സമത്വമില്ലാതെ,നീതിയില്ല (എം.എൽ.എ. മാർക്കൊരു തുറന്ന കത്ത്) - വി. രാമചന്ദ്രൻ
Item
സമത്വമില്ലാതെ,നീതിയില്ല (എം.എൽ.എ. മാർക്കൊരു തുറന്ന കത്ത്) - വി. രാമചന്ദ്രൻ
8
Samathwamillathe Neethiyilla- V. Ramachandran
കോൺഗ്രസ്സ് പരിവർത്തനവാദികളുടെ വൈസ് പ്രെസിഡന്റായ ശ്രീ. വി രാമചന്ദ്രൻ എം എൽ എ മാർക്കൊരു തുറന്ന കത്ത് എന്ന പേരിൽ എഴുതിയ ലേഖനമാണിത്. 1972- ലെ സമയ ബന്ധിത പരിപാടിയിൽ പ്രഖ്യാപിച്ച കർഷക തൊഴിലാളി ബില്ലിന്റെ പിതൃത്വത്തെ ചൊല്ലി അവകാശം ഉന്നയിക്കുന്ന കോൺഗ്രസ് രാഷ്ട്രീയക്കാരെ ഇതിൽ വിമർശിക്കുന്നു. ബില്ലിന്റെ പരിധിയിൽ നിന്നും ഒരു ഹെക്ടർ വരെ ഭൂപരിധി ഉള്ളവരെ ഒഴിവാക്കിയത് കർഷകത്തൊഴിലാളികൾക്കു നേരെയുള്ള നീതി നിഷേധമാണെന്നു ലേഖകൻ പറയുന്നു. എല്ലാ കർഷക തൊഴിലാളികൾക്കും എല്ലാ ആനുകൂല്യങ്ങളും ലഭിക്കണം എന്ന യൂത്ത് കോൺഗ്രസിന്റെ ആവശ്യത്തെ ഈ ബില്ലിൽ നിരാകരിക്കുകയും അങ്ങനെ കർഷകത്തൊഴിലാളികൾക്കു കിട്ടേണ്ട ആനുകൂല്യങ്ങൾ നിഷേധിക്കപ്പെടുകയും ചെയ്തിരിക്കുന്നു. ഇങ്ങനെയൊരു സമീപനത്തിൽ ഭരണ കക്ഷിയിലെ സി പി ഐ ഈ വിഷയം ഏറ്റെടുക്കുകയോ മാർക്സിസ്റ് പാർട്ടിയുടെ ആവശ്യം അംഗീകരിക്കുകയോ ചെയ്തു നീതി നടപ്പാക്കണം എന്നും ലേഖകൻ ആവശ്യപ്പെടുന്നുണ്ട്. ബാങ്ക് ഉദ്യോഗസ്ഥർക്കും പൈലറ്റുമാർക്കും അദ്ധ്യാപകർക്കും വേണ്ടി ശബ്ദമുയർത്തിയിട്ടുള്ള ഭരണ പ്രതിപക്ഷ കക്ഷികൾ തമ്മിലുള്ള മത്സരത്തേക്കാൾ അതാണ് ഇന്നിന്റെ ആവശ്യം എന്നും ലേഖകൻ അടിവരയിടുന്നു.
- Item sets
- പ്രധാന ശേഖരം (Main collection)