1967 - സന്മാർഗ്ഗശാസ്ത്ര പാഠങ്ങൾ - അഞ്ചാം ഭാഗം - സാധു ഇട്ടിയവിര
Item
ml
1967 - സന്മാർഗ്ഗശാസ്ത്ര പാഠങ്ങൾ - അഞ്ചാം ഭാഗം - സാധു ഇട്ടിയവിര
en
1967 - Sanmarga Shasthra Padangal - Part 5 - Sadhu Ittyavirah
1967
90
സാധു ഇട്ടിയവിര രചിച്ച സന്മാർഗ്ഗശാസ്ത്ര പാഠങ്ങൾ എന്ന പുസ്തകത്തിലൂടെ മനുഷ്യർക്കിടയിലെ പരസ്പരബന്ധത്തിൻ്റെയും ഐക്യത്തിൻ്റെയും സേവനമനോഭാവത്തിൻ്റെയും പ്രധാന്യമാണ് ലളിതമായി വിശദീകരിക്കുന്നത്. മനുഷ്യൻ ഒരു സാമൂഹ്യജീവിയാണെന്നും ജാതി, മതം, ഭാഷ, രാഷ്ട്രീയം എന്നിവയുടെ വേലിക്കെട്ടുകൾക്കതീതമായി എല്ലാവരും വിശ്വമഹാകുടുംബത്തിലെ അംഗങ്ങളായി ജീവിക്കണമെന്നും പുസ്തകം ഓർമ്മിപ്പിക്കുന്നു. സമൂഹത്തിൻ്റെ സുഗമമായ നിലനിൽപ്പിന് അധികാരം ആവശ്യമാണെങ്കിലും അത് ജനങ്ങളെ സ്വയം പ്രാപ്തരാക്കുന്നതും സൃഷ്ടിപരമായ വിമർശനങ്ങളെ ഉൾക്കൊള്ളുന്നതും ആകണം. ശരീരത്തിലെ വിവിധ അവയവങ്ങൾ പരസ്പരം സഹായിക്കുന്നതുപോലെ, സമൂഹത്തിലെ ഓരോ വ്യക്തിയും പണം കൊണ്ടോ വാക്കുകൾ കൊണ്ടോ സഹാനുഭൂതി കൊണ്ടോ അന്യോന്യം തുണയ്ക്കേണ്ടവരാണ്. ഫാദർ ഡാമിയൻ്റെയും സാധു സുന്ദർ സിങ്ങിൻ്റെയും ജീവിത മാതൃകകൾ ചൂണ്ടിക്കാട്ടി, സ്വന്തം കാര്യങ്ങളിൽ മാത്രം ശ്രദ്ധ കേന്ദ്രീകരിക്കാതെ മറ്റുള്ളവർക്കായി ജീവിക്കുമ്പോഴും ത്യാഗം സഹിക്കുമ്പോഴുമാണ് മനുഷ്യജീവിതം പൂർണ്ണമാകുന്നത് എന്ന് ഈ കൃതി വ്യക്തമാക്കിത്തരുന്നു.