1927-ൽ പ്രസിദ്ധീകരിച്ച, മാധവനാർ രചിച്ച ഒരു ഹിമാലയയാത്ര എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്
സഞ്ചാരസാഹിത്യം വളരെ അപൂർവമായിരുന്ന കാലത്താണ് മാധവനാർ തൻ്റെ ഹിമാലയൻ യാത്രാവിവരണം മാതൃഭൂമിയിലൂടെ ലേഖനപരമ്പരയായി പ്രസിദ്ധീകരിക്കുന്നത്. ഏറെക്കാലം വടക്കേ ഇന്ത്യയിൽ ജോലി ചെയ്തിരുന്ന ഗ്രന്ഥകാരൻ, ജോലിയിൽ നിന്നു പിരിഞ്ഞ് 1923-ലാണ് ബനാറസിലേക്ക് യാത്രയാവുന്നത്. അവിടെ നിന്ന് ഹരിദ്വാറിലേക്കും കാൽനടയായി ഋഷികേശിലേക്കും യാത്രയാവുന്നു. ഹിന്ദുക്കളുടെ ലക്ഷണമായ 'കുടുമ' ഇല്ലാത്തതിനാൽ പലയിടത്തും അദ്ദേഹത്തെ ആളുകൾ സംശയാസ്പദമായി വീക്ഷിക്കുന്നതായും എഴുതിയിട്ടുണ്ട്.
ഋഷികേശിൽ നിന്നു ഗുരുകുലം, കേദാർനാഥ്, ബദരീനാഥ് എന്നിവിടങ്ങളിലേക്കുള്ള ദുർഘടമായ യാത്രാവഴികളും ലഭ്യമായ സൗകര്യങ്ങളും ഹിമാലയത്തിൻ്റെ അനന്തഭൗമമായ സൗന്ദര്യവും ഗ്രന്ഥകാരൻ പുസ്തകത്തിൽ വിശദീകരിക്കുന്നു.
മദ്രാസ് യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.