Release notes

2,924 release notes

1932-ൽ പ്രസിദ്ധീകരിച്ച, ജ്യോത്സ്യൻ കെ.ജി. ദാസ്സ് എഴുതിയ കുചേലമന്ദിരത്തിലെ ശ്രീദേവി എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

ആറന്മുള നീർവിളാകം സ്വദേശിയായ ജ്യോത്സ്യൻ കെ. ജി. ദാസ്സ് രചിച്ച ഖണ്ഡകാവ്യമാണ് 'കുചേലമന്ദിരത്തിലേ ശ്രീദേവി'. ആകെ 5 സർഗ്ഗങ്ങളിലായാണ് ഈ കാവ്യം രചിക്കപ്പെട്ടിട്ടുള്ളത്. ശ്രീമദ്ഭാഗവതത്തിലെ 'കുചേലവൃത്തം' തന്നെയാണ് ഈ കാവ്യത്തിൻ്റെ പശ്ചാത്തലമെങ്കിലും, ഇതിന്റെ പ്രതിപാദനത്തിൽ കവി വേറിട്ടൊരു വഴി സ്വീകരിച്ചിരിക്കുന്നു. കൃഷ്ണനെ കാണാൻ പോകുന്ന കുചേലനു പിന്നാലെ പോകാതെ, കുചേലൻ്റെ ദരിദ്രമായ ഭവനത്തിൽ കഴിച്ചുകൂട്ടുന്ന പത്നിയുടെയും വിശന്നു കരയുന്ന മക്കളുടെയും അവസ്ഥയിലാണ് കാവ്യം ശ്രദ്ധ കേന്ദ്രീകരിക്കുന്നത്. വിശപ്പുകൊണ്ട് വലയുന്ന കുട്ടികളെ ആശ്വസിപ്പിക്കാൻ മാതാവ് സന്മാർഗ്ഗതത്ത്വങ്ങളും ഈശ്വരഭക്തിയും ഈശ്വരനിയമങ്ങളും ലളിതമായി ഉപദേശിച്ചു കൊടുക്കുന്നു

കുചേലപത്നിയുടെ ശുചിത്വത്തിലും ഭക്തിയിലും പ്രസന്നയായി ലക്ഷ്മിദേവി (ശ്രീദേവി) ആവിർഭവിക്കുകയും കുചേലമന്ദിരത്തെ സർവ്വ ഐശ്വര്യങ്ങളും കൊട്ടാരസദൃശമായ സമ്പന്നതയും നൽകി അനുഗ്രഹിക്കുകയും ചെയ്യുന്നു. തുടർന്ന് തിരികെയെത്തുന്ന കുചേലൻ കുടുംബസമേതം സന്തുഷ്ടനായി വാഴുന്നതോടെ കാവ്യം അവസാനിക്കുന്നു. മഹാകവി ഉള്ളൂർ എസ്. പരമേശ്വരയ്യർ, വിദ്വാൻ കെ.ഒ ഗോപാലഗണകൻ എന്നിവരുടെ അനുമോദന അഭിപ്രായങ്ങളും വിദ്വാൻ സി. ഐ. ഗോപാലപിള്ളയുടെ അവതാരികയും ഈ കൃതിയിലുണ്ട്.

തിരുവനന്തപുരം ജില്ലയിലെ മലയിൻകീഴ്  ശ്രീകൃഷ്ണ വിലാസം ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്

1930 ൽ കോട്ടയം നാഷണൽ ബുക്ക് ഡിപ്പോയിൽ നിന്നും പ്രസിദ്ധീകരിച്ച പ്രസിദ്ധീകരിച്ച, ദിവാൻ പേഷ്കാർ പി. ശങ്കുണ്ണി മേനോൻ  എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

