Release notes

2,924 release notes

1954ൽ പ്രസിദ്ധീകരിച്ച ഏ. ബാലകൃഷ്ണപിള്ള എഴുതിയ സാഹിത്യ ഗവേഷണ മാല (ഒന്നാം ഭാഗം ) എന്ന കൃതിയുടെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

'സാഹിത്യ ഗവേഷണ മാല' (ഒന്നാം ഭാഗം) മലയാള നിരൂപണ സാഹിത്യത്തിലെ ഒരു നാഴികക്കല്ലാണ്. സാഹിത്യത്തെ കേവലമായ ആസ്വാദനത്തിനപ്പുറം ചരിത്രം, നരവംശശാസ്ത്രം, ലോകസാഹിത്യ പ്രസ്ഥാനങ്ങൾ എന്നിവയുമായി ബന്ധിപ്പിച്ചു കൊണ്ടുള്ള ഒരു ശാസ്ത്രീയ പഠനരീതിയാണ് അദ്ദേഹം ഇതിൽ അവതരിപ്പിച്ചത്. മലയാള സാഹിത്യത്തിന് ആധുനികവും ആഗോളവുമായ കാഴ്ചപ്പാട് നൽകുന്നതിലും, ചരിത്രപരമായ വസ്തുതകളെ യുക്തിസഹമായി വിശകലനം ചെയ്യുന്നതിലും ഈ ഗ്രന്ഥം നിർണ്ണായക പങ്ക് വഹിച്ചു.

ഡൊമനിക്ക് നെടും‌പറമ്പിൽ ആണ് ഈ പുസ്തകം ഡിജിറ്റൈസേഷനായി ലഭ്യമാക്കിയത്.

1957 – ൽ പ്രസിദ്ധീകരിച്ച, കെ.റ്റി. ചാക്കുണ്ണി എഴുതിയ രണ്ടായിരത്തൊന്നു പഴഞ്ചൊല്ലുകൾ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

പലപ്പോഴായി ശേഖരിക്കപ്പെട്ട രണ്ടായിരത്തൊന്നു പഴഞ്ചൊല്ലുകളുടെ സമാഹാരമാണ് ഈ ഗ്രന്ഥം. ഗ്രന്ഥകാരൻ ശേഖരിച്ച പഴഞ്ചൊല്ലുകൾ പൂർണ്ണമായും ഇതിൽ ഉൾപ്പെടുത്തിയിട്ടില്ല. അപ്രധാനവും സഭ്യേതരം ആയവയും ഇതിൽ നിന്നും ഒഴിവാക്കിയിട്ടുണ്ട്.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1934-ൽ പ്രസിദ്ധീകരിച്ച, മഴമംഗലം നാരായണൻ നമ്പൂതിരി എഴുതിയ ഭാഷാനൈഷധം ചമ്പു എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ഭാഷാനൈഷധം മലയാളത്തിലെ പ്രശസ്തമായ ഒരു ചമ്പു കാവ്യമാണ്. പതിനേഴാം ശതകം ആണിതിന്റെ രചനാകാലം എന്ന് കരുതപ്പെടുന്നു. ശ്രീഹർഷൻ എഴുതിയ, സംസ്കൃതത്തിലെ പ്രശസ്തകാവ്യമായ നൈഷധചരിതത്തെ ആസ്പദമാക്കി രചിക്കപ്പെട്ട ഈ കൃതി ദമയന്തിയുടെയും നളൻ്റെയും കഥയെ ആധാരമാക്കുന്നു. ചമ്പു ശൈലി പ്രകാരം ഗദ്യവും പദ്യവും സമന്വയിപ്പിച്ചാണ് ഇത് രചിച്ചിരിക്കുന്നത്. മധ്യകാല ചമ്പുക്കളിൽ രാമായണം ചമ്പു കഴിഞ്ഞാൽ പ്രാധാന്യം അർഹിക്കുന്ന കൃതി നൈഷധം ചമ്പുവാണ്‌.

