Release notes

2,924 release notes

Through this post, we are releasing the digital scan of History Of Kerala - 1498-1801 Written by K.M. Panikkar published in the year 1960.

A History of Kerala (1498–1801) by K. M. Panikkar is a comprehensive consolidation of his earlier studies (Malabar and the Portuguese and Malabar and the Dutch), expanded to cover the Mysorean invasion of Kerala. Addressing the region's profound lack of political unity during these three centuries, Panikkar weaves a cohesive narrative around the successive interactions of the Portuguese, Dutch, and Mysoreans with Kerala's fragmented feudal landscape. The book traces the dramatic political transformation of the region—from a collection of four kings, forty-six territorial chieftains, and numerous lesser barons in 1498 to the streamlined division of Travancore, Cochin, and British Malabar by 1801. Alongside geopolitical shifts and the exploits of global and indigenous figures like Vasco da Gama, Hyder Ali, Tippu Sultan, and Martanda Varma, the work highlights Kerala’s simultaneous cultural renaissance, celebrating the rise of classical Malayalam literature, Sanskrit scholarship, temple mural art, and the origin of Kathakali.

These documents are digitized as part of the Madras University Library digitization project.

1893 – ൽ പ്രസിദ്ധീകരിച്ച, ബ.ഗീ. സ്തനിസ്ലാവോസു  രചിച്ച  കെരളപ്രസംഗി - ഒന്നാം പുസ്തകം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

പത്തൊൻപതാം നൂറ്റാണ്ടിലെ മലയാള ക്രൈസ്തവ സാഹിത്യചരിത്രത്തിൽ ശ്രദ്ധേയമായ ഒരു പഴയകാല പ്രസിദ്ധീകരണമാണ് 1893-ൽ മാന്നാനത്തെ സെൻ്റ് ജോസഫ്സ് പ്രസ്സിൽ അച്ചടിച്ച കെരളപ്രസംഗി ഒന്നാം പുസ്തകം. ബ. ഗീ. സ്തനിസ്ലാവോസ് കത്തനാരാണ് ഈ കൃതി തയ്യാറാക്കിയിരിക്കുന്നത്. ക്രൈസ്തവ മതപ്രഭാഷണങ്ങളുടെ സമാഹാരമാണ് ഇത്. ആദ്യകാല ക്രൈസ്തവ പ്രസംഗസാഹിത്യത്തിൻ്റെയും കത്തോലിക്കാ സഭയുടെ മതബോധന പ്രവർത്തനങ്ങളുടെയും ചരിത്രം പഠിക്കുന്നവർക്ക് ഈ ഗ്രന്ഥം വിലപ്പെട്ട ഒരു ചരിത്രരേഖയാണ്. മാന്നാനത്തെ സെൻ്റ് ജോസഫ്സ് പ്രസ്സിൻ്റെ പത്തൊൻപതാം നൂറ്റാണ്ടിലെ അച്ചടിപ്രവർത്തനങ്ങളെക്കുറിച്ചും ഈ പുസ്തകം സാക്ഷ്യപ്പെടുത്തുന്നു.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1925 – ൽ പ്രസിദ്ധീകരിച്ച, ബങ്കിമചന്ദ്ര ശതോപാധ്യായ രചിച്ച, സി.എസ്സ്. സുബ്രഹ്മണ്യൻ പോറ്റി പരിഭാഷപ്പെടുത്തിയ ദുർഗ്ഗേശനന്ദിനി എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ബംഗാളി സാഹിത്യത്തിലെ പ്രമുഖ നോവലിസ്റ്റായ ബങ്കിംചന്ദ്ര ശതോപാധ്യായയുടെ പ്രശസ്തമായ ചരിത്രനോവലാണ് ദുർഗ്ഗേശനന്ദിനി. 1865-ൽ ബംഗാളിയിൽ പ്രസിദ്ധീകരിച്ച ഈ കൃതി ഇന്ത്യൻ ഭാഷകളിലെ ആദ്യകാല ആധുനിക നോവൽ സാഹിത്യവികാസത്തിൽ പ്രധാന സ്ഥാനമുള്ളതാണ്. ചരിത്രവും പ്രണയവും സാഹസികതയും സമന്വയിപ്പിച്ചുകൊണ്ടാണ് ഈ നോവൽ രചിച്ചിരിക്കുന്നത്. മുഗൾ ഭരണകാലത്തെ ബംഗാളിൻ്റെ രാഷ്ട്രീയ പശ്ചാത്തലവും അഫ്ഗാൻ ശക്തികളുമായുള്ള സംഘർഷങ്ങളും കഥയുടെ ചരിത്രപശ്ചാത്തലമായി വരുന്നു. അക്ബർ ചക്രവർത്തിയുടെ ഭരണകാലത്ത് പതിനാറാം നൂറ്റാണ്ടിലെ ബംഗാളിൽ മുഗൾ സൈന്യവും പഠാൻ ശക്തികളും തമ്മിൽ നടന്ന രാഷ്ട്രീയ-സൈനിക സംഘർഷങ്ങളുടെ പശ്ചാത്തലത്തിലാണ് കഥ വികസിക്കുന്നത്. മുഗൾ സൈന്യത്തിലെ രജപുത്ര സൈനികനായ ജഗത് സിംഗ്, ഒരു പ്രാദേശിക പ്രഭുവിന്റെ മകളായ തിലോത്തമ, പഠാൻ നേതാവിൻ്റെ മകളായ ആയിഷ എന്നിവരുടെ പ്രണയവും ജീവിതസംഘർഷങ്ങളുമാണ് നോവലിൻ്റെ പ്രധാന പ്രമേയം. പ്രണയം, ത്യാഗം, ധീരത, മതസൗഹാർദ്ദം, രാഷ്ട്രീയ വൈരങ്ങൾ എന്നിവ കഥയിൽ ഇഴചേരുന്നു.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1962-ൽ പ്രസിദ്ധീകരിച്ച, മാടശ്ശേരി മാധവവാര്യർ എഴുതിയ കുഞ്ചൻ വരെ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