തിരുവിതാംകൂർ ചരിത്രകാരനും ദിവാൻ പേഷ്കാരുമായിരുന്നു പി. ശങ്കുണ്ണി മേനോൻ. പ്രമുഖ സാഹിത്യകാരനും ചിത്രകാരനുമായിരുന്നു ചിത്രമെഴുത്ത് കെ.എം. വർഗ്ഗീസ്. ശങ്കുണ്ണി മേനോൻ്റെ പ്രശസ്തമായ ചരിത്രഗ്രന്ഥമാണ് 'ഹിസ്റ്ററി ഓഫ് ട്രാവൻകൂർ' (History of Travancore). ഇതിൽ തിരുവിതാംകൂറിലെ ഹൈന്ദവ ആചാരങ്ങൾ, ക്ഷേത്രങ്ങൾ, മതപരമായ ചരിത്രങ്ങൾ എന്നിവ വിസ്തരിച്ചു പ്രതിപാദിക്കുന്നുണ്ട്. പിൽക്കാലത്ത് ചിത്രമെഴുത്ത് കെ.എം. വർഗ്ഗീസ് കേരള ചരിത്ര പുനർനിർമ്മിതിയുമായി ബന്ധപ്പെട്ട് എഴുതിയ ചില നിരീക്ഷണങ്ങൾ നായർ സമുദായത്തെയും ഹൈന്ദവ പാരമ്പര്യങ്ങളെയും അവഹേളിക്കുന്നതാണെന്ന തരത്തിൽ വലിയ ആക്ഷേപങ്ങൾക്ക് കാരണമായിരുന്നു. ആ നിരീക്ഷണങ്ങൾക്കും പ്രസ്താവനകൾക്കും എതിരെയുള്ള മറുപടികളാണ് പുസ്തകത്തിൻ്റെ ഉള്ളടക്കം. നായർ യുവജനസമാജത്തിനുവേണ്ടി കോട്ടയം നാഷണൽ ബുക്ക് ഡിപ്പോയിൽ നിന്നും പ്രസിദ്ധീകരിച്ചതാണ് ഈ പുസ്തകം.

കോഴിക്കോട് ജില്ലയിലെ പറയഞ്ചേരി സെൻഗുപ്ത പബ്ലിക് ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്.

1936-ൽ കാഞ്ഞിരംപാറെ രാമുണ്ണി നായർ എഡിറ്റ് ചെയ്തു പ്രസിദ്ധീകരിച്ച, ശ്രീപാർവ്വതീസ്വയംവരം - പാന എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ഈ പാന നാലു പാദങ്ങളായിട്ടാണു് രചിച്ചിട്ടുള്ളത്. പ്രഥമപാദത്തിൽ കാമദേവനും ഇന്ദ്രനും തപോനിഷ്ഠയിലിരിക്കുന്ന മഹേശ്വരനെ പാർവ്വതിയുടെ ഭർത്താവാക്കി, അവരുടെ വിവാഹത്തിലുളവാകുന്ന സന്താനംകൊണ്ടു താരകാസുരവധം സാധിയ്ക്കുവാനാലോചിയ്ക്കുന്നു. രണ്ടാംപാദത്തിൽ കാമദേവൻ ശിവൻ്റെ തപസ്സിന്നു വിഘ്നം വരുത്തുന്നതും, അതുകണ്ടു കുപിതനായ കപാലി കാമനെ തൻ്റെ മുന്നാം തൃക്കണ്ണിൽ ദഹിപ്പിക്കുന്നതും, ഭർത്തൃനാശം കണ്ട് രതി വിലപിക്കുന്നതും വിവരിച്ചരിക്കുന്നു. പശു ചത്താലും മോരിലെ പുളി പോകയില്ലെന്നു പറയുന്നതുപോലെ കാമൻ മരിച്ചാലും കാമൻ്റെ പ്രയോഗം നിഷ്ഫലമായില്ലെന്നു തെളിയിക്കുന്ന കഥാഭാഗം മൂന്നാംപാദത്തിൽ വിവരിച്ചിരിക്കുന്നു. ശിവൻ്റെ പ്രണയസൂചനയും, വേഷം മാറി പാവ്വതിയുമായുള്ള സംഭാഷണവും വളരെ ഹൃദ്യമായരിതിയിൽ വണ്ണിച്ചിട്ടുണ്ട്. നാലാംപാദത്തിൽ ശിവൻ്റെ ഇഷ്ടപ്രകാരം സപ്തർഷിമാരും ദേവന്മാരും ഹിമവാനെക്കണ്ടു ചെയ്യുന്ന വിവാഹാലോചനയും പാർവ്വതീപരമേശ്വരരുടെ വിവാഹവും വർണ്ണിച്ചിരിക്കുന്നു.

