Release notes

2,924 release notes

1960 – ൽ പ്രസിദ്ധീകരിച്ച, പി.കെ. കുഞ്ഞുബാവ മുസ്‌ലിയാർ രചിച്ച പ്രവാചകപ്രഭുവും നാലു ഖലീഫമാരും എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

അന്ത്യപ്രവാചകനായ മുഹമ്മദ് നബിയുടെയും അദ്ദേഹത്തിൻ്റെ അനുഗ്രഹീതശിഷ്യന്മാരായ ആദ്യഖലീഫമാരുടെയും ചരിത്രമാണ് ഈ പുസ്തകത്തിൽ വിവരിക്കുന്നത്. പ്രവാചക ചരിത്രം വിഷയമാക്കിയ പ്രധാന അറബി ഗ്രന്ഥങ്ങളെ ആശ്രയിച്ചാണ് ഈ പുസ്തകം രചിച്ചിരിക്കുന്നത്. മുൻപ് നടന്നിട്ടുള്ള വിവർത്തന ശ്രമങ്ങളുടെ ന്യൂനതകൾ പരിഹരിക്കാൻ ഈ കൃതിയ്ക്ക് സാധിച്ചിട്ടുണ്ട്.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1996 - ൽ എ.കെ.പി.സി.ടി.എ  പ്രസിദ്ധീകരിച്ച, വിദ്യാഭ്യാസനയം എന്ന ലഘു ലേഖയുടെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

കേരളത്തിലെ വിദ്യാഭ്യാസ മേഖല നേരിടുന്ന സങ്കീർണ്ണമായ വെല്ലുവിളികളെയും, എ.കെ.പി.സി.ടി.എ  (All Kerala Private College Teachers' Association) ഏറ്റെടുക്കേണ്ട ഉത്തരവാദിത്തങ്ങളെയും വളരെ കൃത്യമായി വിശകലനം ചെയ്യുന്നു ഈ പുസ്തകത്തിൽ. കേരളത്തിലെ സ്വകാര്യ കോളേജ് അധ്യാപകരുടെ ആത്മാഭിമാനത്തിനും അവകാശ സംരക്ഷണത്തിനുമായി രൂപംകൊണ്ട സംഘടനയാണ് എ.കെ.പി.സി.ടി.എ. (AKPCTA). വ്യക്തിഗത താൽപ്പര്യങ്ങൾക്കപ്പുറം സാമൂഹിക പുരോഗതി ലക്ഷ്യമിട്ട് പ്രവർത്തിക്കുന്ന ഈ സംഘടന, ഉന്നതവിദ്യാഭ്യാസ മേഖല നേരിടുന്ന വെല്ലുവിളികളെ നേരിടാൻ രണ്ടു പ്രധാന ലക്ഷ്യങ്ങളാണ് മുന്നോട്ട് വെക്കുന്നത്. ഒന്നു വിദ്യാഭ്യാസത്തെ കച്ചവടമാക്കുന്ന (കമ്പോളവൽക്കരണം) നീക്കങ്ങൾക്കെതിരെ ശക്തമായ സമരങ്ങൾ സംഘടിപ്പിക്കുക, രണ്ട് ഉന്നതവിദ്യാഭ്യാസത്തെ സമൂഹത്തിന് ഗുണകരമാകുന്ന രീതിയിൽ മൗലികമായ മാറ്റങ്ങളിലൂടെ പുനഃക്രമീകരിക്കുക. ദേശീയ നയങ്ങളുടെയും സാമ്പത്തിക പരിഷ്കാരങ്ങളുടെയും ഭാഗമായി ഉന്നതവിദ്യാഭ്യാസ രംഗത്ത് ഉണ്ടാകുന്ന ജീർണ്ണതയെയും അട്ടിമറി ശ്രമങ്ങളെയും പ്രതിരോധിക്കാൻ അധ്യാപകർ സജീവമായ അക്കാദമിക-സംഘടനാ ഇടപെടലുകൾ നടത്തണമെന്ന് സംഘടന ആഹ്വാനം ചെയ്യുന്നു. ഇതിനായുള്ള സമഗ്രമായ വിദ്യാഭ്യാസ നയം സംഘടനയുടെ 38-ാം സംസ്ഥാന സമ്മേളനത്തിൽ പ്രഖ്യാപിക്കപ്പെട്ടു.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

1998-ൽ പ്രസിദ്ധീകരിച്ച, ഡി.പി.ഇ.പി: എന്ത്? എന്തിന്? എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