മാടശ്ശേരി മാധവവാര്യരുടെ കുഞ്ചൻ വരെ എന്ന ഈ കൃതി, മലയാള സാഹിത്യത്തിൻ്റെ പ്രാചീന കാലഘട്ടത്തെയും കുഞ്ചൻ നമ്പ്യാരുടെ കാലഘട്ടം വരെയുള്ള സാഹിത്യ പ്രസ്ഥാനങ്ങളെയും കുറിച്ചുള്ള ആഴത്തിലുള്ള ഒരു വിമർശനാത്മക പഠനമാണ്. ഗ്രന്ഥങ്ങൾ സ്വയം വായിച്ചു പഠിക്കാനും, അവയെ കൃത്യമായ രീതിയിൽ അപഗ്രഥിച്ച് പുതിയ അറിവുകൾ നേടാനും വായനക്കാരെ പ്രേരിപ്പിക്കുക എന്നതാണ് ഇതിൻ്റെ പ്രധാന ലക്ഷ്യം. സ്വന്തം അഭിപ്രായങ്ങളെ മാത്രം അടിസ്ഥാനമാക്കാതെ, വിശ്വസനീയമായ നിർദ്ദേശങ്ങളും ചരിത്രപരമായ വസ്തുതകളും ഉൾപ്പെടുത്തിക്കൊണ്ട് സാഹിത്യ ചരിത്രം പഠിക്കാൻ ആഗ്രഹിക്കുന്ന വിദ്യാർത്ഥികൾക്കും വായനക്കാർക്കും ഇതൊരു മികച്ച വഴികാട്ടിയാണ്.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1938 – ൽ പ്രസിദ്ധീകരിച്ച, എസ്.കെ. ബാലകൃഷ്ണൻ രചിച്ച രാഷ്ട്രപതി സുഭാസ് ചന്ദ്രബോസ് എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ഇന്ത്യൻ നാഷണൽ കോൺഗ്രസ് പ്രസിഡൻ്റായി സുഭാസ് ചന്ദ്രബോസ് തിരഞ്ഞെടുക്കപ്പെട്ട കാലഘട്ടത്തിൽ, അദ്ദേഹത്തിൻ്റെ ജീവിതത്തെയും ദേശീയ പ്രസ്ഥാനത്തിലെ ഇടപെടലുകളെയും കുറിച്ച് മലയാളത്തിൽ രചിക്കപ്പെട്ട എസ്.കെ. ബാലകൃഷ്ണൻ തയ്യാറാക്കിയ ലഘുജീവചരിത്രമാണ് 'രാഷ്ട്രപതി സുഭാസ് ചന്ദ്രബോസ്'. "സ്വാതന്ത്ര്യം തന്നെ അമൃതം, സ്വാതന്ത്ര്യം തന്നെ ജീവിതം" എന്ന മഹാകവി കുമാരനാശാൻ്റെ വരികളോടെ ആരംഭിക്കുന്ന ഈ കൃതി, മാതൃരാജ്യത്തിൻ്റെ മോചനത്തിനായി യൗവ്വനവും ജീവിതവും സമർപ്പിച്ച ഒരു വിപ്ലവകാരിയുടെ പോരാട്ടവഴികളെ അടുത്തറിയാൻ സഹായിക്കുന്നു. ഒരു സാധാരണ വിദ്യാർത്ഥിയിൽ നിന്നും ഇന്ത്യൻ യുവത്വത്തിൻ്റെ ആവേശമായി മാറിയ ബോസിൻ്റെ സത്യസന്ധതയും, അചഞ്ചലമായ ദേശാഭിമാനവും, കഠിനമായ കാരാഗൃഹവാസങ്ങളും ലളിതവും ഹൃദ്യവുമായ ഭാഷയിൽ ഈ ഗ്രന്ഥം വരച്ചുകാട്ടുന്നു. രാജ്യത്തിൻ്റെ സ്വാതന്ത്ര്യലബ്ധിക്കായി ഏത് ത്യാഗത്തിനും സന്നദ്ധനാകാൻ യുവതലമുറയ്ക്ക് പ്രചോദനമേകുന്ന, ചരിത്രപ്രാധാന്യമുള്ള ഒരു അപൂർവ്വ ജീവചരിത്ര കൃതിയാണിത്.

