേഹത്തിൻ്റെ ജീവിതം വർണ്ണനാതീതമായിരുന്നു.1900-കളിൽ നമ്മുടെ കൊച്ചു കേരളത്തിലും അദ്ദേഹം സേവനം അനുഷ്ടിച്ചതായി ഈ പുസ്തകത്തിൽ പറയപ്പെടുന്നു.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.