Release notes

2,924 release notes

1938 – ൽ പ്രസിദ്ധീകരിച്ച, മാണിക്കത്ത് ഭാസ്കരമേനോൻ രചിച്ച ദുർമ്മോഹനർമ്മോക്തി എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ഗ്രന്ഥകാരനായ മാണിക്കത്ത് ഭാസ്കരമേനോൻ നിരവധി വർഷങ്ങളായി രചിച്ചിട്ടുള്ള ശ്ലോകങ്ങൾ, കവിതകൾ, ഹാസ്യരചനകൾ, പ്രസംഗങ്ങൾ തുടങ്ങിയവയിൽ നിന്ന് തെരഞ്ഞെടുത്തവയാണ് ഈ ഗ്രന്ഥത്തിൽ ഉൾപ്പെടുത്തിയിരിക്കുന്നത്. അദ്ദേഹത്തിൻ്റെ രചനകളിൽ ഹാസ്യവും, സാഹിത്യഭംഗിയും, തത്ത്വചിന്തയും ഒരുമിച്ചുചേർന്നിരിക്കുന്നതായി പ്രസാധകൻ പറയുന്നു. ഇതൊരു ശ്ലോകകാവ്യസമാഹാരം ആണ്. ദുർമോഹങ്ങൾ (തെറ്റായ ആസക്തികൾ), മനുഷ്യൻ്റെ അഹങ്കാരം, സാമൂഹിക ദോഷങ്ങൾ എന്നിവയെ വിമർശിക്കുന്നു. ഭഗവത്ഗീതയുടെയും ഇന്ത്യൻ ദാർശനികചിന്തയുടെയും സ്വാധീനം ഈ കൃതിയിൽ കാണാം.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

കാറൽ മാർക്സ് രചിച്ച ഇന്ത്യാചരിത്രക്കുറിപ്പുകൾ  എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ഇന്ത്യയിലെ ബ്രിട്ടീഷ് വാഴ്ചയുടെ വികസനം പടിപടിയായി വിശകലനം ചെയ്യുന്ന ഗ്രന്ഥമാണിത്. ബ്രിട്ടീഷുകാർ ഇന്ത്യയിൽ നിലനിർത്തി പോന്ന സ്വേച്ഛാധികാരപരമായ ഭരണസമ്പ്രദായങ്ങളെയും ഇന്ത്യയിലെ ബ്രിട്ടീഷ് ഭരണാധികാരികളുടെ നീണ്ട പട്ടികയും ഇതിൽ വിശദമാക്കുന്നു. ഇന്ത്യക്കാരുടെ നേരെയുള്ള ആക്രമണപരമായ ചൂഷണങ്ങളുടെ ഫലമായി ഇംഗ്ലീഷ് കൊളോണിയൽ സാമ്രാജ്യം വളർന്നുവന്നതിൻ്റെ സാഹചര്യവും ബ്രിട്ടീഷ്ഭരണം മൂലം ഭാരതത്തിൽ ഉണ്ടായ സാമ്പത്തികവും രാഷ്ട്രീയവുമായ പ്രത്യാഘാതങ്ങളും ഇതിൽ ചൂണ്ടിക്കാണിക്കുന്നു.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1949 – ൽ പ്രസിദ്ധീകരിച്ച,  പി.എം. അനന്തൻ രചിച്ച കമാലിസ്റ്റ് തുർക്കി എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

