Release notes

2,924 release notes

1939– ൽ പ്രസിദ്ധീകരിച്ച, അബ്രഹാം കൈപ്പൻപ്ലാക്കൽ എഴുതിയ ഭാരത മിഷ്യൻ  എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

അന്ധകാരത്തിലും മരണത്തിൻ്റെ ഛായയിലും ജീവിക്കുന്ന ജനങ്ങൾക്ക് സുവിശേഷപ്രകാശവും ക്രിസ്തീയ സംസ്ക്കാരത്തിൻ്റെ പരിണിത ഫലങ്ങളും പഠിപ്പിച്ചു കൊടുക്കുന്നതിൽ  വിഷമങ്ങളേയും പ്രതിസന്ധികളേയും അവഗണിച്ചുകൊണ്ടുള്ള തീക്ഷ്ണതയും ഔൽസുക്യവും തിരുസ്സഭാ ചരിത്രം പഠിച്ചിട്ടുള്ള  ഒരുവനും അഞ്ജാതമല്ല.

തിരുസ്സഭയുടെ അസ്തിത്വം തന്നെ ക്രിസ്തുവിൻ്റെ രാജ്യം ലോകമെങ്ങും പ്രചരിപ്പിക്കുന്നതിനും അവിടുത്തെ  പരിത്രാണത്തിൽ എല്ലാ ജനങ്ങളേയും  ഭാഗഭാക്കുകൾ ആക്കുവാനുമത്രെ.മിശിഹായുടെ പ്രതിനിധി കർത്താവിൻ്റെ ആട്ടിൻപറ്റത്തിനു  പുറമെയുള്ളവരെ അതിലേക്കു നയിക്കുന്നതിനു് ഉത്തരവാദിത്വമുള്ളവനാണ്.അതിനായി അവർ ഏറ്റെടുത്തിരിക്കുന്ന അവരുടെ പ്രയത്നങ്ങളും പ്രവർത്തനങ്ങളും വളരെ ലളിതമായി ഈ പുസ്തകത്തിൽ പ്രതിപാദിച്ചിരിക്കുന്നു.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1900– ൽ പ്രസിദ്ധീകരിച്ച, ഗീവർഗ്ഗീസ് അച്ചൻ എഴുതിയ വൈദിക ദർപ്പണം അഥവാ തിരുനാൾ വിവരണം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

വൈദിക ദർപ്പണം മലങ്കര സുറിയാനി ക്രൈസ്തവ സഭയിലെ ദിവ്യ ശുശ്രൂഷകളും സാക്രാമെന്റുകളും ക്രമശുദ്ധിയായി വിശദീകരിക്കുന്ന ഒരു വൈദിക മാർഗ്ഗദർശികയാണ്.
ഈ ഗ്രന്ഥത്തിന്റെ പ്രധാന ലക്ഷ്യം കുർബാന, സ്നാനം, വിവാഹം, കുമ്പസാരം, അഭിഷേകം, ശവശുശ്രൂഷ തുടങ്ങിയ ദേവാലയ ചടങ്ങുകളുടെ തത്വം, പ്രതീകം, നിർവ്വഹണരീതി എന്നിവ വ്യക്തവും ലളിതവുമാക്കുന്ന കൃതിയാണ്. ഈ ഗ്രന്ഥം പുരോഹിതർക്ക് മാത്രമല്ല, സാധാരണ വിശ്വാസികൾക്കും സഭയുടെ ആചാരങ്ങളുടെ അർത്ഥം മനസ്സിലാക്കാൻ സഹായിക്കുന്ന ലളിതമായ ഒരു വൈദിക കർമ്മനിർദ്ദേശ കൃതിയാണ്.  അതിനാൽ വൈദിക ദർപ്പണം പത്തൊൻപതാം ശതകത്തിന്റെ അവസാനം മലങ്കര സഭാ ലിറ്റർജി പഠനത്തെ സുസ്ഥിരവും ശാസ്ത്രീയവുമായ ഗ്രന്ഥരൂപത്തിൽ അവതരിപ്പിച്ച ഒരു ആദ്യകാല കൃതി എന്ന പ്രത്യേകത കൂടി ഈ പുസ്തകത്തിനുണ്ട്.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1955-ൽ പ്രസിദ്ധീകരിച്ച, രജതചഷകം - ഒന്നാം ഭാഗം എന്ന നോവലിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

