1949 – ൽ പ്രസിദ്ധീകരിച്ച, കെ.എസ്. നീലകണ്ഠം രചിച്ച കമ്പോസ്റ്റ് വളവും പച്ചില വളവും എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
സ്വാതന്ത്ര്യാനന്തര ഭാരതം നേരിട്ട കടുത്ത ഭക്ഷ്യക്ഷാമത്തിൻ്റെ പശ്ചാത്തലത്തിൽ, കർഷകരെ ബോധവൽക്കരിച്ച് ഭക്ഷ്യോത്പാദനത്തിൽ സ്വയംപര്യാപ്തത നേടുക എന്ന ലക്ഷ്യത്തോടെ പ്രസിദ്ധീകരിച്ച ഒരു പ്രായോഗിക കൃഷിശാസ്ത്ര ഗ്രന്ഥാവലിയാണ് 'ഐശ്വര്യമാല'. വിവിധ പത്രമാസികകളിൽ ചിതറിക്കിടന്നിരുന്ന കാർഷിക അറിവുകൾ തേടിപ്പിടിച്ച്, ഗ്രന്ഥകാരൻ തൻ്റെ സ്വന്തം കൃഷിാനുഭവങ്ങളുമായി കൂട്ടിയിണക്കിയാണ് സാധാരണക്കാരായ കർഷകർക്കായി ഈ പുസ്തകം തയ്യാറാക്കിയിരിക്കുന്നത്. മണ്ണിൽ പ്രകൃതിദത്തമായ ജൈവവളങ്ങൾ ചേർക്കേണ്ടതിൻ്റെ ആവശ്യകതയെക്കുറിച്ചും, അടുക്കള അവശിഷ്ടങ്ങൾ ഉപയോഗിച്ച് കമ്പോസ്റ്റ് വളം നിർമ്മിക്കുന്ന രീതിയെക്കുറിച്ചും, മണ്ണിൽ പച്ചിലകൾ ചേർത്ത് ഫലഭൂയിഷ്ഠത കൂട്ടുന്നതിനെക്കുറിച്ചുമുള്ള പ്രായോഗിക നിർദ്ദേശങ്ങളാണ് ഈ പുസ്തകത്തിൽ കെ.എസ്. നീലകണ്ഠം വിവരിക്കുന്നത്.
കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.