ജില്ലാ പ്രാഥമിക വിദ്യാഭ്യാസ പരിപാടി അഥവാ ഡി.പി.ഇ.പിയെക്കുറിച്ച് ആൾ ഇന്ത്യാ ഡമോക്രാറ്റിക് സ്റ്റുഡൻ്റ്സ് ഓർഗനൈസേഷൻ നടത്തിയ വിശദമായ പഠനമാണ് ഈ പുസ്തകത്തിൻ്റെ ഉള്ളടക്കം. പൊതുവിദ്യാഭ്യാസരംഗത്ത് വ്യാപകമായ മാറ്റങ്ങൾ കൊണ്ടുവന്ന ഈ നയം വിദ്യാഭ്യാസ മേഖലക്ക് ഗുണം ചെയ്യുന്നില്ല എന്നും വിനാശം സൃഷ്ടിക്കുകയേ ഉള്ളൂ എന്നും ഇതിൽ പറയുന്നു. നിക്ഷിപ്തതാല്പര്യങ്ങളോടെ ലോകബാങ്കിൻ്റെ ധനസഹായത്തോടെ നടക്കുന്ന പദ്ധതിയെ ഇവിടത്തെ ഇടതുമുന്നണി സർക്കാർ എതിർക്കുകയുണ്ടായില്ല, മാത്രമല്ല പ്രൈമറി വിദ്യാലയങ്ങളിൽ നിന്നും കുട്ടികളുടെ കൊഴിഞ്ഞുപോക്ക് തടയുവാനാണ് DPEP വന്നത് എന്നിട്ടും പദ്ധതി നടപ്പിലായതോടെ സർക്കാർ വിദ്യാലയങ്ങളിൽ നിന്നും വൻതോതിൽ കുട്ടികൾ കൊഴിഞ്ഞുപോകാൻ തുടങ്ങിയെന്നും വസ്തുതകൾ നിരത്തി വ്യക്തമാക്കുന്നു

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

Through this post we are releasing the scan of The Travancore Quartely Civil List published in the year 1948

1948 - The Travancore Quartely Civil List

The Travancore Quarterly Civil List was an official administrative publication of the princely state of Travancore (now part of Kerala, India). It served as the definitive directory of the state's government personnel, published every three months to ensure records of seniority, pay, and postings were kept up to date. The list covered the entire spectrum of the state's bureaucracy, detailed personnel across sectors like General Administration (Dewan, Secretariat staff, Treasury officers), Revenue (Land Revenue Commissioners, Division Peishkars, Tahsildars), Judiciary (High Court Judges, District Munsiffs, Magistrates), and Specialized Departments (Public Health, Excise, Forests, Education, Nayar Brigade).

These documents are digitized as part of the Madras University Library digitization project.

1959 – ൽ പ്രസിദ്ധീകരിച്ച, ഫാ. വടക്കേൽ മത്തായി രചിച്ച ശ്ലീഹന്മാരുടെ നടപടി എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ഫാദർ വടക്കേൽ മത്തായിയുടെ നേതൃത്വത്തിൽ തയ്യാറാക്കപ്പെട്ട ഒരു വിവർത്തന ഗ്രന്ഥമാണിത്. കത്തോലിക്കാ സഭ ഔദ്യോഗികമായി അംഗീകരിച്ച ആദ്യത്തെ പ്രധാന ഇംഗ്ലീഷ് ബൈബിൾ വിവർത്തനത്തിൻ്റെ മലയാള പരിഭാഷയാണ് ഈ കൃതി. മൂലകൃതിയുമായി അങ്ങേയറ്റം നീതിപുലർത്താൻ വിവർത്തകർ ശ്രദ്ധ പുലർത്തിയിട്ടുണ്ട്. മൂലകൃതിയിലെ ദുർഗ്രഹമായ വാക്യങ്ങൾക്കും വാക്കുകൾക്കും ഉചിതമായ വ്യാഖ്യാനവും ഈ ഗ്രന്ഥത്തിലൂടെ നൽകിയിരിക്കുന്നു.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1960 – ൽ പ്രസിദ്ധീകരിച്ച, പി.എം. കുമാരൻനായർ രചിച്ച ധൃതരാഷ്ട്രർ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

മഹാഭാരതത്തിലെ ഏറ്റവും ശക്തമായ കഥാപാത്രമായ ധൃതരാഷ്ട്രരുടെ ജീവിതമാണ് ഈ കൃതിയിലൂടെ അവതരിപ്പിക്കപ്പെടുന്നത്. ആ കഥാപാത്രം അനുഭവിക്കുന്ന മാനസിക സംഘർഷങ്ങളും അവസ്ഥകളും എല്ലാം വളരെ ലളിതമായ ഭാഷയിൽ ഈ പുസ്തകത്തിൽ അവതരിപ്പിച്ചിരിക്കുന്നു.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1959 – ൽ പ്രസിദ്ധീകരിച്ച,  ടി.എസ്. അനന്തസുബ്രഹ്മണ്യം രചിച്ച ഐതിഹ്യമഞ്ജരി എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ടി.എസ്. അനന്തസുബ്രഹ്മണ്യം രചിച്ച ലേഖനങ്ങളുടെ സമാഹാരമാണ് ഈ ഗ്രന്ഥം. പലപ്പോഴായി പല പത്രങ്ങളിൽ പ്രസിദ്ധീകരിക്കപ്പെട്ടവയാണ് ഈ ലേഖനങ്ങൾ. ഗ്രന്ഥകർത്താവിൻ്റെ അനുഭവക്കുറിപ്പുകളും കേട്ടറിഞ്ഞ കഥകളും ചില ശീലങ്ങൾക്ക് കാരണമായ മൂലകഥകളും ഈ ലേഖനങ്ങളിൽ കാണാൻ സാധിക്കും.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1972-ൽ പ്രസിദ്ധീകരിച്ച, സ്നേഹവും സേവനവും - സ്റ്റാൻഡേർഡ് - VI എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

അഞ്ചു മുതൽ പത്തു വരെയുള്ള ക്ലാസ്സുകളിലെ വിദ്യാർത്ഥികളെ ഉദ്ദേശിച്ചുകൊണ്ടുള്ള പി.ഒ.സി. പബ്ലിക്കേഷൻ പുറത്തിറക്കിയ സന്മാർഗ്ഗശാസ്ത്രപരമ്പരയിലെ എട്ടാം ക്ലാസ്സ് വിദ്യാർത്ഥികൾക്കുള്ള സന്മാർഗ്ഗ പാഠാവലിയാണ് ഈ പുസ്തകം.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1958-ൽ പ്രസിദ്ധീകരിച്ച, സി.എ. കിട്ടുണ്ണി എഴുതിയ അൻപത്തേഴ് ആളെ കൊന്നു എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

നോവലിസ്റ്റ്‌, കഥാകൃത്ത്‌, ബാലസാഹിത്യരചയിതാവ്‌, പത്രപ്രവർത്തകൻ എന്നീ നിലകളിൽ പ്രവർത്തിച്ചിരുന്ന സി.എ. കിട്ടുണ്ണി എഴുതിയ ഏഴു കഥകളാണ് ഈ പുസ്തകത്തിലുള്ളത്. നിത്യജീവിതത്തിൽ നാം കണ്ടുമുട്ടുന്ന സാധാരണ ആളുകളാണ് ഈ കഥകളിലെ കഥാപാത്രങ്ങൾ. കാലപ്പഴക്കം കൊണ്ട് ഈ പുസ്തകത്തിൻ്റെ കവർ പേജ് നഷ്ടപ്പെടുകയും ആദ്യ പേജിൽ അല്പഭാഗം കീറിപ്പോവുകയും ചെയ്തിട്ടുണ്ട്

കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.

കേരള കലാമണ്ഡലം പാഠ്യപദ്ധതി എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