തുർക്കിയിലെ കമാൽ പാഷ നയിച്ച നവീകരണ പ്രസ്ഥാനത്തെയും അതിൻ്റെ സാമൂഹ്യ-രാഷ്ട്രീയ മാറ്റങ്ങളെയും വിശദീകരിക്കുന്ന ഒരു കൃതിയാണിത്. ഒട്ടോമൻ സാമ്രാജ്യത്തിൻ്റെ വീഴ്ചയ്ക്കുശേഷം ആധുനിക തുർക്കിയെ രൂപപ്പെടുത്തിയ വിധം വിശദീകരിക്കുന്നതോടൊപ്പം തന്നെ മതാധിഷ്ഠിത ഭരണത്തിൽ നിന്ന് മതനിരപേക്ഷ രാഷ്ട്രത്തിലേക്കുള്ള തുർക്കിയുടെ മാറ്റം എന്ന പ്രധാന വിഷയമാണ് പുസ്തകത്തിൻ്റെ ഉള്ളടക്കം.വിദ്യാഭ്യാസം, നിയമം, വസ്ത്രധാരണം, സ്ത്രീകളുടെ അവകാശങ്ങൾ തുടങ്ങിയ മേഖലകളിൽ നടപ്പാക്കിയ പരിഷ്കാരങ്ങളെ പുസ്തകം വിശകലനം ചെയ്യുന്നു. പാശ്ചാത്യവൽക്കരണവും ദേശീയതയും ചേർന്ന “കമാലിസം” എന്ന ആശയം എങ്ങനെ പുതിയ തുർക്കി സമൂഹത്തെ നിർമ്മിച്ചു എന്നതും അവതരിപ്പിക്കുന്നു.ചരിത്രപരമായ വിവരണത്തോടൊപ്പം സാമൂഹ്യ-രാഷ്ട്രീയ വിമർശനശൈലിയിലും ഈ കൃതി എഴുതപ്പെട്ടിട്ടുള്ളതിനാൽ, 20-ാം നൂറ്റാണ്ടിലെ തുർക്കി നവോത്ഥാനം മനസ്സിലാക്കാൻ ഇത് സഹായകരമാണ്.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1952 – ൽ പ്രസിദ്ധീകരിച്ച, രാമതീർത്ഥൻ രചിച്ച രാമതീർത്ഥപ്രതിധ്വനികൾ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

സ്വാമി രാമതീർത്ഥയുടെ ഇൻ വുഡ്‌സ് ഓഫ് ഗോഡ്-റിയലൈസേഷൻ ഗ്രന്ഥത്തിൻ്റെ പരിഭാഷയായ രാമതീർത്ഥപ്രതിധ്വനികൾ എന്നത് ഭാരതീയ വേദാന്ത ചിന്തകളെ ലളിതമായി വിവരിക്കുന്ന ഒരു പ്രശസ്ത ആത്മീയ-തത്വശാസ്ത്ര ഗ്രന്ഥമാണ്. മനുഷ്യനും ദൈവവും ഒന്നാണെന്ന അദ്വൈത ദർശനവും, ആത്മീയതയെ ദൈനംദിന ജീവിതത്തിൽ എങ്ങനെ പ്രായോഗികമാക്കാം എന്നതുമാണ് ഇതിൻ്റെ പ്രധാന ഉള്ളടക്കം. ഭയം, ദുഃഖം എന്നിവയിൽ നിന്ന് മുക്തി നേടി മാനസിക സമാധാനവും ആത്മവിശ്വാസവും കണ്ടെത്താൻ സഹായിക്കുന്ന കഥകളും ഉദാഹരണങ്ങളും നിറഞ്ഞതാണ് ഈ പുസ്തകം.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1965 – ൽ പ്രസിദ്ധീകരിച്ച, പള്ളത്ത് രാമൻ രചിച്ച രാജസ്ഥാനപുഷ്‌പം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