കേരളത്തിൻ്റെ ഹൃദയം പ്രതിബിംബിക്കുന്നതായ ഇതിലെ ശുദ്ധമലയാളഭാഷാശൈലി ഇതിൻ്റെ മൂലകർത്താവ് എഴുത്തച്ഛൻ, നമ്പ്യാർ, പൂന്താനം എന്നീ മഹാകവികളുടെ ജന്മദേശമായ മദ്ധ്യകേരളത്തിൽ ജീവിച്ചിരുന്ന ഒരു മഹാനാണെന്നു വിളിച്ചുപറയുന്നുണ്ട്.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1947 – ൽ പ്രസിദ്ധീകരിച്ച, കെ.സി. കേശവപിള്ള രചിച്ച കേശവീയം - സ്യമന്തകാപരപര്യായം  എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

കേശവീയം മഹാകാവ്യത്തിൻ്റെ ഒന്നാം സർഗമായ "ഭാമാനിവേദനം" ആണ് ഈ പുസ്തകത്തിൻ്റെ ഉള്ളടക്കം. ശ്രീകൃഷ്ണൻ്റെ ദ്വാരകാ ജീവിതവും സത്രാജിത്തിൻ്റെ പുത്രിയായ സത്യഭാമയുടെ വിവാഹാഭിലാഷവുമായി ബന്ധപ്പെട്ട സംഭവങ്ങളുമാണ് ഈ സർഗത്തിൻ്റെ പ്രമേയം. കവി ആദ്യം തൻ്റെ ഗുരുക്കന്മാരെയും കവികളെയും സ്മരിച്ചുകൊണ്ട് കാവ്യരചനയ്ക്ക് അനുഗ്രഹം അഭ്യർത്ഥിക്കുന്നു. തുടർന്ന് ദ്വാരകയുടെ അതിമനോഹരമായ നഗരവൈഭവം വിശദമായി വർണ്ണിക്കുന്നു. സ്വർണമതിലുകളും രത്നമാളികകളും സ്ഫടികപ്പടവുകളുള്ള കുളങ്ങളും മനോഹരമായ ഉദ്യാനങ്ങളും നിറഞ്ഞ ദ്വാരകയെ കവി അത്യന്തം ഭംഗിയായി അവതരിപ്പിക്കുന്നു. അവിടെ ധർമ്മനിഷ്ഠയോടെ ശ്രീകൃഷ്ണൻ ഭരണം നടത്തുന്നതായും വിവരിക്കുന്നു.

ഇതിനിടയിൽ ഒരു മഹീസുരൻ (ബ്രാഹ്മണൻ) ശ്രീകൃഷ്ണനെ സന്ദർശിക്കുന്നു. സത്രാജിത്തിൻ്റെ പുത്രിയായ സത്യഭാമയുടെ ദുഃഖമാണ് അദ്ദേഹത്തിൻ്റെ സന്ദർശനത്തിൻ്റെ ഉദ്ദേശ്യം. സത്യഭാമയ്ക്ക് ശ്രീകൃഷ്ണനോട് ആഴത്തിലുള്ള പ്രണയമുണ്ടെങ്കിലും, അവളുടെ പിതാവ് അവളെ ശതധന്വാവിന് നൽകാൻ ആഗ്രഹിക്കുന്നു. പിതാവിൻ്റെ ആജ്ഞ ലംഘിക്കാൻ കഴിയാത്തതും, ഇഷ്ടമില്ലാത്ത പുരുഷനെ വിവാഹം കഴിക്കുന്നതിനെക്കാൾ മരണമാണു നല്ലതെന്നുമുള്ള അവളുടെ വേദന ബ്രാഹ്മണൻ ശ്രീകൃഷ്ണനോട് അറിയിക്കുന്നു.സത്യഭാമയുടെ സങ്കടം കേട്ട ശ്രീകൃഷ്ണൻ അവളെ ആശ്വസിപ്പിക്കാനും അവളുടെ പിതാവിൻ്റെ മനസ്സിനെ അനുയോജ്യമായ രീതിയിൽ മാറ്റാനും താൻ ശ്രമിക്കാമെന്ന് ഉറപ്പുനൽകുന്നു. തുടർന്ന് ബ്രാഹ്മണൻ സത്യഭാമയുടെ അടുക്കലെത്തി ശ്രീകൃഷ്ണൻ്റെ വാക്കുകൾ അറിയിക്കുന്നു. അത് കേട്ട് സത്യഭാമയ്ക്ക് പ്രതീക്ഷയും ആശ്വാസവും ലഭിക്കുന്നു.അങ്ങനെ, സത്യഭാമയുടെ പ്രണയവും വിവാഹാഭിലാഷവും അവൾ അനുഭവിക്കുന്ന മാനസിക സംഘർഷവും അവതരിപ്പിച്ചുകൊണ്ടാണ് ഒന്നാം സർഗം അവസാനിക്കുന്നത്.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1964 – ൽ പ്രസിദ്ധീകരിച്ച, മൗലവി പി. മുഹമ്മദ് എടശ്ശേരി വ്യാഖ്യാനം രചിച്ച പരിശുദ്ധ ഖുർആൻ പരിഭാഷ  എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

