1940– ൽ പ്രസിദ്ധീകരിച്ച ശ്രീകണ്ഠേശ്വരം എൻ രാമൻപിള്ള രചിച്ച ശ്രീ സുഭാഷ് ചന്ദ്രബോസ് എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.
സ്വന്തം രാജ്യത്തിനു വേണ്ടി അവിരാമം പ്രവർത്തിച്ച മഹാത്മാക്കളുടെ ജീവചരിത്രം പ്രസിദ്ധീകരിക്കുക എന്ന ഉദ്ദേശത്തോടെ പുറത്തിറക്കിയ സ്വരാജ്യ ഗ്രന്ഥാവലിയിൽ പെടുന്നതാണ് ഈ പുസ്തകം. ശ്രീ സുഭാഷ് ചന്ദ്രബോസിൻ്റെ ലഘു ജീവചരിത്രം ആണ് ഇതിലുള്ളത്. അദ്ദേഹത്തിൻ്റെ ബാല്യകാലം മുതൽ വിദ്യാഭ്യാസം, രാഷ്ട്രീയ പ്രവേശനം, വിദേശത്തുള്ള ജീവിതം, സ്വാതന്ത്ര്യ സമരരംഗത്തുള്ള പ്രവർത്തനങ്ങൾ എന്നിവയെല്ലാം തന്നെ ഇതിൽ പ്രതിപാദിച്ചിരിക്കുന്നു. ഗ്രന്ഥകർത്താവിനെ കുറിച്ചുള്ള കൂടുതൽ വിവരങ്ങൾ പൊതു ഇടത്തിൽ ലഭ്യമല്ല
കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.