All release notes

Release note

1964 ൽ പ്രസിദ്ധീകരിച്ച, ബി. കല്ല്യാണി അമ്മ എഴുതിയ ഓർമ്മയിൽ നിന്ന്  എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

ഇന്ത്യൻ ദേശീയവാദിയായ എഴുത്തുകാരൻ, പത്രപ്രവർത്തകൻ, എഡിറ്റർ , രാഷ്ട്രീയ പ്രവർത്തകൻ, സ്വദേശാഭിമാനി (ദി പാട്രിയറ്റ്) എന്ന പത്രത്തിന്റെ എഡിറ്റർ എന്നീ നിലകളിൽ പ്രശസ്തനായ സ്വദേശാഭിമാനി രാമകൃഷ്ണപിള്ളയുടെ സഹധർമ്മിണിയായിരുന്ന ബി. കല്ല്യാണി അമ്മയുടെ ആത്മകഥയാണ് ഈ പുസ്തകം. ഒരു എഴുത്തുകാരിയും എഡിറ്ററും അധ്യാപികയും സാമൂഹിക പരിഷ്കർത്താവുമായിരുന്നു അവർ. ഇരുപതാം നൂറ്റാണ്ടിന്റെ തുടക്കത്തിൽ കേരളത്തിലെ സാമൂഹിക ആചാരങ്ങൾ, തൊട്ടുകൂടായ്മയുമായി ബന്ധപ്പെട്ട ആചാരങ്ങൾ, ഒരു സ്ത്രീയുടെ ജീവിതം എന്നിവയെക്കുറിച്ചുള്ള പ്രബുദ്ധമായ വായന ഈ പുസ്തകം സമ്മാനിക്കുന്നു.

കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.