മുഹമ്മദ് എടശ്ശേരി മൗലവി തയാറാക്കി 1954-ൽ പുറത്തിറക്കിയ പരിശുദ്ധ ഖുർആൻ പരിഭാഷ എന്ന ചരിത്രപ്രധാനമായ ഗ്രന്ഥത്തിൻ്റെ ഡിജിറ്റൽ പതിപ്പാണ് ഈ രേഖയിൽ ഉൾക്കൊള്ളിച്ചിരിക്കുന്നത്. ബെംഗളൂരുവിലെ ഇസ്ലാമിക സാഹിത്യ പ്രസിദ്ധീകരണശാലയ്‌ക്കായി എ.ജെ. ഖലീൽ പ്രസിദ്ധീകരിക്കുകയും യൂണിയൻ പ്രിൻ്റേഴ്സ് അച്ചടിക്കുകയും ചെയ്ത ഈ പുസ്തകം, വിശുദ്ധ ഖുർആൻ്റെ ആശയം ലളിതവും വ്യക്തവുമായ രീതിയിൽ മലയാള ഭാഷയിലേക്ക് എത്തിക്കാനുള്ള ആദ്യകാല ശ്രമങ്ങളിൽ ഒന്നാണ്.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1930 – ൽ പ്രസിദ്ധീകരിച്ച, രജനി എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ഭാരതീയ സാഹിത്യത്തിലെ മഹാരഥന്മാരിൽ ഒരാളായ ബങ്കിംചന്ദ്ര ചട്ടോപാദ്ധ്യായയുടെ സുപ്രധാന നോവലുകളിൽ ഒന്നാണ് 'രജനി'. വി. ഉണ്ണികൃഷ്ണൻ നായർ മലയാളത്തിലേക്ക് തർജ്ജിമ ചെയ്തു. ലിറ്റൺ പ്രഭുവിൻ്റെ "Last Days of Pompeii" എന്ന വിഖ്യാത കൃതിയിലെ 'നിദിയ' എന്ന അന്ധയായ പൂക്കാരിയിൽ നിന്നുള്ള പ്രചോദനമാണ് 'രജനി' എന്ന അന്ധയായ പ്രധാന കഥാപാത്രത്തിൻ്റെ നിർമ്മിതിക്ക് പിന്നിൽ. മനുഷ്യ മനസ്സിൻ്റെ സൂക്ഷ്മ ഭാവങ്ങളെയും നൈതിക മൂല്യങ്ങളെയും ആഴത്തിൽ ബോധ്യപ്പെടുത്താൻ ഒരു അന്ധയുവതിയുടെ അനുഭവങ്ങളിലൂടെയും വീക്ഷണങ്ങളിലൂടെയും സാധിക്കുമെന്ന ആശയമാണ് ഗ്രന്ഥകർത്താവ് ഇതിൽ സ്വീകരിച്ചിരിക്കുന്നത്.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1945-ൽ പ്രസിദ്ധീകരിച്ച, ടി.കെ. വേലുപ്പിള്ള എഴുതിയ സാഹിത്യാദർശം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

