All release notes

Release note

Permalink

CMI സന്ന്യാസസമൂഹത്തിൻ്റെ സ്ഥാപക പിതാക്കളായ മൂന്നു പേരുടെ ജീവചരിത്ര പുസ്തകമായ, 1905ൽ പ്രസിദ്ധീകരിച്ച മലയാളത്തിലെ ക. ദി. മൂ. സഭയുടെ സ്ഥാപക പിതാക്കന്മാർ എന്ന കൃതിയുടെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ക. ദി. മൂ. സഭ (കർമ്മലീത്താ ദിസ്ത്താൾസ് മൂന്നാം സഭ) എന്നായിരുന്നു സി. എം. ഐ സന്യാസ സമൂഹത്തിൻ്റെ തുടക്കത്തിലെ പേര്. പിന്നത് ക. നി. മൂ. സഭ (കർമ്മലീത്താ നിഷ്പാദുക മൂന്നാം സഭ) എന്നായി.  മലയാളത്തിൽ ആദ്യമായി സ്ഥാപിച്ച ഈ കത്തോലിക്ക സന്ന്യാസസഭയുടെ സുവർണ്ണജൂബിലി സ്മാരകമായി പുറത്തിറക്കിയ ഈ കൃതിയിൽ സഭയുടെ സ്ഥാപക പിതാക്കന്മാരായ പാലക്കൽ തോമ്മാമൽപ്പാനച്ചൻ, പോരൂക്കര തോമ്മാമൽപ്പാനച്ചൻ, ചാവറ കുരിയാക്കോസ് ഏലിയാസച്ചൻ എന്നിവരുടെ ജീവചരിത്രങ്ങൾ ചേർത്തിരിക്കുന്നു. സി.എം. ഐ സന്യാസ സമൂഹത്തിൻ്റെ ആദ്യകാലചരിത്രം രേഖപ്പെടുത്തിയിട്ടുള്ള ഒരു കൃതികൂടിയാണിത്.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.