സംസ്കൃതബദ്ധമായിരുന്ന സാഹിത്യരീതികളിൽ നിന്ന് വ്യത്യസ്തമായി മണിപ്രവാള സാഹിത്യം മലയാളത്തിന് പുതിയൊരു ദിശ നൽകി. ഭാഷയുടെയും സാഹിത്യത്തിന്റെയും വളർച്ചയെ ഈ രചനാരീതികൾ ഏറെ സഹായിച്ചു. ഗദ്യഭാഗങ്ങൾക്ക് മധ്യകാല മലയാള രീതിയും പദ്യഭാഗങ്ങൾക്ക് സംസ്കൃത വൃത്തങ്ങളും ഉപയോഗിക്കുന്നു. പുസ്തകത്തിന് ആമുഖം എഴുതിയിരിക്കുന്നത് മഹാകവി ഉള്ളൂർ ആണ്. എഡിറ്റ് ചെയ്തിരിക്കുന്നത് പട്ടത്തിൽ പത്മനാഭ മേനോൻ ആണ്. അദ്ദേഹത്തിൻ്റെ തന്നെ നീണ്ട അവതാരികയും പുസ്തകത്തിൻ്റെ തുടക്കത്തിൽ കൊടുത്തിട്ടുണ്ട്.

നാഷണൽ ബുക്ക് സ്റ്റാൾ, കോട്ടയം ആണ് പുസ്തകത്തിൻ്റെ വിതരണക്കാർ

മദ്രാസ് യൂണിവേഴ്സിറ്റി മലയാളവിഭാഗത്തിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1927-ൽ വെള്ളാക്കൽ നാരായണമേനോൻ പ്രസിദ്ധീകരിച്ച, കഥയുള്ള കഥകൾ - മൂന്നാം ഭാഗം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ഒൻപത് ചെറുകഥകളുടെ സമാഹാരമാണ് ഈ പുസ്തകം. 1920കളിലെ മലയാള സാഹിത്യത്തിൽ കഥയെ “വിവരണ-ഉപദേശ” രൂപത്തിൽ അവതരിപ്പിച്ച ജനപ്രിയ പരമ്പരകളിലൊന്നായി ഇത് കണക്കാക്കപ്പെടുന്നു. സാമൂഹിക-നീതിപാഠങ്ങൾ, ജീവിതാനുഭവങ്ങൾ, നർമ്മവും വിമർശനവും കലർന്ന സാധാരണ വായനക്കാർക്കായി ലളിതഭാഷയിൽ എഴുതപ്പെട്ട കഥകൾ ആണ് ഇതിലുള്ളത്.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1936-ൽ കെ.എൻ. ഗോപാലപിള്ള പ്രസിദ്ധീകരിച്ച, പ്രബന്ധമാലിക - ഒന്നാം ഭാഗം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

1930-കളിലെ കേരളത്തിന്റെ വിദ്യാഭ്യാസ–സാമൂഹിക പശ്ചാത്തലം പ്രതിഫലിപ്പിക്കുന്ന ലേഖനങ്ങളുടെ സമാഹാരമാണ് ഈ കൃതി. സാഹിത്യബോധം, ഭാഷാചിന്ത, സാമൂഹിക–സാംസ്കാരിക വിഷയങ്ങൾ എന്നിവയെ ആസ്പദമാക്കിയ, വിദ്യാർത്ഥികൾക്കും പൊതുവായ വായനക്കാർക്കും വേണ്ടി തയ്യാറാക്കിയ ലളിതമായ പ്രബന്ധങ്ങൾ ആണ് പുസ്തകത്തിൻ്റെ ഉള്ളടക്കം.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1938-ൽ പ്രസിദ്ധീകരിച്ച, കട്ടക്കയത്തിൽ ചെറിയാൻ മാപ്പിള എഴുതിയ ശ്രീയേശുവിജയം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