കവിത, തിരുവിതാംകൂർ രാജവംശവും മലയാളഭാഷയും എന്നീ രണ്ടു ഭാഗങ്ങളാണ് പുസ്തകത്തിൻ്റെ ഉള്ളടക്കം. പദ്യവും കവിതയും ഒന്നല്ല എന്ന് വ്യക്തമാക്കുന്ന ഗ്രന്ഥകാരൻ, കേവലം പ്രാസവും ഛന്ദസ്സുമൊപ്പിച്ചു എഴുതുന്ന പദ്യസമൂഹങ്ങൾ നല്ല കവിതകളാകുന്നില്ല എന്ന് ചൂണ്ടിക്കാണിക്കുന്നു. കവിത വിഭാവനശക്തിയുടെയും വികാരത്തിൻ്റെയും ഫലമാണെന്നും മാത്യു ആർനോൾഡിൻ്റെയും കാളിദാസൻ്റെയും വ്യാകരണ ആലങ്കാരികന്മാരുടെയും അഭിപ്രായങ്ങൾ മുൻനിർത്തി അലങ്കാരം, പ്രകൃതിവർണ്ണന, സങ്കൽപ്പശക്തി, ശബ്ദസൗന്ദര്യം എന്നിവയെക്കുറിച്ച് പ്രതിപാദിക്കുകയും ചെയ്യുന്നു.

തിരുവിതാംകൂർ രാജവംശവും മലയാളഭാഷയും എന്ന ഭാഗത്തിനെ നാലു ഭാഗങ്ങളായി വീണ്ടും തിരിച്ചിരിക്കുന്നു. തിരുവിതാംകൂർ രാജാക്കന്മാരും രാജവംശവും മലയാളഭാഷയ്ക്കും സാഹിത്യത്തിനും നൽകിയ സംഭാവനകളെക്കുറിച്ച് ഇതിൽ സാമാന്യമായ വിവരണം നൽകിയിട്ടുണ്ട്. ആദിത്യവർമ്മ മഹാരാജാവിൻ്റെ രാമചരിതം, കൊട്ടാരക്കരത്തമ്പുരാൻ്റെ രാമനാട്ടം (ആട്ടക്കഥകൾ), കേരളവർമ്മ രാജാവിൻ്റെ വാല്മീകി രാമായണം തർജ്ജമ, മാർത്താണ്ഡവർമ്മ മഹാരാജാവിൻ്റെ നിർദ്ദേശപ്രകാരം രാമപുരത്തു വാര്യർ എഴുതിയ കുചേലവൃത്തം വഞ്ചിപ്പാട്ട് കാർത്തികതിരുനാൾ മഹാരാജാവിൻ്റെയും അശ്വതിതിരുനാൾ ഇളയതമ്പുരാൻ്റെയും കൃതികൾ എന്നിവയെക്കുറിച്ച് വിശദമായി പ്രതിപാദിക്കുന്നുണ്ട്.

തിരുവനന്തപുരം ജില്ലയിലെ സി.വി. സ്മാരക ഗ്രന്ഥശാലയിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്

1963-ൽ പ്രസിദ്ധീകരിച്ച, കോട്ടയത്തു തമ്പുരാൻ എഴുതിയ കിർമ്മീരവധം ആട്ടക്കഥ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