മലയാളത്തിലെ പ്രശസ്ത എഴുത്തുകാരൻ പള്ളത്തു രാമൻ്റെ ശ്രദ്ധേയമായ ഒരു ചരിത്രനോവലാണ് രാജസ്ഥാനപുഷ്പം. ഒരുകാലത്ത് ധീരയോദ്ധാക്കളുടെ കേന്ദ്രമായിരുന്ന ചിത്തോർ കോട്ടയുടെ പശ്ചാത്തലത്തിലാണ് ഈ കഥ വികസിക്കുന്നത് . സുൽത്താൻ അലാവുദ്ദീൻ ഖിൽജിയുടെ അധിനിവേശവും റാണി പത്മിനിയുടെ ആത്മാഭിമാനത്തിനായുള്ള പോരാട്ടവുമാണ് നോവലിൻ്റെ പ്രധാന ഇതിവൃത്തം. രജപുത്രന്മാരുടെ അസാമാന്യ വീര്യവും മാതൃഭൂമിയോടുള്ള ഭക്തിയും ഇതിൽ വശ്യമായി ആവിഷ്കരിച്ചിരിക്കുന്നു.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1936 – ൽ പ്രസിദ്ധീകരിച്ച, ജി.ആർ. പിള്ള  രചിച്ച ഗ്രാമീണ പുനരുദ്ധാരണം  എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ഓരോ രാജ്യത്തിൻ്റെയും ആത്മാവ് ഗ്രാമങ്ങളിലാണ് കുടികൊള്ളുന്നത്. ഗ്രാമീണപുനരുദ്ധാരണം ഇന്ന് ഇന്ത്യയിലെ പ്രധാന പ്രശ്നങ്ങളിലൊന്നാണ്. പരിഷ്കൃതമായകൃഷി, സഹകരണം മൂലമുള്ള ഉല്പാദനം, ധനസഹായം, വിതരണം, വിക്രയം, ആദായം വർദ്ധിപ്പിക്കുന്നതിനായി കുടിൽവ്യവസായങ്ങൾ, ആരോഗ്യവാനായി വർത്തിക്കുന്നതിനു വേണ്ട പ്രവർത്തികൾ, ഗ്രാമജീവിതത്തിനുതകിയ വിദ്യാഭ്യാസം എന്നിങ്ങനെയുള്ള പുതിയ മാറ്റങ്ങൾ ഇന്ത്യൻഗ്രാമങ്ങളിലും എത്തേണ്ടതുണ്ട് . ഇതിന് വേണ്ട മാർഗങ്ങളാണ് ഈ പുസ്തകത്തിൽ വിവരിച്ചിരിക്കുന്നത്.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1946 – ൽ പ്രസിദ്ധീകരിച്ച,  ആധുനിക റഷ്യ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

രണ്ടാം ലോകമഹായുദ്ധത്തിൻ്റെ കനൽവഴികളിൽ സോവിയറ്റ് യൂണിയൻ കെട്ടിപ്പടുത്ത സമാനതകളില്ലാത്ത അതിജീവനത്തിൻ്റെയും, കമ്മ്യൂണിസ്റ്റ് ഭരണകൂടം വിഭാവനം ചെയ്ത വിപ്ലവകരമായ രാഷ്ട്രീയ-വിദ്യാഭ്യാസ നയങ്ങളുടെയും ആധികാരികമായ ചരിത്രവിന്യാസമാണിത്. വെറുമൊരു ചരിത്രവിവരണത്തിനപ്പുറം, ഒരു സോഷ്യലിസ്റ്റ് രാഷ്‌ട്രത്തിൻ്റെ അധികാരവും രാഷ്ട്രീയവും ജനതയുടെ പുരോഗതിക്കായി എങ്ങനെ വിനിയോഗിക്കപ്പെട്ടു എന്ന് വ്യക്തമാക്കുന്ന രാഷ്ട്രീയ പ്രബന്ധം കൂടിയാണിത്. ഒക്ടോബർ വിപ്ലവത്തിന് മുൻപ് വെറും 33 ശതമാനം മാത്രമായിരുന്ന റഷ്യയിലെ സാക്ഷരതാനിരക്ക്, സോഷ്യലിസ്റ്റ് ഭരണകൂടത്തിൻ്റെ ദീർഘവീക്ഷണം മൂലം കാൽ നൂറ്റാണ്ടു കൊണ്ട് 100 ശതമാനത്തിലേക്ക് ഉയർന്നത് കൃത്യമായ സ്ഥിതിവിവരക്കണക്കുകളിലൂടെ വ്യക്തമാക്കപ്പെടുന്നു. പുസ്തകപ്പഠനത്തിനൊപ്പം കല, കായികം, ഫാക്ടറികളിലും കൃഷിയിടങ്ങളിലുമുള്ള പ്രായോഗിക തൊഴിൽ പരിശീലനം എന്നിവ സമന്വയിപ്പിച്ച ‘പോളിടെക്നിക്’ വിദ്യാഭ്യാസ രീതിയാണ് അവിടെ നടപ്പിലാക്കിയത്. സ്വന്തമായി ലിപിയോ എഴുത്തുഭാഷയോ പോലുമില്ലാതിരുന്ന പിന്നാക്ക ഗോത്രവിഭാഗങ്ങൾക്ക് പുതിയ ലിപികൾ നിർമ്മിച്ച് നൽകി, അവരുടെ മാതൃഭാഷയിൽത്തന്നെ വിദ്യാഭ്യാസം ഉറപ്പാക്കിയ സോവിയറ്റ് നയം വിപ്ലവകരമായ ഒരു രാഷ്ട്രീയ തീരുമാനമായിരുന്നു. രണ്ടാം ലോകമഹായുദ്ധത്തിൽ നാസി ജർമ്മനി വിദ്യാലയങ്ങൾ ബോംബിട്ട് തകർത്തപ്പോഴും തോറ്റുകൊടുക്കാതെ, ഇരുണ്ട ഗുഹകളെ ക്ലാസ്സ് മുറികളാക്കി മാറ്റി പഠനം തുടർന്ന കുട്ടികളുടെയും അധ്യാപകരുടെയും പോരാട്ടവീര്യവും സവിശേഷമായി അടയാളപ്പെടുത്തുന്നുണ്ട്.