കട്ടക്കയത്തിൽ ചെറിയാൻ മാപ്പിള എഴുതിയ ശ്രീയേശുവിജയം മലയാളത്തിലെ ആദ്യകാല ക്രിസ്തീയ ആഖ്യാനങ്ങളിലെ സുപ്രധാന കാവ്യകൃതികളിലൊന്നാണ്. യേശുക്രിസ്തുവിന്റെ ജനനത്തിൽനിന്ന് ഉയിർപ്പുവരെ ഉള്ള ദിവ്യചരിത്രം പ്രഭാഷണശൈലിയിലും കാവ്യഭംഗിയിലും അവതരിപ്പിക്കുകയാണ് ഈ കാവ്യത്തിൽ. ക്രൈസ്തവവിഷയങ്ങൾ മലയാള സാഹിത്യത്തിലേക്ക് കൊണ്ടുവന്ന മുൻഗാമികളിൽ ചെറിയാൻ മാപ്പിളയ്ക്കുള്ള സ്ഥാനത്തെ ഉറപ്പിക്കുന്ന കൃതി കൂടിയാണിത്. ഈ കൃതിയിൽ യേശുവിന്റെ ജീവിതസംഭവങ്ങൾ ഭക്തിപൂർണമായ ദൃശ്യവിവരണങ്ങൾ, നൈതികബോധങ്ങൾ, മനുഷ്യസ്നേഹത്തിന്റെ മൂല്യങ്ങൾ എന്നിവയോടൊപ്പം അവതരിപ്പിക്കുന്നു. കവിതയുടെ രൂപശൈലി, യേശുവിന്റെ കരുണയും ത്യാഗവും ഊന്നിപ്പറയുന്ന അവതരണരീതി എന്നിവയാണ് കൃതിയുടെ പ്രത്യേകതകൾ

മദ്രാസ് യൂണിവേഴ്സിറ്റി മലയാളവിഭാഗത്തിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1939– ൽ പ്രസിദ്ധീകരിച്ച, പി. ഗോവിന്ദപ്പിള്ള എഴുതിയ മലയാള ഭാഷാ ചരിത്രം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

മലയാള ഭാഷയുടെ ഉത്ഭവം, വളർച്ച, രൂപവികാസം, ധ്വനിശാസ്ത്ര–വ്യാകരണ–രൂപശാസ്ത്ര മാറ്റങ്ങൾ, സംസ്കാരവും സമൂഹവും ഭാഷയെ എങ്ങനെ സ്വാധീനിച്ചു തുടങ്ങിയ എല്ലാ പ്രധാന തലങ്ങളെയും സമഗ്രമായി അവതരിപ്പിക്കുന്ന ഒരു ഭാഷാചരിത്ര ഗ്രന്ഥമാണ് ഈ പുസ്തകം. മലയാളഭാഷയുടെ പ്രാചീന തുടക്കങ്ങളിൽ നിന്ന് ആധുനിക ഘടനയിലേക്കുള്ള യാത്രയെ നിരൂപകബുദ്ധിയോടെ സമീപിക്കുകയും, ദ്രാവിഡഭാഷാശാസ്ത്രം, സംസ്കൃതസ്വാധീനം, ഉപഭാഷാശാസ്ത്രം, ലിപി ചരിത്രം എന്നിവ സമഗ്രമായി അവതരിപ്പിക്കുകയും ചെയ്തിരിക്കുന്നു. ഭാഷാശാസ്ത്രപരവും ചരിത്രപരവും ആയ പഠനത്തിന് ഉപകാരപ്രദമായ ഒരു അടിസ്ഥാനഗ്രന്ഥമാണ് ഈ കൃതി. പഴയകാലത്ത്, മലയാളഭാഷയുടെ ചരിത്രപഠനം പ്രധാനമായും ഗുണ്ടർട്ട്, കെ.പി. പദ്മനാഭ മേനോൻ, എം. രാജരാജവർമ്മ, പി. പി. നാരായണമേനോൻ എന്നിവരുടെ സംഭാവനകളിലൊതുങ്ങിയിരുന്നു.
ഈ പരമ്പരയിൽ ഗൗരവമുള്ള മലയാളഭാഷാചരിത്രഗ്രന്ഥം എഴുതിയ പണ്ഡിതന്മാരിൽ പി. ഗോവിന്ദപ്പിള്ളയും ഉൾപ്പെടുത്തപ്പെടുന്നു.