മഹാഭാരതത്തിലെ ഒരു ചെറിയ സംഭവത്തെ ആസ്പദമാക്കി വീര്യം, പ്രതികാരം, ധർമ്മം, അധർമ്മം എന്നിവയുടെ സംഘർഷം ശക്തമായി അവതരിപ്പിക്കുന്ന ആട്ടക്കഥയാണ് കോട്ടയത്തു തമ്പുരാൻ്റെ കിർമ്മീരവധം. കിർമ്മീരൻ്റെ ക്രൂരതയ്ക്കെതിരെ ഭീമൻ നടത്തുന്ന പോരാട്ടവും ഒടുവിലെ വിജയവും കൃതിയുടെ പ്രധാന ആകർഷണമാണ്.ഭീമൻ്റെ അസാമാന്യമായ ശൗര്യത്തെ ഉയർത്തിക്കാട്ടുന്നതോടൊപ്പം, പ്രതിസന്ധികൾക്കു മുന്നിൽ തളരാതെ ധൈര്യത്തോടെ നിലകൊള്ളണമെന്ന സന്ദേശവും കിർമ്മീരവധം നൽകുന്നു. അതുകൊണ്ടുതന്നെ മലയാള ആട്ടക്കഥാ സാഹിത്യത്തിലെ ശ്രദ്ധേയമായ കൃതികളിലൊന്നായി ഇത് വിലയിരുത്തപ്പെടുന്നു.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1944 – ൽ പ്രസിദ്ധീകരിച്ച, ബാബു ദ്വിജേന്ദ്രലാൽ റായി രചിച്ച് സി. ഗോവിന്ദക്കുറുപ്പ് പരിഭാഷപ്പെടുത്തിയ ഭാരതരമണിഎന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ബംഗാളി സാഹിത്യകാരനും നാടകകൃത്തുമായ ദ്വിജേന്ദ്രലാൽ റായിയുടെ കൃതിയുടെ മലയാള പരിഭാഷയായി പ്രസിദ്ധീകരിക്കപ്പെട്ടതാണ് ഭാരതരമണി. പരിഭാഷ നിർവ്വഹിച്ചിരിക്കുന്നത് മഹാകവി വള്ളത്തോളിൻ്റെ നാലാമത്തെ പുത്രനായ സി. ഗോവിന്ദക്കുറുപ്പാണ്. ചരിത്രബോധം, സ്ത്രീത്വം, സാമൂഹിക മൂല്യങ്ങൾ, അനാചാരങ്ങൾക്കെതിരെയുള്ള പ്രതിരോധം തുടങ്ങിയ വിഷയങ്ങൾ നാടകത്തിൻ്റെ പ്രമേയത്തിൽ പ്രതിഫലിക്കുന്നു. വ്യക്തിജീവിതത്തിലെ വികാരങ്ങളും രാജ്യത്തോടുള്ള കടമയും തമ്മിലുള്ള സംഘർഷമാണ് കഥയുടെ പ്രധാന സവിശേഷത. സ്ത്രീയെ വെറും കുടുംബകേന്ദ്രിതമായ കഥാപാത്രമായി കാണാതെ, ധീരതയും തീരുമാനശേഷിയും ദേശബോധവും ഉള്ള വ്യക്തിത്വമായി അവതരിപ്പിക്കുന്നതാണ് കൃതിയുടെ ശ്രദ്ധേയമായ വശം.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1935 ൽ പ്രസിദ്ധീകരിച്ച, കെ. ശങ്കരപ്പിള്ള എഴുതിയ വ്യാഖ്യാനത്തോടും നിരൂപണത്തോടും കൂടിയ ത്രിപുരദഹനം - പറയൻ തുള്ളൽ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ത്രിപുരദഹനം പുരാണകഥയെ ആസ്പദമാക്കിയുള്ള ഒരു പറയൻ തുള്ളൽ കൃതിയാണ്. ത്രിപുരാസുരന്മാരുടെ അഹങ്കാരവും അധർമ്മവും മൂലം ദേവന്മാരും ലോകവും ദുരിതത്തിലാകുന്നതാണ് കഥയുടെ പശ്ചാത്തലം. അസുരന്മാരുടെ ഉപദ്രവം അവസാനിപ്പിക്കാൻ ദേവന്മാർ ശിവനെ അഭയം പ്രാപിക്കുന്നു. തുടർന്ന് ശിവൻ ത്രിപുരങ്ങളെ നശിപ്പിക്കുന്നതും അധർമ്മത്തിനുമേൽ ധർമ്മം വിജയം നേടുന്നതുമാണ് കൃതിയുടെ പ്രധാന പ്രമേയം.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1913 – ൽ പ്രസിദ്ധീകരിച്ച, ജീവൻ, വെളിച്ചം, വെടിപ്പ് എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