കോഴിക്കോട് ജില്ലയിലെ പറയഞ്ചേരി സെൻഗുപ്ത പബ്ലിക് ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്.

1962 – ൽ പ്രസിദ്ധീകരിച്ച, പബ്ലിക്കേഷൻസ് ഡിവിഷൻ രചിച്ച സത്യത്തിൻ്റെ ഭൂമി തപസ്സിൻ്റെ രാജ്യം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

1962 ജനുവരിയിൽ വാർത്താ പ്രക്ഷേപണ വകുപ്പിൻ്റെപബ്ലിക്കേഷൻസ് ഡിവിഷൻ പ്രസിദ്ധീകരിച്ച 'സത്യത്തിൻ്റെ ഭൂമി തപസ്സിൻ്റെ രാജ്യം' എന്ന ഈ ഗ്രന്ഥം ഭാരതീയ സംസ്കാരത്തിൻ്റെ അഖണ്ഡതയെയും വൈവിധ്യങ്ങളിലെ ഐക്യത്തെയും കുറിച്ചാണ് പ്രതിപാദിക്കുന്നത്. സത്യത്തെയും അഹിംസയെയും ത്യാഗത്തെയും പരമപ്രധാനമായി കാണുന്ന ഭാരതീയ പാരമ്പര്യം സിന്ധുനദീതട സംസ്കാരം മുതൽ ആധുനിക യുഗം വരെ എങ്ങനെ അഭംഗുരം നിലനിന്നു എന്ന് ഈ കൃതി വിശകലനം ചെയ്യുന്നു. ആര്യ-ദ്രാവിഡ സംസ്കാരങ്ങളുടെ സംയോജനവും, ഹിന്ദുമതം, ബുദ്ധ-ജൈന ദർശനങ്ങൾ, മധ്യകാലഘട്ടത്തിലെ ഇസ്ലാം മതത്തിൻ്റെ സ്വാധീനം, ഭക്തി-സൂഫി പ്രസ്ഥാനങ്ങൾ എന്നിവ ഭാരതീയ ജീവിതരീതിയിലും ഭാഷയിലും കലയിലും സൃഷ്ടിച്ച സാംസ്കാരിക സമന്വയവും ഇതിൽ വ്യക്തമാക്കുന്നുണ്ട്. മഹാത്മാഗാന്ധി, ജവാഹർലാൽ നെഹ്രു തുടങ്ങിയ മഹാന്മാരുടെ കാഴ്ചപ്പാടുകളിലൂടെ സഹിഷ്ണുതയിലും പരസ്പര ബഹുമാനത്തിലും അധിഷ്ഠിതമായ ഭാരതത്തിൻ്റെ സാംസ്കാരിക പൈതൃകത്തെയാണ് ഈ ഗ്രന്ഥം പരിചയപ്പെടുത്തുന്നത്

