All release notes

Release note

1956 – ൽ ഇന്ത്യൻ കമ്മ്യൂണിസ്റ്റ് പാർട്ടിയുടെ സംസ്ഥാന കമ്മിറ്റിപ്രസിദ്ധീകരിച്ച ജയപ്രകാശിൻ്റെ തുറന്ന കത്തും അജയഘോഷിൻ്റെ മറുപടിയും  എന്ന ലഘുലേഖയുടെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

റഷ്യൻ കമ്മ്യൂണിസ്റ്റ് പാർട്ടിയുടെ ഇരുപതാം കോൺഗ്രസ്സിൽ ക്രൂഷ്ചേവ് നടത്തിയ വെളിപ്പെടുത്തലുകളെ സംബന്ധിച്ചാണ് ജയപ്രകാശ് ഇന്ത്യയിലെ കമ്യൂണിസ്റ്റ് സുഹൃത്തുക്കളോട് ചില കാര്യങ്ങൾ പറയുന്നത്. സ്റ്റാലിൻ ഭരണത്തിൽ കീഴിൽ കമ്യൂണിസത്തിൻ്റെ പേരിൽ നടത്തിയിട്ടുള്ള പാതകങ്ങളെക്കുറിച്ച്, ക്രൂഷ്ചേവിൻ്റെ തുറന്നു പറച്ചിലിനു മുൻപേ തന്നെ ഇവിടത്തെ നേതാക്കൾക്കെങ്കിലും അറിവുണ്ടായിരിക്കണം. എന്നിട്ടും ഇത്രയും കാലം ഇവർ മൗനമവലംബിച്ചതിനു കാരണമെന്ത് എന്ന് കത്തിൽ ചോദിക്കുന്നു. മറ്റിടങ്ങളിലെ പോലെ ഇന്ത്യയിലെയും കമ്മ്യൂണിസ്റ്റുകാർ മോസ്കോയുടെ പാവകളായി അനുവർത്തിച്ചു വരുന്നു.

തുടർന്ന് അജയഘോഷ് നൽകുന്ന മറുപടിയിൽ സോവിയറ്റ് യൂണിയൻ കൈവരിച്ച നേട്ടങ്ങൾ എണ്ണി പറയുന്നു. എന്തൊക്കെ കുറവുകളുണ്ടെങ്കിലും സോവിയറ്റ് യൂണിയനിൽ നിലനിൽക്കുന്നത് സോഷ്യലിസ്റ്റ് വ്യവസ്ഥിതിയാണ്. തെറ്റുകൾ ഉണ്ടായിട്ടുണ്ടെങ്കിൽ അത് വെളിപ്പെടുത്തിയിട്ടുള്ളതും സോവിയറ്റ് നേതാക്കൾ തന്നെ ആണ്. സ്വാതന്ത്ര്യത്തിൻ്റെയും സമത്വത്തിൻ്റെയും സാഹോദര്യത്തിൻ്റെയും ഉന്നതമായ തത്വങ്ങൾ ചരിത്രപരമായി നിറവേറ്റപ്പെടുന്നത് സോഷ്യലിസത്തിൽ മാത്രമാണ്

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.