1957 - സംക്രന്ദനം - എം. ലൂക്കോസ് പുല്ലുവിള

Item

17 Reads 3 Downloads
Title
1957 - സംക്രന്ദനം - എം. ലൂക്കോസ് പുല്ലുവിള
1957 - Samkrandanam - M. Lukose Pulluvila
Date published
1957
Number of pages
32
Language
Date digitized
Dimension
17 × 12 cm (height × width)

Abstract
വഞ്ചിരാജ്യത്തിലെ ഒരു സമുദായം പൂർവകാലത്ത് അനുഭവിച്ചിരുന്ന പ്രതാപവും, പിന്നീട് കാലഗതിയിൽ അവർക്കുണ്ടായ സാമൂഹികവും സാമ്പത്തികവുമായ അധഃപതനവുമാണ് സംക്രന്ദനം എന്ന കൃതിയുടെ പ്രമേയം. ദുരിതക്കയത്തിൽ അകപ്പെട്ട സമുദായത്തിലെ സ്ത്രീകൾ തങ്ങളുടെ പിതാവ്, സഹോദരൻ, ഭർത്താവ്, പുത്രൻ എന്നിവരെ സംബോധന ചെയ്ത് തങ്ങളുടെ കദനങ്ങൾ വിവരിക്കുന്ന രീതിയിലാണ് കവിത രചിച്ചിരിക്കുന്നത്. ഖണ്ഡകാവ്യത്തെ പ്രധാനമായും രണ്ട് ഭാഗങ്ങളായി തിരിച്ചിട്ടുണ്ട്. പൂർവഭാഗം രചിച്ചു കഴിഞ്ഞ് രണ്ടു ദശാബ്ദങ്ങൾക്കു ശേഷമാണ് ഉത്തരഭാഗം രചിക്കപ്പെട്ടിട്ടുള്ളത്. പൂർവികരായ പുരുഷന്മാർ വീരന്മാരും, ദാനശീലരും, കലാകാരന്മാരും, കവികളും, വൈദ്യന്മാരും, വിദേശരാജ്യങ്ങളിൽ പോയി വ്യാപാരം നടത്തിയിരുന്നവരും, തിരുവഞ്ചിരാജ്യത്തെ വിദേശാക്രമണങ്ങളിൽ നിന്ന് സംരക്ഷിച്ചവരുമായിരുന്നുവെന്ന് ഇതിൽ വർണ്ണിക്കുന്നു. അക്കാലത്ത് അവർ തങ്ങളുടെ സ്ത്രീകളെ ആഭരണങ്ങളും പട്ടുവസ്ത്രങ്ങളും അണിയിച്ച്, തോഴിമാരുടെ പരിചരണത്തോടെ മാളികകളിൽ സുഖമായി സംരക്ഷിച്ചിരുന്നതിൻ്റെ മനോഹരമായ ചിത്രവും ഇതിലുണ്ട്. പൂർവികരുടെ കാലശേഷം ആ സമുദായം ദുരിതക്കയത്തിലേക്ക് വീഴുന്നതാണ് ഉത്തരഭാഗത്തിൽ ചിത്രീകരിക്കുന്നത്. കിടക്കാൻ വീടോ, ഉടുക്കാൻ നല്ല വസ്ത്രമോ, കുളിക്കാൻ കുളമോ, പ്രാഥമികാവശ്യങ്ങൾ നിർവഹിക്കാൻ പോലും സൗകര്യമോ ഇല്ലാതെ ഒരു കുടിലിൽ തന്നെ പല കുടുംബങ്ങൾ ഞെരുങ്ങി ജീവിക്കുന്ന ദയനീയ അവസ്ഥ കവി വരച്ചുകാട്ടുന്നു. ഈ ദുരവസ്ഥയിൽ നിന്ന് കരകയറാനായി ഭരണാധികാരികളുടെ മുന്നിൽ തങ്ങളുടെ സങ്കടങ്ങൾ അറിയിക്കണമെന്നും, ഭിന്നിച്ചു നിൽക്കാതെ എല്ലാവരും ഒരുമയോടെ സംഘടിക്കണമെന്നും, അറിവും നാവും (സംസാരശേഷിയും) ആയുധമാക്കി സ്വന്തം അവകാശങ്ങൾ നേടിയെടുക്കണമെന്നും കവി ആഹ്വാനം ചെയ്യുന്നു