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

Through this post, we are releasing the digital scan of The Annual Report of the Archeological Department of the Cochin State for the Year 1927-1928  published in the year 1929.

This document presents the Annual Report of the Archaeological Department of Cochin State for the year 1927–1928, submitted by the Government Archaeologist, P. Anujan Achan. The report outlines significant administrative progress, extensive conservation efforts, field explorations, and research activities undertaken during the period. Key highlights include the exploration and excavation of historical sites, ancient monuments, and megalithic structures like dolmens at Vaniyampara and Porkalam in collaboration with experts such as Dr. B.S. Guha. Furthermore, the department made notable epigraphical discoveries—including the Trippunithura Inscription of King Kodai Ravi and a Hebrew inscription from Chennamangalam—alongside preserving ancient mural paintings and sculptures. Public outreach was also prioritized through the publication of archaeological reports, a freely distributed Malayalam pamphlet, and gazette leaflets, while the State Museum's archaeological section, the departmental reference library, and the Rama Vrama Research Institute saw remarkable growth and scholarly engagement, reflecting a major expansion in Cochin State's heritage preservation efforts.

These documents are digitized as part of the Madras University Library digitization project.

1962 – ൽ പ്രസിദ്ധീകരിച്ച, ചട്ടമ്പിസ്വാമികൾ രചിച്ച  പ്രാചീനമലയാളം - ഒന്നാംഭാഗം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ചട്ടമ്പിസ്വാമികൾ രചിച്ച ചരിത്ര ഗവേഷണ കൃതിയാണ് പ്രാചീനമലയാളം ഒന്നാം ഭാഗം. പരശുരാമൻ സമുദ്രത്തിൽ നിന്നും വീണ്ടെടുത്ത മലയാളഭൂമി ബ്രാഹ്മണർക്ക് ദാനം നൽകിയെന്നും, അതിനാൽ അവർക്ക് ഇവിടെ ജന്മാവകാശവും കുലശ്രേഷ്ഠതയുമുണ്ടെന്നുമുള്ള പരമ്പരാഗത വാദങ്ങളെ യുക്തിഭദ്രമായി ഖണ്ഡിക്കുകയാണ് സ്വാമികൾ ഈ കൃതിയിലൂടെ ചെയ്യുന്നത്. സഹ്യാദ്രിഖണ്ഡം, കേരളമാഹാത്മ്യം, കേരളോല്പത്തി തുടങ്ങിയ ബ്രാഹ്മണപരമായ പ്രമാണഗ്രന്ഥങ്ങളിലെ പരസ്പരവിരുദ്ധമായ പ്രസ്താവനകളെ ചൂണ്ടിക്കാണിച്ചുകൊണ്ട് അവയുടെ അവിശ്വാസ്യത അദ്ദേഹം വ്യക്തമാക്കുന്നു. തപസ്സും ജ്ഞാനവും കൊണ്ട് പാപമുക്തനായ പരശുരാമന് വീരഹത്യാപാപപരിഹാരാർത്ഥം ഭൂമി ദാനം ചെയ്യേണ്ട ആവശ്യമില്ലെന്നും, ബ്രാഹ്മണരെ വിദേശത്തുനിന്നും കൊണ്ടുവന്നിട്ടില്ലെന്നും തെളിയിക്കുന്നതിനൊപ്പം, മലയാളഭൂമിയുടെ യഥാർത്ഥ ഉടമസ്ഥാവകാശവും ശ്രേഷ്ഠതയും ആദിമ നിവാസികളായ നായന്മാർക്കാണെന്നും ഈ കൃതി സ്ഥാപിക്കുന്നു.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1928 – ൽ പ്രസിദ്ധീകരിച്ച, ആനന്ദസോപാനം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ആനന്ദസോപാനം ബ്രഹ്മാനന്ദസ്വാമി ശിവയോഗിയുടെ ദാർശനിക ചിന്തകളുമായി ബന്ധപ്പെട്ട പ്രധാനപ്പെട്ട കൃതിയാണ്. ആലത്തൂരിലെ ആനന്ദസിദ്ധാശ്രമത്തിൻ്റെ പ്രസിദ്ധീകരണമായ ഈ ഗ്രന്ഥം ആനന്ദദർശനം, ആത്മീയചിന്ത, മനഃശാന്തി, യുക്തിചിന്ത എന്നിവയ്ക്ക് പ്രാധാന്യം നൽകുന്ന കൃതിയാണ്. മനുഷ്യജീവിതത്തിൻ്റെ പരമമായ ലക്ഷ്യം ആനന്ദമാണെന്നും ആ ആനന്ദം ബാഹ്യമായ ആചാരാനുഷ്ഠാനങ്ങളിലൂടെയല്ല, മറിച്ച് മനസ്സിൻ്റെ സ്വസ്ഥതയിലൂടെയും ആത്മനിയന്ത്രണത്തിലൂടെയുമാണ് കൈവരിക്കേണ്ടതെന്നും ശിവയോഗിയുടെ ദർശനം വ്യക്തമാക്കുന്നു. ജാതിവ്യവസ്ഥ, അന്ധവിശ്വാസങ്ങൾ, അനാചാരങ്ങൾ, വിഗ്രഹാരാധന, മതപരമായ അനുഷ്ഠാനങ്ങൾ എന്നിവയെ യുക്തിയുടെ അടിസ്ഥാനത്തിൽ വിമർശിച്ച ചിന്തകനായിരുന്നു ബ്രഹ്മാനന്ദസ്വാമി ശിവയോഗി. മനുഷ്യരുടെ ആത്മീയവും മാനസികവുമായ പുരോഗതിക്ക് സ്വതന്ത്രചിന്തയും വിവേകവും അനിവാര്യമാണെന്ന ആശയവും അദ്ദേഹത്തിൻ്റെ രചനകളിൽ കാണാം. കേരളത്തിലെ നവോത്ഥാന ചിന്തകളിലും യുക്തിവാദപരമായ ദാർശനിക അന്വേഷണങ്ങളിലും ശ്രദ്ധേയമായ സ്ഥാനമുള്ള ബ്രഹ്മാനന്ദസ്വാമി ശിവയോഗിയുടെ ആശയലോകത്തെ പരിചയപ്പെടാൻ ഈ കൃതി സഹായിക്കുന്നു.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1955 – ൽ പ്രസിദ്ധീകരിച്ച, കൊടുങ്ങല്ലൂർ കുഞ്ഞുകുട്ടൻ തമ്പുരാൻ പരിഭാഷ തയ്യാറാക്കിയായ ഭാഷാഭാരതം - നാലാം വാല്യം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

കൊടുങ്ങല്ലൂർ കുഞ്ഞിക്കുട്ടൻ തമ്പുരാൻ എൺപത്തിയേഴ് ദിവസങ്ങൾ കൊണ്ട് മലയാളത്തിലേക്ക് വൃത്താനുവൃത്തം തർജ്ജമ ചെയ്ത മഹത്തായ ഇതിഹാസ പദ്യഗ്രന്ഥമാണ് ഭാഷാഭാരതം. വ്യാസമഹാഭാരതത്തിലെ ഒരു ലക്ഷത്തോളം വരുന്ന ശ്ലോകങ്ങളുടെ തനതായ ഭാവവും അർത്ഥവും  ചോർന്നുപോകാതെ ലളിതമായ മലയാളത്തിൽ അവതരിപ്പിക്കാൻ കഴിഞ്ഞു എന്നതാണ് ഈ കൃതിയുടെ പ്രധാന സവിശേഷത.