റഷ്യക്കാർ, ഉക്രേനിയക്കാർ, ഉസ്ബെക്കുകൾ തുടങ്ങി ഇരുപതിലധികം വ്യത്യസ്ത ജനവിഭാഗങ്ങളെയും വംശങ്ങളെയും ഒരൊറ്റ പതാകയ്ക്ക് കീഴിൽ അണിനിരത്തി ഫാസിസത്തെ തറപ്പറ്റിച്ച ‘ചെമ്പടയുടെ’ അജയ്യമായ ചരിത്രമാണ് പ്രധാന രാഷ്ട്രീയം. സാധാരണക്കാരായ കർഷകർ പോലും തങ്ങളുടെ ആകെ സമ്പാദ്യം പട്ടാളത്തിന് ടാങ്കും വിമാനവും വാങ്ങാൻ യുദ്ധഫണ്ടിലേക്ക് നൽകിയ ജനകീയ കൂട്ടായ്മയും, സരോജിനി നായിഡു ഉൾപ്പെടെയുള്ള ഇന്ത്യൻ സ്വാതന്ത്ര്യസമര നേതാക്കൾ ചെമ്പടയുടെ ധീരതയെ ഇന്ത്യയുടെ വിമോചനപോരാട്ടങ്ങൾക്ക് ആവേശമായി കണ്ടിരുന്ന പശ്ചാത്തലവും ഇവിടെ ചർച്ചയാകുന്നു. യുദ്ധം ജയിച്ചു തിരിച്ചെത്തുന്ന ദശലക്ഷക്കണക്കിന് സൈനികർക്ക് ഒരൊറ്റ മാസത്തിനകം സൗജന്യ വസ്ത്രം, മികച്ച ജോലി, കൃഷിഭൂമി, വീടുപണിയാൻ പലിശരഹിത ബാങ്ക് വായ്പ എന്നിവ നിയമം മൂലം ഉറപ്പാക്കിയ സോവിയറ്റ് പാർലമെൻ്റിൻ്റെ വിപ്ലവകരമായ പുനരധിവാസ നയത്തിലാണ് വിവരണം അവസാനിക്കുന്നത്. ചുരുക്കത്തിൽ, ഗവൺമെന്റും സാധാരണ ജനങ്ങളും സൈന്യവും തമ്മിലുണ്ടായിരുന്ന ശക്തമായ ഒത്തൊരുമയാണ് സോവിയറ്റ് യൂണിയന്റെ വിജയരഹസ്യമെന്ന് വ്യക്തമാക്കപ്പെടുന്നു.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1910 – ൽ പ്രസിദ്ധീകരിച്ച, കൊട്ടാരത്തിൽ ശങ്കുണ്ണി രചിച്ച രണ്ടാട്ടക്കഥകൾ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

കൊട്ടാരത്തിൽ ശങ്കുണ്ണി രചിച്ച രണ്ട് ആട്ടക്കഥകളുടെ സമാഹാരമാണ് ഇത്. ശ്രീരാമാവതാരം സീതാവിവാഹം എന്നീ ആട്ടക്കഥകളാണ് ഇതിൽ ഉൾപ്പെടുത്തിയിരിക്കുന്നത്.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

Through this post, we are releasing the digital scan of Report On The Administration Of Cochin For The year 1936-1937, published in the year 1938.

The Report On The Administration Of Cochin For The Year 1112 M.E. (1936-1937) is a government document detailing the governance, economic, social, and administrative affairs of the Cochin state for that fiscal year. Published in 1938, it details the operations of the Huzur Secretariat, municipal governance in hubs like Ernakulam and Trichur, and early democratic progress within the Legislative Council. The key infrastructural milestones of the era are highlighted, including the expansion of the Cochin Harbour, the independent Anchal postal system, and the unique Chalakudy-Parambikulam Forest Tramway used for timber transport.