കേരള  കലാമണ്ഡലത്തിൻ്റെ പാഠ്യപദ്ധതികളെക്കുറിച്ചുള്ള വിശദാംശങ്ങൾ ആണ് ഈ പുസ്തകത്തിൻ്റെ ഉള്ളടക്കത്തിലുള്ളത്. കേരള കലാമണ്ഡലം പാഠ്യപദ്ധതിയിൽ  കേരളീയ ക്ലാസിക്കൽ കലകളായ കഥകളി, മോഹിനിയാട്ടം, കൂടിയാട്ടം, തുള്ളൽ, പഞ്ചവാദ്യം, ഭരതനാട്യം തുടങ്ങിയവയിൽ ഗുരുകുല സമ്പ്രദായപരമായ പരിശീലനത്തെ അടിസ്ഥാനമാക്കിയുള്ളതാണ്. ഗുരുശിഷ്യ പാരമ്പര്യത്തിലൂടെ കളരികളിൽ നടക്കുന്ന പരിശീലനത്തിനൊപ്പം 1990ൽ ആരംഭിച്ച ഹൈസ്കൂൾ, ഹയർ സെക്കൻഡറി വിദ്യാഭ്യാസവും ഉൾപ്പെടുത്തിയിട്ടുണ്ട്, ഇത് കലാപഠനത്തോടൊപ്പം സാമാന്യ വിദ്യാഭ്യാസവും നൽകുന്നു. എട്ടാം ക്ലാസ് മുതൽ ഡിപ്ലോമ, ബിരുദ, ബിരുദാനനന്തര കോഴ്സുകൾ വരെ നീണ്ടുനിൽക്കുന്ന പദ്ധതി റെസിഡൻഷ്യൽ സ്വഭാവമുള്ളതുമാണ്. പാഠ്യപദ്ധതിയെ താഴെ പറയുന്നവിധം മൂന്നു വിഭാഗങ്ങളായി തിരിച്ചിരിക്കുന്നു.1. കലകളുടെ സാമാന്യ പഠനം, 2. മുഖ്യ വിഷയത്തിൻ്റെ പ്രത്യേക പഠനം,3. സാമാന്യ വിദ്യാഭ്യാസം. കലാമണ്ഡലത്തിൽ ചേരാൻ ആഗ്രഹിക്കുന്നവർക്ക്  ആദ്യമായി അതാതു വിഷയങ്ങൾക്കനുയോജ്യമായ  ശാരീരികഗുണങ്ങളും അഭിരുചിയും താളസ്ഥിതിയും പരിശീലനത്തിനും ആവശ്യമായ ആരോഗ്യസ്ഥിതിയും ഉണ്ടായിരിയ്ക്കേണ്ടതാണു്. പുറമെ, അവർ 14 വയസ്സ്  തികഞ്ഞവരും 7-ാം സ്റ്റാൻഡാർഡ് പാസ്സായവരുമായിരിക്കണം. കലാമണ്ഡലത്തിൻ്റെ ചിട്ടകളും രീതികളും വിശദമാകുന്ന ഈ പുസ്തകത്തിൽ  പ്രസിദ്ധീകണ വർഷമോ, മറ്റനുബന്ധവിവരങ്ങൾ ഒന്നും തന്നെയോ രേഖപ്പെടുത്തിയിട്ടില്ല.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

1958 – ൽ പ്രസിദ്ധീകരിച്ച, എം. മൈക്കിൾ രചിച്ച പുതിയ അടവുകൾ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

നേരിട്ടറിഞ്ഞ യാദാർഥ്യങ്ങളെക്കുറിച്ചുള്ള ഒരു വൈദികൻ്റെ വിവരണമാണ് ഈ പുസ്തകം. വിശ്വാസവും കമ്മ്യൂണിസവും ഇതിൽ പ്രധാനവിഷയമാകുന്നു. കമ്മ്യൂണിസ്റ്റ് പ്രത്യയശാസ്ത്രം സഭയുടെ നിലനിൽപ്പിനും വിശ്വാസത്തിനും ഉയർത്തുന്ന വെല്ലുവിളികളെക്കുറിച്ച് ഈ പുസ്തകത്തിൽ വിവരിക്കുന്നു. സഭയ്ക്കുള്ളിലെ ഒരു വിഭാഗം കമ്മ്യൂണിസ്റ്റ് അല്ലെങ്കിൽ സോഷ്യലിസ്റ്റ് ആശയങ്ങളോട് ആഭിമുഖ്യം പുലർത്തുന്നത് എങ്ങനെ ഭിന്നതകൾക്ക് കാരണമാകുന്നു എന്ന് ഗ്രന്ഥകാരൻ ചൂണ്ടിക്കാട്ടുന്നു.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1958 – ൽ പ്രസിദ്ധീകരിച്ച, പി. ശങ്കരൻ നമ്പ്യാർ രചിച്ച  മലയാള സാഹിത്യചരിത്ര സംഗ്രഹം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

മലയാള സാഹിത്യ ചരിത്രത്തെ സമഗ്രമായി വിശകലനം ചെയ്യുന്ന ഗ്രന്ഥമാണിത്. ഭാഷയുടെ ഉൽപ്പത്തി സിദ്ധാന്തങ്ങളും പ്രായോഗികതയും ഇതിൽ ചർച്ച ചെയ്യുന്നു. ഭാഷാ പരിണാമങ്ങളെക്കുറിച്ചും വ്യത്യസ്ത കാലങ്ങളിലെ സാഹിത്യ സൃഷ്ടികളെക്കുറിച്ചുമുള്ള വിശദമായ പഠനങ്ങളും ഈ പുസ്തകത്തിൽ കാണാൻ സാധിക്കും.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.