കനേഡിയൻ എഴുത്തുകാരനായ Thomas B. Costain എഴുതിയ The Silver Chalice എന്ന നോവലിൻ്റെ മലയാള വിവർത്തനമാണ് രജതചഷകം. നോവലിൻ്റെ ഒന്നാം ഭാഗമാണ് ഇപ്പോൾ ഡിജിറ്റൈസ് ചെയ്യുന്നത്. പുത്തൻകാവു കെ.എം. തരകൻ ആണ് മലയാളത്തിലേക്ക് വിവർത്തനം ചെയ്തിരിക്കുന്നത്. എറണാകുളത്തു നിന്നും പ്രസിദ്ധീകരിച്ചിരുന്ന പ്രതിമാസഗ്രന്ഥക്ലബിൻ്റെ സീരീസിൽ ഉൾപ്പെടുത്തിയാണ് ഈ നോവൽ പുറത്തിറക്കിയിരിക്കുന്നത്

രജതചഷകം ഒരു ചരിത്ര നോവലാണ്. 1-ാം നൂറ്റാണ്ടിലെ ക്രിസ്തീയകാലത്തെ സാമൂഹ്യ–ആത്മീയ സംഭവങ്ങളുടെയും വിശ്വാസവും കലയും മനുഷ്യബന്ധങ്ങൾ തമ്മിലുള്ള നിഗൂഡമായ അവസ്ഥാപരിണാമങ്ങളെയും ഉൾക്കാഴ്ചയോടെ നോക്കി കാണുന്നു. മൂലകഥ അമേരിക്കൻ മുൻനിര ബെസ്റ്റ് സെല്ലർ പട്ടികയിൽ ഇടം നേടി. ഈ നോവലിനെ അടിസ്ഥാനമാക്കി ഒരു സിനിമയും ഇറങ്ങിയിരുന്നു.

മദ്രാസ് യൂണിവേഴ്സിറ്റി മലയാളവിഭാഗത്തിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

Through this post, we are releasing the digital scan of Indian Central Arecanut Committee Annual Report , Published in the year 1951.

This is the second Annual Report of the Indian Central Arecanut Committee covering the period from 1st April 1950 to the 31 March 1951. This Commitee was constituted by the government of India in the ministry of Agriculture.

The Annual Report of the Indian Central Arecanut Committee ( ICAC ) details reserch on Arecanut cultivation, focusing on improving yields and quality through studies on pollen viability and introducing exotic varieties for comparative studies all aimed at boosting India's arecanut Industry under the ICAR.

These documents are digitized as part of the Madras University Library digitization project.

2006 – ൽ പ്രസിദ്ധീകരിച്ച, അലോഷ്യസ്ഡി.ഫെർണാൻ്റസ് എഴുതിയ മരണത്തിലൂടെ ജീവൻ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ക്രൈസ്തവ ആത്മീയത, മരണം, ജീവൻ, ദർശനം, പുനരുത്ഥാനവിശ്വാസത്തിന്റെ അർത്ഥവത്കരണം എന്നിവ ചർച്ച ചെയ്യുന്ന ഒരു ധാർമ്മിക ധ്യാനഗ്രന്ഥമാണ് ഈ കൃതി. ചരിത്രത്തിൽ കാണുന്ന ക്രിസ്തുവും, നമ്മുടെ മുൻപിലുള്ള ക്രിസ്തീയ സഭയും എന്ന വിഷയവുമായി ബന്ധപ്പെട്ട പ്രശ്നങ്ങളുടേ വേരുകൾ തേടുകയാണ് ഗ്രന്ഥകർത്താവ് ഈ കൃതിയിലൂടെ. ദരിദ്രരും അടിച്ചമർത്തപ്പെട്ടവരുമായി താദാത്മ്യപ്പെട്ടുകൊണ്ടാണ് യേശു നവലോക സൃഷ്ടിയായ ദൈവരാജ്യത്തിനായി പ്രവർത്തിച്ചത്. ഇന്നത്തെ അവസ്ഥയെ സമൂലം പരിവർത്തിപ്പിക്കുന്ന ഇടതുപക്ഷത്താണ് യേശു നിലയുറപ്പിച്ചത്. യേശുവിൻ്റെ സഭ അവിടെ തന്നെയാണ് വേരൂന്നേണ്ടത് എന്ന ചിന്തയാണ് പുസ്തകത്തിൻ്റെ കാതൽ.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

