All release notes

Release note

1961-ൽ പ്രസിദ്ധീകരിച്ച, കാളിദാസൻ എഴുതിയ ഋതു സംഹാരം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്. മലയാളത്തിലേയ്ക്ക് വിവർത്തനം ചൈയ്തിരിക്കുന്നത് മാവേലിക്കര അച്യുതനാണ്.

കാളിദാസൻ്റെ പ്രശസ്ത ലഘുകാവ്യമായ ഋതുസംഹാരം സംസ്കൃത സാഹിത്യത്തിലെ കാലവർണനയുടെ പരമോന്നത മാതൃകയാണ്, ആറ് ഋതുക്കളെ ശൃംഗാരം രസ പ്രദമായി ചിത്രീകരിക്കുന്നു. പ്രേമനിർഭരമായ ഹൃദയത്തിന് എല്ലാ കാലാവസ്ഥകളും മാനസോല്ലാസകരമായി മാറുമെന്ന ആശയം കാവ്യത്തിൻ്റെ സാരമാണ്. കാമുകൻ  പ്രണയിനിയോട് ഋതുപരിവർത്തനങ്ങൾ ശൃംഗാരലീലകൾക്ക് എങ്ങനെ കളമൊരുക്കുന്നു എന്ന് സൂക്ഷ്മമായി വിവരിക്കുന്നു. കാളിദാസൻ്റെ പുതുമയുള്ള ചിന്താഭാവനകളും, പ്രകൃതിയും-മനുഷ്യമനസ്സും തമ്മിലുള്ള സമന്വയത്താലും സമ്പന്നമായ കൃതി വായനയെ പൂർണമായി ആകർഷിക്കുകയും ആനന്ദിപ്പിക്കുകയും ചെയ്യുന്നു.

കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.