സംസ്കൃത പണ്ഡിതന്മാർക്ക് മാത്രം പ്രാപ്യമായിരുന്ന ഇതിഹാസത്തെ സാധാരണക്കാരായ വായനക്കാരിലേക്ക് എത്തിക്കുന്നതിലും മലയാള സാഹിത്യത്തിൻ്റെ പദസമ്പത്ത് വർദ്ധിപ്പിക്കുന്നതിലും ഈ ഗ്രന്ഥം നിർണ്ണായക പങ്കുവഹിച്ചു. ചുരുക്കത്തിൽ, മലയാള സാഹിത്യ ചരിത്രത്തിൽ സമാനതകളില്ലാത്ത വേഗത കൊണ്ടും അപാരമായ കാവ്യ ഭംഗി കൊണ്ടും എന്നും സ്മരിക്കപ്പെടുന്ന കാലാതീതമായ ഒരു അമൂല്യ കൃതിയാണ് ഭാഷാഭാരതം. നാലാം വാല്യത്തിൽ ദ്രോണപർവ്വവും ഭീഷ്മപർവ്വവും ഉൾപ്പെടുത്തിയിരിക്കുന്നു.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

1954-ൽ പ്രസിദ്ധീകരിച്ച, വി.എൻ. ഗോവിന്ദപ്പിള്ള എഴുതിയ ദിവ്യരഹസ്യപ്രകാശികാ ഒന്നാം ഭാഗം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

1954-ദിവ്യരഹസ്യപ്രകാശിക ഒന്നാം ഭാഗം

ഭാരതീയ യോഗവിദ്യയെയും പാശ്ചാത്യ മനശാസ്ത്ര തത്വങ്ങളെയും ഒരേ നൂലിൽ കോർത്തുവെച്ച അപൂർവ്വ ഗ്രന്ഥമാണ് "ദിവ്യരഹസ്യപ്രകാശം". ബോധാനന്ദൻ എന്ന പേരിൽ അറിയപ്പെട്ടിരുന്ന വി. എൻ. ഗോവിന്ദപ്പിള്ള രചിച്ച ഈ കൃതി, ആത്മീയ സാധകർക്കും മനഃശക്തിയെക്കുറിച്ച് പഠിക്കാൻ ആഗ്രഹിക്കുന്നവർക്കും ഒരു മികച്ച വഴികാട്ടിയാണ്. സ്വാമി വിവേകാനന്ദൻ ഹാർവാർഡ് സർവ്വകലാശാലയിൽ വെച്ച് നടപ്പിലാക്കിയ പ്രശസ്തമായ പ്രസംഗത്തെയും ചിന്തകളെയും മുൻനിർത്തിയാണ് ഗ്രന്ഥകർത്താവ് പുസ്തകത്തിൻ്റെ മുഖവുര ആരംഭിക്കുന്നത്. പാശ്ചാത്യ ശാസ്ത്രത്തിലെ ഉൽകൃഷ്ട തത്വങ്ങളും ഭാരതീയ വേദാന്തവും തമ്മിൽ യാതൊരു വിരോധവുമില്ലെന്നും, യോഗസൂത്രങ്ങളിൽ പതഞ്ജലി മഹർഷി പറഞ്ഞിട്ടുള്ള കാര്യങ്ങൾ തന്നെയാണ് ആധുനിക മനശാസ്ത്രവും പരിണാമവാദവും വ്യക്തമാക്കുന്നതെന്നും പുസ്തകം സമർത്ഥിക്കുന്നു. ഗുരു-ശിഷ്യ സംവാദ രൂപത്തിലാണ് പുസ്തകത്തിൻ്റെ ഭൂരിഭാഗവും ആവിഷ്കരിച്ചിരിക്കുന്നത്. സകല ജീവജാലങ്ങളിലും വൃക്ഷലതാദികളിലും ദൈവീകാംശം നിഗൂഢമായിരിക്കുന്നു. ജാതിവ്യത്യാസങ്ങളും അന്ധവിശ്വാസങ്ങളും മനുഷ്യൻ്റെ അഹങ്കാരം കൊണ്ട് ഉണ്ടായതാണെന്നും, യഥാർത്ഥ ശുചിത്വവും വിവേകവുമാണ് പ്രധാനം എന്നും ഗുരു ശിഷ്യന് ഉപദേശിക്കുന്നു.

