1927 - മാർ മാത്യൂസ് അത്തനാസ്യോസിൻ്റെ പഞ്ചകല്യാണി - കെ.എം. വർഗ്ഗീസ്
Item
101
Reads
13
Downloads
ml
1927 - മാർ മാത്യൂസ് അത്തനാസ്യോസിൻ്റെ പഞ്ചകല്യാണി - കെ.എം. വർഗ്ഗീസ്
en
1927 - Mar Mathews Athanasyosinte Panchakalyani - K.M. Varghese
1927
146
പ്രശസ്ത ചരിത്ര ഗവേഷകനും എഴുത്തുകാരനുമായിരുന്ന ചിത്രമെഴുത്ത് കെ. എം. വർഗീസ് രചിച്ച പ്രശസ്തമായ ഒരു ചരിത്രകഥയാണ് 'മാർ അത്തനാസ്യോസിൻ്റെ പഞ്ചകല്യാണി. മലങ്കര സഭയുടെ നവീകരണ പ്രസ്ഥാനങ്ങൾക്ക് നേതൃത്വം നൽകിയ മാത്യൂസ് മാർ അത്തനാസിയോസ് മെത്രാപ്പോലീത്തയും അദ്ദേഹത്തിൻ്റെ അരുമയായ 'ശോമി' എന്ന പഞ്ചകല്യാണി കുതിരയും തമ്മിലുള്ള ബന്ധവും, ആ കുതിരയുടെ ദാരുണമായ അന്ത്യവുമാണ് ഈ പുസ്തകത്തിൻ്റെ ഇതിവൃത്തം. തിരുവിതാംകൂർ-കൊച്ചി ബ്രിട്ടീഷ് റസിഡൻ്റായിരുന്ന മേജർ ജനറൽ വില്യം കുള്ളൻ, മാത്യൂസ് മാർ അത്തനാസിയോസ് മെത്രാപ്പോലീത്തയ്ക്ക് സമ്മാനിച്ച അപൂർവ്വയിനം കത്തിയവാർ കുതിരയായിരുന്നു 'ശോമി'. മുഖത്തും നാല് കാലുകളിലും വെളുത്ത അടയാളങ്ങളുള്ള ഇത്തരം കുതിരകളെയാണ് 'പഞ്ചകല്യാണി' എന്ന് വിളിക്കുന്നത്. മെത്രാപ്പോലീത്തയുടെ സഭാ നവീകരണ ആശയങ്ങളോട് എതിർപ്പുള്ളവർ പുതുപ്പള്ളി സെൻ്റ് ജോർജ്ജ് പള്ളി സന്ദർശനത്തിനിടെ ഈ കുതിരയെ ലയത്തിൽ വെച്ച് വിഷം കൊടുത്ത് കൊന്നു എന്നാണ് ചരിത്രം. സഭാ ചരിത്രത്തിലെ ഈ വൈകാരികവും നാടകീയവുമായ സംഭവത്തെ അടിസ്ഥാനമാക്കിയാണ് കെ.എം. വർഗീസ് ഈ പുസ്തകം രചിച്ചത്. സഭാ ചരിത്രത്തിലെയും തിരുവിതാംകൂർ ചരിത്രത്തിലെയും നിരവധി സാമൂഹിക-രാഷ്ട്രീയ യാഥാർത്ഥ്യങ്ങളിലേക്ക് ഈ കൃതി വെളിച്ചം വീശുന്നു.
ഈ ഗ്രന്ഥത്തിൽ കൊച്ചി രാജാവിനെയും സർക്കാരിനെയും അപകീർത്തിപ്പെടുത്തുന്ന ചില പരാമർശങ്ങൾ ഉണ്ടെന്ന ആക്ഷേപം ഉയർന്നിരുന്നു. ഇതിനെത്തുടർന്ന് നവോത്ഥാന നായകനായ മന്നത്തു പത്മനാഭൻ 'സർവീസ്' വാരികയിലൂടെ ഈ പുസ്തകത്തിന് സുദീർഘമായ ഒരു നിശിത നിരൂപണം എഴുതുകയുണ്ടായി. 'പഞ്ചകല്യാണി - ഒരു നിരൂപണം' എന്ന പേരിൽ 14 അധ്യായങ്ങളുള്ള ഒരു പുസ്തകമായി മന്നത്തിൻ്റെ ഈ നിരൂപണം പിന്നീട് പ്രസിദ്ധീകരിക്കപ്പെട്ടു.
ഈ ഗ്രന്ഥത്തിൽ കൊച്ചി രാജാവിനെയും സർക്കാരിനെയും അപകീർത്തിപ്പെടുത്തുന്ന ചില പരാമർശങ്ങൾ ഉണ്ടെന്ന ആക്ഷേപം ഉയർന്നിരുന്നു. ഇതിനെത്തുടർന്ന് നവോത്ഥാന നായകനായ മന്നത്തു പത്മനാഭൻ 'സർവീസ്' വാരികയിലൂടെ ഈ പുസ്തകത്തിന് സുദീർഘമായ ഒരു നിശിത നിരൂപണം എഴുതുകയുണ്ടായി. 'പഞ്ചകല്യാണി - ഒരു നിരൂപണം' എന്ന പേരിൽ 14 അധ്യായങ്ങളുള്ള ഒരു പുസ്തകമായി മന്നത്തിൻ്റെ ഈ നിരൂപണം പിന്നീട് പ്രസിദ്ധീകരിക്കപ്പെട്ടു.