2024-ൽ കേരള ഗവണ്മെൻ്റ് പ്രസ്സസ് എംപ്ലോയീസ് യൂണിയൻ പ്രസിദ്ധീകരിച്ച, സർക്കാർ പ്രസ്സുകളുടെ സമഗ്ര വികസന റിപ്പോർട്ടിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത് 2024 - സർക്കാർ പ്രസ്സുകളുടെ സമഗ്ര വികസന റിപ്പോർട്ട്

1838-ൽ തിരുവിതാംകൂർ രാജാവായിരുന്ന സ്വാതി തിരുനാൾ തിരുവനന്തപുരത്തെ ഗവണ്മെൻ്റ് പ്രസ് സ്ഥാപിക്കുകയും ആദ്യത്തെ പഞ്ചാംഗം അച്ചടിക്കുകയും ചെയ്തു. ആദ്യ കാലങ്ങളിൽ പഞ്ചാംഗം അച്ചടിക്കുക എന്ന പരിമിതമായ ലക്ഷ്യം മാത്രമാണ് ഉണ്ടായിരുന്നതെങ്കിലും കാലക്രമേണ സർക്കാരിൻ്റെ എല്ലാവിധ അച്ചടിജോലികളും ഇവിടെ നിർവഹിച്ചു പോന്നു. 1957-ൽ കേരളത്തിൽ ആദ്യ മന്ത്രിസഭ രൂപം കൊള്ളുമ്പോൾ തിരുവനന്തപുരത്ത് ഗവ. സെൻട്രൽ പ്രസ്, പൂജപ്പുരയിൽ ജയിൽ പ്രസ്, എറണാകുളത്ത് ഗവ. പ്രസ് എന്നിങ്ങനെ മൂന്ന് പ്രസുകളാണുണ്ടായിരുന്നത്. നിലവിൽ പതിനൊന്ന് ഗവ. പ്രസുകൾ അച്ചടിവകുപ്പിൻ കീഴിൽ പ്രവർത്തിച്ചു വരുന്നു

കേരള ഗവണ്മെൻ്റ് പ്രസ്സസ് യൂണിയൻ്റെ ഈ പ്രവർത്തന റിപ്പോർട്ടിൽ ആധുനിക അച്ചടി പദ്ധതികൾ, അച്ചടി വകുപ്പിൻ്റെ ഘടന, ചരിത്രം, സേവനങ്ങൾ, ഇ-ഗവേണൻസ് പദ്ധതികൾ, ത്രീ-ഡി പ്രിൻ്റിംഗ്, അച്ചടി വകുപ്പിലെ തസ്തികകൾ, യൂണിയൻ്റെ ആവശ്യങ്ങൾ ഉൾക്കൊള്ളിച്ചു കൊണ്ടുള്ള അവകാശപത്രിക എന്നിവ വിശദമായി നൽകിയിരിക്കുന്നു. കൂടാതെ പ്രസുകളുടെയും അവയുടെ പ്രവർത്തനരീതികളുടെയും ചില ചിത്രങ്ങളും ഇതിൽ ഉൾക്കൊള്ളിച്ചിരിക്കുന്നു

ഗ്രന്ഥപ്പുരയുടെ സുഹൃത്തായ കെ.എ. അനൂബ് ആണ് ഈ പുസ്തകം ഡിജിറ്റൈസേഷനു വേണ്ടി ലഭ്യമാക്കിയത്