മെസ്മറിസം (Mesmerism), ആകർഷണ നോട്ടം (Hypnotic gaze), പ്രാണായാമം, ഏകാഗ്രത എന്നിവയെല്ലാം കേവലം അത്ഭുത വിദ്യകളല്ല, മറിച്ച് മനുഷ്യൻ്റെ ഉള്ളിലുള്ള ദൈവീകമായ ആത്മശക്തിയുടെ വികാസമാണെന്ന് ഗ്രന്ഥകാരൻ അഭിപ്രായപ്പെടുന്നു. പുരാണങ്ങളിലെ അത്ഭുത കഥകളെ യുക്തിവാദികൾ പരിഹസിക്കുമ്പോൾ, അവയ്ക്ക് പിന്നിലുള്ള യോഗാത്മകവും തത്ത്വചിന്താപരവുമായ അർത്ഥങ്ങൾ ഗ്രന്ഥകാരൻ ഉദാഹരണസഹിതം വെളിപ്പെടുത്തുന്നു. അതായത് രാവണൻ്റെ പത്ത് തലകൾ എന്നത് ശാന്തതയില്ലാതെ പലവിധ കാമക്രോധ വികാരങ്ങളാൽ അലയുന്ന മനുഷ്യൻ്റെ വികൃത മനസ്സിനെ സൂചിപ്പിക്കുന്നു. പുസ്തകത്തിലെ ഏറ്റവും ആകർഷകമായ ഭാഗം മനസ്സിനെക്കുറിച്ചുള്ള വിവരണം ആണ്. പുറമനം (Conscious Mind), ഉൾമനം (Subconscious Mind), ആനന്ദമനം (Superconscious/Spiritual Mind) ഇങ്ങനെ തലച്ചോറിന്റെ ഘടന അടിസ്ഥാനമാക്കി മനസ്സിനെ മൂന്നായി തിരിച്ചിരിക്കുന്നു. മാത്രമല്ല, മനസ്സിൻ്റെ ശക്തിപ്രയോഗം വഴി രോഗങ്ങൾ സുഖപ്പെടുത്താനും, ഭയം, അജ്ഞത, ഓർമ്മക്കുറവ് എന്നിവ പരിഹരിക്കാനും സാധിക്കുമെന്നും ഗ്രന്ഥകാരൻ അഭിപ്രായപ്പെടുന്നു

ആത്മീയതയെ കേവലം കാടുകയറിയ സന്യാസമായി കാണാതെ, ദൈനംദിന ജീവിതത്തിൽ വിജയവും മനസ്സമാധാനവും നേടാനുള്ള ഉപാധിയായി കാണാൻ 'ദിവ്യരഹസ്യപ്രകാശം' നമ്മെ പഠിപ്പിക്കുന്നു. മനസ്സിൻ്റെ നിഗൂഢ തലങ്ങളെക്കുറിച്ചും യോഗവിദ്യയുടെ പ്രായോഗിക വശങ്ങളെക്കുറിച്ചും പഠിക്കാൻ താല്പര്യമുള്ള ഏതൊരു വായനക്കാരനും തീർച്ചയായും വായിച്ചിരിക്കേണ്ട പുസ്തകമാണിത്