Financially, the report outlines state revenue models driven by land settlements and excise monopolies on salt, tobacco, and abkari. Socially, it captures monumental milestones, specifically recording the local impact of neighboring Travancore's 1936 Temple Entry Proclamation alongside state welfare portfolios dedicated to housing and education initiatives for women, minorities, and the "Depressed Classes." It serves as a vital primary source on a highly progressive princely state transitioning toward modern constitutional reform.

These documents are digitized as part of the Madras University Library digitization project.

1950 – ൽ പ്രസിദ്ധീകരിച്ച, ക.നി.മൂ.സ. ഹോർമീസച്ചൻ രചിച്ച സുവിശേഷത്തിലെ ഈശോ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

സുവിശേഷ ഗ്രന്ഥങ്ങളെ അടിസ്ഥാനപ്പെടുത്തി യേശുക്രിസ്തുവിൻ്റെ ജീവചരിത്രം വിവരിക്കുന്ന ഗ്രന്ഥമാണിത്. ഈശോയുടെ ജനനം, പ്രേഷിതവൃത്തി, ഉപദേശങ്ങൾ, പ്രവർത്തികൾ ഇവയെല്ലാം ഇതിൽ സ്ഥലകാലക്രമം അനുസരിച്ച് കുറിച്ചിരിക്കുന്നു.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1963 -ൽ പ്രസിദ്ധീകരിച്ച, കെ.ആർ. ഗോപാലകൃഷ്ണൻ പരിഭാഷപ്പെടുത്തിയ ആനശാസ്ത്രം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

മാതംഗമുനിയുടെ പുത്രനായ പാലകാപ്യമഹർഷിയാൽ രചിക്കപ്പെട്ടതും വളരെ രഹസ്യമായി സൂക്ഷിച്ചിരുന്നതുമായ അമൂല്യഗ്രന്ഥമാണ് ആനശാസ്ത്രം. അനേകവർഷങ്ങൾ ആനകളോടൊപ്പം കാട്ടിൽ കഴിച്ചുകൂട്ടിയ മഹാമുനി ലോകോപകാരത്തിനായി അരുളിചെയ്തതാണതെ ഈ ഗ്രന്ഥം. ഗജസംരക്ഷണത്തെ കുറിച്ച് വിഞ്ജേയങ്ങളായ അഭിപ്രായങ്ങളും, ലക്ഷണങ്ങളും വിശദമായും ലളിതമായും ക്രോഡീകരിച്ച് ഈ ഗ്രന്ഥത്തിൽ കൊടുത്തിരിക്കുന്നു.ആനകളുടെ ഉൽപ്പത്തി, ലക്ഷണം, സ്ത്രീപുരുഷവ്യത്യാസങ്ങൾ, വയസ്സുകൾ, സത്വഭേദങ്ങൾ, മദഭേദങ്ങൾ, മദം പൊട്ടിയ കാട്ടാനകളെ പിടിച്ചുകെട്ടുന്ന രീതികൾ, ക്രമങ്ങൾ, ഋതുക്കൾ, ആചാരഭേദങ്ങൾ, ഗുണങ്ങൾ എന്നിവയെപറ്റി വിശദമായി പ്രതിപാദിക്കുന്ന കൃതിയാണിത്.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1951 -ൽ പ്രസിദ്ധീകരിച്ച, എൻ. കുമാരനാശാൻ എഴുതിയ രണ്ടു ഖണ്ഡകൃതികൾ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

മഹാകവി കുമാരനാശാൻ്റെ വീണപൂവ്, സിംഹപ്രസവം എന്നീ രണ്ട് ഖണ്ഡ കാവ്യങ്ങളാണ് പുസ്തകത്തിൽ ഉൾക്കൊള്ളിച്ചിട്ടുള്ളത്. കവിതകളിലെ സംസ്കൃത പദങ്ങളുടെ മലയാള അർത്ഥം അടങ്ങുന്ന ഒരു ടിപ്പണം പുസ്തകത്തിൻ്റെ അവസാന ഭാഗത്ത് ചേർത്തിട്ടുണ്ട്.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.