1913-ൽ അച്ചടിച്ച 'ജീവൻ, വെളിച്ചം, വെടിപ്പ്' എന്ന ബോധവൽക്കരണ ഗ്രന്ഥം വ്യക്തിശുചിത്വത്തിൻ്റെയും പൊതുജനാരോഗ്യത്തിൻ്റെയും അത്യന്താപേക്ഷിത പ്രാധാന്യം ജനങ്ങളെ ബോധ്യപ്പെടുത്തുന്ന ഒരു വഴികാട്ടിയാണ്. അന്ധവിശ്വാസങ്ങളും വിധിചിന്തയും കാരണം പകർച്ചവ്യാധികളെ ഭയന്നു ജീവിച്ചിരുന്ന ഒരു സമൂഹത്തിന് ശാസ്ത്രീയമായ ആരോഗ്യപരിപാലന മാർഗ്ഗങ്ങൾ പരിചയപ്പെടുത്തുകയാണ് ഈ പുസ്തകത്തിൻ്റെ ലക്ഷ്യം. രോഗപ്രതിരോധത്തിന് അത്യാവശ്യമായ ശുദ്ധജലം, ശുദ്ധവായു, പോഷകാഹാരം, ശരീരവ്യായാമം, വസ്ത്രശുചിത്വം എന്നിവയെക്കുറിച്ചും, വീടുകളിലും നഗരങ്ങളിലും പാലിക്കേണ്ട ശുചിത്വക്രമങ്ങളെക്കുറിച്ചും ഇതിൽ വിശദമായി പ്രതിപാദിക്കുന്നു. അക്കാലത്ത് ജനങ്ങളെ മുടിച്ച ഭീകരരോഗങ്ങളായ മലമ്പനി, കോളറ, വസൂരി, പ്ലേഗ് എന്നിവ പടരുന്ന വഴികളും, കൊതുകുകളെയും എലികളെയും നശിപ്പിക്കുന്നതിലൂടെയും വാക്സിനേഷനിലൂടെയും അവയെ എങ്ങനെ തടയാം എന്നും ലളിതമായ ഉദാഹരണങ്ങളിലൂടെ ഈ പുസ്തകം വ്യക്തമാക്കുന്നു.

കോഴിക്കോട് ജില്ലയിലെ പറയഞ്ചേരി സെൻഗുപ്ത പബ്ലിക് ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്.

1939 ൽ പ്രസിദ്ധീകരിച്ച, കെ.എസ്സ്.എൻ. ഉണ്ണി എഴുതിയ ടിപ്പണത്തോടു കൂടിയ സഭാപ്രവേശം - പറയൻ തുള്ളൽ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ഇന്ദ്രപ്രസ്ഥത്തിൽ വിചിത്രമായ ഒരു സഭാഗൃഹമുണ്ടായിരുന്നു. രാജസൂയയാഗത്തിന് ശേഷം അതിൽ ഒരു പ്രധാന ഭാഗക്കാരനായിരുന്ന ദുര്യോധനൻ കുറെദിവസംകൂടി ഇന്ദ്രപ്രസ്ഥത്തിൽതന്നെ താമസിക്കുകണ്ടായി. അകാലത്തൊരിക്കൽ ദുര്യോധനൻ സഭാഗൃ ഹം കാണുന്നതിനായി അതിന്നുള്ളിൽ കടന്നു ശില്പചാ തുരികൾ നോക്കി നടന്നു. കാഴ്ചക്കാരിൽ സ്ഥലജലഭ്രാന്തിയുണ്ടാക്കിത്തീർക്കുക എന്നുള്ളതായിരുന്നു ആ ഗൃഹത്തിൻ്റെ പ്രധാന ഗുണം. തന്മൂലം ദുര്യോധനൻ സ്ഥലത്തിൽ ജലമുണ്ടെന്നു ഭ്രമിച്ചു വസ്ത്രം ഉയർത്തിപ്പിടിച്ചു കൊണ്ടു നടക്കുകയും ജലമുള്ള സ്ഥലഭ്രമം മൂലം ചാടി കഷ്ടപ്പെടുകയും ചെയ്തു. ഇതെല്ലാം കണ്ടുകൊണ്ടിരുന്ന ഭീമസേനൻ തുടങ്ങിയുള്ളവർ കൈകൊട്ടി ചിരിച്ചതിനാൽ കോപവും സങ്കടവും ലജ്ജയും നിമിത്തം മനം നൊന്തിരുന്ന ദുര്യോധനൻ ഉടനെ ഹസ്തിനപുരത്തേക്കു തിരിച്ചു പോയി. ഇതാണ് ഈ കഥയുടെ ബീജം. മഹാഭാരതത്തിലെ ഈ കഥ അല്പമായ വ്യത്യാസത്തോടുകൂടിയാണ് മൂലകൃതിയുടെ കർത്താവായ കുഞ്ചൻ നമ്പ്യാർ തൻ്റെ കവിതയ്ക്ക് വിഷയമാക്കിയിട്ടുള്ളത്.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.