മാതൃഭൂമി വാരികയിൽ പ്രസിദ്ധീകരിച്ചുവരുന്ന ഗ്രന്ഥപ്പുര പംക്തിയിലേക്കും ഗ്രന്ഥപ്പുര ഡിജിറ്റൽ ആർക്കൈവിലേക്കും തങ്ങളുടെ കൈയിലുള്ള പൗരാണിക ഗ്രന്ഥങ്ങൾ നൽകാമെന്ന വാരികയിലെ പരസ്യം കണ്ടാണ് തിരുവനന്തപുരം ബാലരാമപുരത്തു നിന്നുള്ള രാജേഷ് ഈ പുസ്തകം ഡിജിറ്റൈസേഷനു വേണ്ടി നൽകുന്നത്. അദ്ദേഹത്തിൻ്റെ മുത്തച്ഛനായ ശ്രീകണ്ഠൻ നായരുടെ ശേഖരത്തിൽ നിന്നുമാണ് ഈ പുസ്തകം ലഭിച്ചത്. റിട്ടയേഡ് വില്ലേജ് ഓഫീസറായിരുന്ന ശ്രീകണ്ഠൻ നായരും അധ്യാപികയായ ഭാര്യ വിജയമ്മയും നല്ല വായനക്കാരായിരുന്നു എന്നതും അമൂല്യമായ വേറെയും പുസ്തകങ്ങൾ അവരുടെ ശേഖരത്തിൽ ഉണ്ടായിരുന്നു എന്നതും രാജേഷ് ഓർമിച്ചെടുക്കുന്നു. രണ്ടുപേരും ഇപ്പോൾ ജീവിച്ചിരിപ്പില്ല. മാട്ടുചികിത്സാ സാരസംഗ്രഹം എന്ന വേറൊരു പുസ്തകം കൂടി രാജേഷ് ഏൽപ്പിച്ചത് ഗ്രന്ഥപ്പുര ഇതോടൊപ്പം റിലീസ് ചെയ്തിട്ടുണ്ട്

1951 – ൽ പ്രസിദ്ധീകരിച്ച, എം. കുഞ്ഞിരാമപിഷാരോടി രചിച്ച   ഇന്ത്യയിലെ പുരുഷരത്നങ്ങൾ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ഇന്ത്യയിലെ പുരുഷരത്നങ്ങൾ എന്ന ഈഗ്രന്ഥം, ഭാരതത്തിൻ്റെ ആത്മീയ-സാംസ്‌കാരിക-സാമൂഹിക പുരോഗതിക്ക് മഹത്തായ സംഭാവനകൾ നൽകിയ പ്രമുഖ വ്യക്തികളുടെ ജീവിതത്തെയും പ്രവർത്തനങ്ങളെയും പരിചയപ്പെടുത്തുന്നു. സ്വാമി വിവേകാനന്ദൻ്റെ ആത്മീയ സന്ദേശങ്ങൾ, ഗോപാലകൃഷ്ണ ഗോഖലെയുടെ ദേശസേവനവും വിദ്യാഭ്യാസ പ്രവർത്തനങ്ങളും, രവീന്ദ്രനാഥ ടാഗോറിൻ്റെ സാഹിത്യ സംഭാവനകൾ, ജഗദീശചന്ദ്ര ബോസിൻ്റെ ശാസ്ത്രനേട്ടങ്ങൾ, രാജാ രവിവർമ്മയുടെ ചിത്രകലാ മഹിമ, സ്വാതിതിരുനാളിൻ്റെ സംഗീത പാടവം എന്നിവയ്‌ക്കൊപ്പം വി.ഒ. ചിദംബരം പിള്ള, ജവഹർലാൽ നെഹ്‌റു തുടങ്ങിയ പ്രമുഖ നേതാക്കളുടെ ജീവിത സവിശേഷതകളും ഈ കൃതിയിൽ വിശദമായി പ്രതിപാദിക്കുന്നുണ്ട്. വരുംതലമുറയിൽ ദേശസ്നേഹവും സേവനമനോഭാവവും ഉന്നത ആശയങ്ങളും വളർത്തിയെടുക്കാൻ ലക്ഷ്യമിടുന്ന ചരിത്രപരവും ജീവചരിത്രപരവുമായ ഒരു പ്രധാന രേഖയാണിത്.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.