1996ൽ സി. കെ മൂസ്സത് രചിച്ച വൈക്കത്ത് പാച്ചുമൂത്തത് എന്ന ബഹുമുഖപ്രതിഭയുടെ ജീവചരിത്രമായ വൈക്കത്ത് പാച്ചുമൂത്തത് എന്ന കൃതിയുടെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്. സംസ്കൃതത്തിലും, മലയാളത്തിലുമുള്ള അനേകം പുസ്തകങ്ങളുടെ രചയിതാവ്, ആദ്യത്തെ തിരുവിതാംകൂർ ചരിത്രകാരൻ, മലയാള വ്യാകരണം ആദ്യമായി രചിച്ച കേരളീയൻ, ജ്യോതിഷികൻ, ഭിഷഗ്വരൻ, സാമൂഹിക പ്രവർത്തകൻ എന്നീ നിലകളിൽ പ്രശസ്തിയാർജ്ജിച്ച വ്യക്തിയാണ് വൈക്കത്ത് പാച്ചുമൂത്തത്.
ശാസ്ത്ര അദ്ധ്യാപകനും കേരളഭാഷാ ഇൻസ്റ്റിറ്റ്യൂട്ടിൻ്റെ പ്രഥമ അസിസ്റ്റൻ്റ് ഡയറക്ടറുമായിരുന്ന പ്രൊഫസർ സി.കെ. മൂസ്സതിൻ്റെ രചനകൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് പങ്കു വെക്കുന്നത്.