ഡൊമനിക്ക് നെടും‌പറമ്പിൽ ആണ് ഈ പുസ്തകം ഡിജിറ്റൈസേഷനായി ലഭ്യമാക്കിയത്.

1963– ൽ പ്രസിദ്ധീകരിച്ച, കേരള പാഠാവലി മലയാളം - സ്റ്റാൻഡേർഡ് 06  എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ഡൊമനിക്ക് നെടും‌പറമ്പിൽ ആണ് ഈ പുസ്തകം ഡിജിറ്റൈസേഷനായി ലഭ്യമാക്കിയത്.

1956– ൽ പ്രസിദ്ധീകരിച്ച, പി. ശങ്കരൻ നമ്പ്യാർ എഴുതിയ സാഹിത്യ നിഷ്കുടം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ഗ്രന്ഥകർത്താവ് പത്രങ്ങളിലും മാസികകളിലും ഓരോ കാലത്ത് എഴുതിയ സാഹിത്യ സംബന്ധിയായ പതിനഞ്ച് ഉപന്യാസങ്ങളുടെ സമാഹാരമാണ് ഈ കൃതി. സാഹിത്യം, വിമർശനം, കലകൾ, മലയാള ഭാഷ, സംസ്കാരം തുടങ്ങിയ വിവിധ വിഷയങ്ങളാണ്  ഉള്ളടക്കം.

ഡൊമനിക്ക് നെടും‌പറമ്പിൽ ആണ് ഈ പുസ്തകം ഡിജിറ്റൈസേഷനായി ലഭ്യമാക്കിയത്.

1949 – ൽ പ്രസിദ്ധീകരിച്ച, അങ്കഗണിതം - മൂന്നാം ക്ലാസ്സിലേക്ക് എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

അങ്കഗണിതം - മൂന്നാം ക്ലാസ്സിലേക്ക് 

ഡൊമനിക്ക് നെടും‌പറമ്പിൽ ആണ് ഈ പുസ്തകം ഡിജിറ്റൈസേഷനായി ലഭ്യമാക്കിയത്.

1966 – ൽ പ്രസിദ്ധീകരിച്ച, ജോർജ്ജ് പോർട്ടർ എഴുതിയ ഇന്നത്തെ ലോകത്തിൽ രസതന്ത്രം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ദൈനംദിന ജീവിതത്തിൽ രസതന്ത്രത്തിൻ്റെ പ്രാധാന്യം എത്രത്തോളമുണ്ടെന്ന് വ്യക്തമാക്കുന്ന ഗ്രന്ഥമാണിത്. മൂലകങ്ങളുടെ പ്രാധാന്യവും അവയെക്കുറിച്ചുള്ള വിശദമായ പഠനവും ഈ പുസ്തകത്തിൽ ഉൾപ്പെടുത്തിയിരിക്കുന്നു. രസതന്ത്ര പഠനത്തിലെ പുതിയ രീതികളും ഇവിടെ പരിചയപ്പെടുത്തുന്നു.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1967 – ൽ പ്രസിദ്ധീകരിച്ച, ജെ. തച്ചിൽ എഴുതിയ യുവജനശിക്ഷണം  എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ആധുനിക മനശ്ശാസ്ത്രത്തിൻ്റെ നിഗമനങ്ങളുടെ വെളിച്ചത്തിൽ യുവത്വത്തിൻ്റെ  പ്രശ്നങ്ങളെപ്പറ്റി ചർച്ച ചെയ്യുവാനുള്ള തുടക്കമാണ് യുവജനശിക്ഷണം എന്ന ഈ പുസ്തകത്തിനു ആധാരം.യുവതലമുറയുടെ പ്രാധാന്യം, യുവത്വത്തിൻ്റെ പ്രത്യേകതകൾ, മനശ്ശാസ്ത്രവിഞ്ജാനം,മാനസ്സിക വളർച്ച, നൈസർഗ്ഗിക വാസനകൾ ഇവയെക്കുറിച്ചെല്ലാം ഈ പുസ്തകത്തിൽ പ്രതിപാദിച്ചിരിക്കുന്നു.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.