1925 – ൽ പ്രസിദ്ധീകരിച്ച, ആറ്റൂർ കൃഷ്ണപിഷാരടി എഴുതിയ ഭാഷാദർപ്പണം - ഒന്നാം ഭാഗം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ആദ്യകാല കാവ്യ വിമർശന ഗ്രന്ഥമായ ഭാഷാദർപ്പണത്തിൻ്റെ ഒന്നാം ഭാഗമാണ് ഇത്. പ്രധാന കാവ്യങ്ങളിലെ വൃത്താലങ്കാരങ്ങളുടെയും ഭാഷാ പ്രയോഗത്തിൻ്റെയും സമഗ്രമായ വിശകലനം ഈ കൃതിയിൽ ഉൾപ്പെടുത്തിയിരിക്കുന്നു.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

Through this post we are releasing the scan of Ernakulam Maharaja’s College Magazine - September – Vol. XXIV – Issue – 01 published in the year 1941.

Maharaja’s College evolved into a renowned college by 1875 and has been recognized for its academic excellence and cultural contributions ever since. These magazine issues showcase the college’s rich academic and cultural life, featuring articles, essays, and reports on student achievements, faculty contributions, cultural events, and intellectual discussions of the time. The magazine serves as a historical document, reflecting the institution’s commitment to fostering scholarly and cultural pursuits and charting the progress of its academic community in the early 20th century.

This magazine contains the Editorial, articles written by students on various subjects, Reports on Hostels and Associations, College Notes, Staff Committees and University Results

These documents are digitized as part of the Madras University Library digitization project.

Through this post, we are releasing the digital scan of The Travancore Directory for 1941- Part I published in the year 1940.

The Travancore Directory for 1941 (Part 1), published in 1940 by the Government Press in Trivandrum, is an official almanac providing detailed administrative, governmental, and infrastructural information of the princely state of Travancore. It covers key areas such as palace officers, government bodies, public services, and institutions under Maharaja Sri Padmanabha Dasa Bala Rama Varma Kulasekhara. The directory is organized into sections detailing officials of the palace and residency, government departments, cultural and medical institutions, and public amenities like rest houses and trade data. It also includes calendars with festivals, weather data, and listings of banks, railways, and businesses.

These documents are digitized as part of the Madras University Library digitization project.

Through this post, we are releasing the digital scan of Proceedings of the Government of His Highness The Majaraja of Cochin, Published in the year 1938.

The Budget Estimate of the Law Department for the Malayalam Era 1114 was examined in detail with reference to the sanctioned provisions of the previous year and the actual expenditure incurred under each head. The main contents are Abstract of Receipts and Expenditure, Financial Statement, Statement of Assets and Liabilities, Schedule of voted and non voted grants, Receipts, disbursments, Commercial Department - Store ware Factory and Apendix

These documents are digitized as part of the Madras University Library digitization project.

1916– ൽ പ്രസിദ്ധീകരിച്ച, കെ.പി. കുട്ടിശ്ശങ്കര പണിക്കർ എഴുതിയ കല്യാണിക്കുട്ടി എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

കല്യാണിക്കുട്ടി ഒരു ശക്തമായ സാമൂഹിക വിമർശന നാടകം ആണ്. അന്നത്തെ കേരളത്തിലെ സ്ത്രീകളുടെ അവസ്ഥ, ബാലവിവാഹം, സാമൂഹിക അനീതികൾ, അന്ധവിശ്വാസങ്ങൾ എല്ലാം പ്രത്യക്ഷമാക്കിക്കൊണ്ടാണ് നാടകത്തിൻ്റെ കഥ മുന്നോട്ട് പോകുന്നത്.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1920 – ൽ പ്രസിദ്ധീകരിച്ച, കുണ്ടൂർ നാരായണമേനോൻ എഴുതിയ ഭാഷാരഘുവംശം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

സംസ്കൃതകവി കാളിദാസൻ രചിച്ച രഘുവംശം മഹാകാവ്യത്തിന് മലയാളത്തിൽ രചിക്കപ്പെട്ട വിവർത്തനമാണ് ഭാഷാരഘുവംശം. കാവ്യഭംഗി കൊണ്ടും വൃത്താലങ്കാര പ്രാസപ്രയോഗങ്ങൾ കൊണ്ടും ഒരു സ്വതന്ത്രകാവ്യത്തിന് തുല്യമായി ഈ കൃതി നിലനിൽക്കുന്നു.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.